Lucas 6:35 - Mixteco del suroeste de Tlaxiaco Oaxaca

³⁵ ’Soo kunu̱u̱nꞌ rán rá ñɨvɨ ya̱ túfíꞌ táꞌán ráa jín ránoꞌó jee saꞌá rán ya̱ váꞌa jín ráa. Jee ku̱ꞌvanúún rán nu̱u̱nꞌ ñɨvɨ sú ntu jíníꞌ rán ya̱ naniꞌinꞌ tuku rán maa. Jee máá ñáꞌnú ví ta̱ꞌvi̱ꞌ ni̱ꞌi̱nꞌ rán, jee kuvi rán se̱ꞌya Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ, chi ñúnkúún iniꞌ re̱ꞌ rá ñɨvɨ ya̱ ntu jiáꞌa ráa ya̱ kútaꞌviꞌ ráa nu̱u̱nꞌ re̱ꞌ jín rá ñɨvɨ niváꞌa.

Lucas 6:35 ပူးပေါင်းရင်းမြစ်များ

Mateo 5:9

Na̱ ka̱ꞌ netuꞌ ka̱ꞌ kúvi rá ñɨvɨ ya̱ númánitáꞌán ráa, kuneeꞌ ñunkúún ñɨvɨ jín ɨɨn inka táꞌán ráa, chi nakaꞌanꞌ Ndiosíꞌ se̱ꞌya re̱ꞌ ráa.

Marcos 5:7

Jee ni̱ꞌin xá nka̱najíín re̱ꞌ nsa̱ꞌá ta̱chi̱ꞌ néꞌí kákini, jee nkachiꞌ‑i: ―¿Na̱kui chi kíní nú maánú nteñu ráníꞌ, Jesús, Se̱ꞌya Ndiosíꞌ, máá kúñáꞌnú nasɨ́kuitɨꞌ nu̱u̱nꞌ kua̱íyó? Jíkánꞌ táꞌvíꞌ ni̱ꞌ nu̱u̱nꞌ noꞌó ichinúúnꞌ Ndiosíꞌ, ya̱ koto xínóꞌo nú nuꞌuꞌ.

Lucas 1:32

Jee kuñáꞌnú re̱ꞌ, jee kuna̱ní re̱ꞌ Se̱ꞌya Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ. Jee saꞌá I̱toꞌoꞌ‑ó Ndiosíꞌ ya̱ tatúníꞌ re̱ꞌ, kuéntáꞌ kua̱ꞌ nta̱túníꞌ David ya̱ kúvi tátáꞌ jííꞌ ichiyúkúnꞌ re̱ꞌ.

Lucas 6:36

Jee náꞌví koo iniꞌ rán kune̱ꞌyá rán rá ñɨvɨ, kuéntáꞌ kua̱ꞌ náꞌví íyó iniꞌ Tátáꞌ rán Ndiosíꞌ.

Juan 13:35

Chi retú nu̱u̱nꞌ viiꞌ ñúnúunꞌ rán ɨɨn inka táꞌán rán, yukuán jee kuniꞌ ntáká rá ñɨvɨ ya̱ maárán kúvi te̱e súkuáꞌa ni̱ꞌ ―nkachiꞌ Jesús.

Juan 15:8

Jee retú jiáꞌnu rán sáni kuíni Ndiosíꞌ, kúvi rán kuéntáꞌ yokúꞌúꞌ kúun víꞌí uva jee yaꞌá kúvi ya̱ stúvi rán ya̱ kúñáꞌnú Ndiosíꞌ, jee suni sukuán kúvi nijia rán rá ñɨvɨ ya̱ súkuáꞌa ni̱ꞌ ránoꞌó níkɨ́nꞌ rán nuꞌuꞌ.

Hechos 14:17

Sú sáꞌá re̱ꞌ suꞌva, sukuáni nástúvi re̱ꞌ ya̱ naáꞌ jie̱ꞌe̱ꞌ né ɨɨn kúvi re̱ꞌ, jie̱ꞌe̱ꞌ ya̱ váꞌa sáꞌá re̱ꞌ. Ne̱ súkún síkúun re̱ꞌ sa̱vi̱ꞌ, jee jiáꞌa re̱ꞌ tiempúꞌ kúun tataꞌ sáꞌá. Táji re̱ꞌ ya̱ yájíꞌ rán, jee kúsɨ́ɨꞌ ánímaꞌ rán sáꞌá re̱ꞌ.

2 Corintios 8:9

Chi ya̱ jíníꞌ rán ya̱ íyó mániꞌ iniꞌ I̱toꞌoꞌ‑ó Jesús ya̱ kúvi Cristo néꞌyá re̱ꞌ yó ya̱ sáꞌá re̱ꞌ ya̱ váꞌa jín‑ó. Chi sú kúká re̱ꞌ chi xi̱ntíín re̱ꞌ ví nɨꞌɨ ya̱ íyó, soo nna̱saꞌá láꞌví re̱ꞌ maáréꞌ jie̱ꞌe̱ꞌ ya̱ kúvi ya̱ váꞌa nu̱u̱nꞌ ránoꞌó, sáva ni̱ꞌi̱nꞌ‑órán ya̱ yɨ́yáꞌvi ka̱ꞌ ya̱ táji Ndiosíꞌ, jie̱ꞌe̱ꞌ ya̱ nnoꞌo láꞌví Cristo.

2 Timoteo 3:2

Chi koo ya̱ kunu̱u̱nꞌ rá ñɨvɨ maáráa ni, jín ya̱ kunu̱u̱nꞌ ráa xu̱ꞌún, jín ya̱ kaꞌanꞌ téyɨ́ɨ́ ráa, jín ya̱ kani vi̱xi̱ꞌ iniꞌ ráa, jín ya̱ tenu̱u̱nꞌ ráa si̱kɨ̱ꞌ ñɨvɨ jín si̱kɨ̱ꞌ Ndiosíꞌ, jín ya̱ kujiááꞌ iniꞌ ráa nu̱u̱nꞌ tátáꞌ ráa jín nu̱u̱nꞌ nánáꞌ ráa, jín ya̱ ni nsáꞌ koo ya̱ kútaꞌviꞌ nu̱u̱nꞌ ráa, jín ya̱ ni nkóo ya̱ ñáꞌnú nu̱u̱nꞌ ráa nu̱u̱nꞌ Ndiosíꞌ,