Lucas 5:19 - Mixteco del suroeste de Tlaxiaco Oaxaca

¹⁹ Soo ni ntu nníꞌínꞌ ráa na̱ja vá ki̱vɨ ráa jín‑i jie̱ꞌe̱ꞌ ya̱ chitú nasɨ́kuitɨꞌ íñɨ́ rá ñɨvɨ yukuán, jee nkaa ráa jín‑i xi̱ni̱ꞌ ve̱ꞌí, jee nna̱neeꞌ ráa ntíꞌ tejáꞌ no̱ꞌo yukuán, jee nsi̱kúun ráa tu̱nchi̱só yósóꞌ te̱e kúꞌvíꞌ vá ne̱ nteñu rá ñɨvɨ ña̱kava‑a ichinúúnꞌ Jesús.

Lucas 5:19 ပူးပေါင်းရင်းမြစ်များ

Mateo 10:27

Jee rá tu̱ꞌun ya̱ káchíꞌ yuꞌuꞌ ni̱ꞌ nu̱u̱nꞌ rán kuéntáꞌ nu̱u̱nꞌ neenꞌ, jee kachiꞌ rán maa nu̱nijínꞌ. Jee rá tu̱ꞌun ya̱ nkachiꞌ yuꞌuꞌ ni̱ꞌ maa nu̱u̱nꞌ ránoꞌó ni, jee stekútu̱ꞌún nijinꞌ rán tu̱ꞌun vá ne̱ nu̱u̱nꞌ súkún xi̱ni̱ꞌ ve̱ꞌí.

Mateo 24:17

Jee ñɨvɨ ya̱ yósóꞌ xi̱ni̱ꞌ ve̱ꞌí‑i, jee koto núun‑u tavaꞌ‑a nantíñú‑u íyó iniꞌ veꞌi‑i.

Marcos 2:4

Jee ntu kúvi kenta ráa jín re̱ꞌ nu̱u̱nꞌ Jesús, chi íñɨ́ víꞌí ñɨvɨ. Saáva nna̱neeꞌ ráa ntíꞌ xi̱ni̱ꞌ ve̱ꞌí nu̱u̱nꞌ íñɨ́ Jesús. Jee sáá nine yukuán, jee yukuán nsi̱kúun ráa tu̱nchi̱só yósóꞌ te̱e ntu kúvi kantaꞌ vá.