Lucas 6:30 - Mixteco del suroeste de Tlaxiaco Oaxaca

³⁰ Ntáká ñɨvɨ ya̱ jíkánꞌ nantíñú nu̱u̱nꞌ nú, ku̱ꞌva maa nu̱u̱nꞌ‑u. Jee ñɨvɨ ya̱ káneeꞌ‑e nantíñú nú, jee koto jíkánꞌ nú maa nu̱u̱nꞌ‑u.

Lucas 6:30 ပူးပေါင်းရင်းမြစ်များ

Mateo 18:35

’Suni sukuán saꞌá Tátáꞌ ni̱ꞌ Ndiosíꞌ, ya̱ nééꞌ antivɨ́ súkún, jín ránoꞌó retú ntu̱ví nékáꞌnú iniꞌ ta ɨɨn rán kune̱ꞌyá rán ne̱ jín ánímaꞌ rán ñanitáꞌán rán, jie̱ꞌe̱ꞌ rá kua̱chi sáꞌá‑a si̱kɨ̱ꞌ rán ―nkachiꞌ Jesús.

Mateo 5:39

Soo nuꞌuꞌ káchíꞌ ni̱ꞌ nu̱u̱nꞌ ránú ya̱: Koto núníꞌin ránú nu̱u̱nꞌ ñɨvɨ niváꞌa. Chisaꞌ retú ɨɨn ñɨvɨ kátúꞌ‑u yɨkɨnúúnꞌ ichi kuáꞌá nú, jee natee nú iyo inka ichi yɨkɨnúúnꞌ nú nu̱u̱nꞌ‑u.

Mateo 6:12

Jee kunekáꞌnú iniꞌ nú kune̱ꞌyá nú ránuꞌuꞌ jie̱ꞌe̱ꞌ kua̱chi sáꞌá ráníꞌ, kuéntáꞌ kua̱ꞌ suni nékáꞌnú iniꞌ ráníꞌ rá niváꞌa sáꞌá ráa ránuꞌuꞌ.

Lucas 11:41

Soo ne̱ ánímaꞌ rán naku̱ꞌva rán ya̱ íyó nu̱u̱nꞌ rán nu̱u̱nꞌ rá ñɨvɨ láꞌví, jee noo kino̱o nɨꞌɨ nu̱u̱nꞌ ránoꞌó.

Lucas 12:33

Xi̱kó rán nantíñú rán, jee ku̱ꞌva rán xu̱ꞌún nu̱u̱nꞌ rá ñɨvɨ láꞌví. Jee sukuán chuva̱ꞌa rán ta̱ꞌvi̱ꞌ yɨ́yáꞌvi maárán ya̱ ntu nɨ́ꞌɨ‑ɨ iniꞌ antivɨ́ súkún, jee suꞌva kuéntáꞌ yukuán saꞌá rán ñɨɨn xu̱ꞌún maárán ya̱ ntu kutúꞌú‑u. Jee yukuán ntu kénta rá kui̱ꞌná, ni ntu stívɨ́ ti̱kixinꞌ maa.

Lucas 18:22

Jee sáá nteso̱ꞌo Jesús ya̱ nkachiꞌ‑i, jee nkachiꞌ re̱ꞌ nu̱u̱nꞌ‑u: ―Kúmániꞌ ɨɨn ka̱ꞌ tiñu íyó saꞌá nú. Xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá ñɨvɨ láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ ―nkachiꞌ Jesús.

Lucas 6:29

Jee retú ɨɨn ñɨvɨ kátúꞌ‑u ɨɨn ichi yɨkɨnúúnꞌ nú, jee naku̱ꞌva nú inka ka̱ꞌ ichi yɨkɨnúúnꞌ nú nu̱u̱nꞌ‑u, jee koto nánikó nú maa. Jee retú ɨɨn ñɨvɨ káneeꞌ‑e saꞌma nú, jee koto kúsáꞌán nú nu̱u̱nꞌ‑u, chisaꞌ ku̱ꞌva nú kɨ̱ꞌɨ̱nꞌ‑ɨ ranika̱ꞌ jín saꞌma níji nú.

Lucas 6:31

Jee sánikua̱ꞌ kuíni rán ya̱ saꞌá ñɨvɨ jín ránoꞌó jee suni sukuán saꞌá rán jín ráa.

Lucas 6:38

Ku̱ꞌva rán nu̱u̱nꞌ rá ñɨvɨ ya̱ jíniñúꞌún maa, jee taji Ndiosíꞌ nu̱u̱nꞌ rán, chi chuku̱ꞌva va̱ꞌa re̱ꞌ taji re̱ꞌ nu̱u̱nꞌ rán, va̱ne̱ꞌ chuchítú yúú re̱ꞌ, jee va̱ne̱ꞌ kisɨ re̱ꞌ, va̱ne̱ꞌ sikáa re̱ꞌ sikútéꞌ re̱ꞌ nu̱u̱nꞌ ya̱ taji re̱ꞌ nu̱u̱nꞌ rán. Kuéntáꞌ kua̱ꞌ chuku̱ꞌva rán ya̱ sáꞌá rán nu̱u̱nꞌ rá ñɨvɨ, jee sukuán nachuku̱ꞌva Ndiosíꞌ ya̱ nataji re̱ꞌ nu̱u̱nꞌ rán ―nkachiꞌ Jesús.

Hechos 20:35

Jee jie̱ꞌe̱ꞌ nsa̱ꞌá ni̱ꞌ nɨꞌɨ yaꞌá, jee suꞌva nna̱stúvi ni̱ꞌ ya̱ íyó satíñú ni̱ꞌin‑ó sukuán, sáva chineí‑ó rá ñɨvɨ kúmániꞌ nu̱u̱nꞌ. Naku̱ꞌun iniꞌ rán tu̱ꞌun ya̱ nkachiꞌ I̱toꞌoꞌ‑ó Jesús: “Netuꞌ kúvi‑ó ka̱ꞌ ku̱ꞌva‑ó nsú ká natɨɨn‑ó.”

2 Corintios 8:9

Chi ya̱ jíníꞌ rán ya̱ íyó mániꞌ iniꞌ I̱toꞌoꞌ‑ó Jesús ya̱ kúvi Cristo néꞌyá re̱ꞌ yó ya̱ sáꞌá re̱ꞌ ya̱ váꞌa jín‑ó. Chi sú kúká re̱ꞌ chi xi̱ntíín re̱ꞌ ví nɨꞌɨ ya̱ íyó, soo nna̱saꞌá láꞌví re̱ꞌ maáréꞌ jie̱ꞌe̱ꞌ ya̱ kúvi ya̱ váꞌa nu̱u̱nꞌ ránoꞌó, sáva ni̱ꞌi̱nꞌ‑órán ya̱ yɨ́yáꞌvi ka̱ꞌ ya̱ táji Ndiosíꞌ, jie̱ꞌe̱ꞌ ya̱ nnoꞌo láꞌví Cristo.

Efesios 4:28

Jee ñɨvɨ ya̱ sákuíꞌná, jee koto sákuíꞌná‑a ka̱ꞌ, chisaꞌ íyó satíñú‑u jín naꞌá‑a tiñu kúvi ya̱ váꞌa, sáva ni̱ꞌi̱nꞌ‑i ya̱ ku̱ꞌva‑a nu̱u̱nꞌ inka ñɨvɨ ya̱ jíniñúꞌún.