Lucas 5:13 - Mixteco del suroeste de Tlaxiaco Oaxaca13 Saájee nsi̱kááꞌ Jesús naꞌá re̱ꞌ ntee re̱ꞌ maa te̱e vá, jee nkachiꞌ re̱ꞌ: ―Kuíni ni̱ꞌ. Nunoo nú nuvi nú ―nkachiꞌ re̱ꞌ. Jee kuíntañúꞌún kuitɨꞌ nkuiyo rá ni̱ꞌyɨ téꞌyúꞌ vá. အခန်းကိုကြည့်ပါ။ |
Nkuvi yaꞌá suꞌva, sáá nééꞌ Jesús ɨɨn ñuunꞌ, jee nkenta ɨɨn te̱e ne̱ nchi̱tú re̱ꞌ ni̱ꞌyɨ téꞌyúꞌ lepra maa nu̱u̱nꞌ Jesús, jee sáá niniꞌ‑i Jesús, jee ña̱kui̱ñɨ̱ꞌ ítɨ́‑ɨ ña̱xin‑i nu̱u̱nꞌ‑u ne̱ nu̱u̱nꞌ ñu̱ꞌún jee ni̱ka̱nꞌ táꞌvíꞌ‑i nu̱u̱nꞌ Jesús, jee nkachiꞌ‑i: ―I̱toꞌoꞌ, retú kuíni nú kuvi nasaꞌá noo nú xinúvi nú nuꞌuꞌ nu̱u̱nꞌ kue̱ꞌi̱ꞌ ni̱ꞌ ―nkachiꞌ‑i.
Jee nta̱túníꞌ Jesús nu̱u̱nꞌ te̱e vá: ―Koto káchíꞌ nú nu̱u̱nꞌ ni ɨɨn ñɨvɨ ya̱ nxi̱núvi ni̱ꞌ noꞌó, chisaꞌ kuáxinéꞌénꞌ nú maánú nu̱u̱nꞌ su̱tu̱ꞌ ya̱ ya nnuvi nú, jee so̱ko̱ꞌ nú nu̱u̱nꞌ Ndiosíꞌ jie̱ꞌe̱ꞌ ya̱ nno̱noo nú sánikua̱ꞌ tátúníꞌ tu̱ꞌun njiáꞌa Ndiosíꞌ nu̱u̱nꞌ Moisés ne̱ yanaꞌán. Jee sukuán so̱ko̱ꞌ nú nu̱u̱nꞌ Ndiosíꞌ sáva stúvi nú nu̱u̱nꞌ rá ñɨvɨ ya̱ ya nnuvi nú.