Lucas 5:11 - Mixteco del suroeste de Tlaxiaco Oaxaca

¹¹ Saájee sáá nna̱kani ráa rá barkúꞌ ne̱ yunúte nu̱u̱nꞌ ñuíchí, jee yukuán nxi̱nóo ráa nɨꞌɨ rá nantíñú ráa, jee nchi̱nikɨnꞌ ráa Jesús kua̱ꞌa̱nꞌ ráa jín re̱ꞌ.

Lucas 5:11 ပူးပေါင်းရင်းမြစ်များ

Mateo 10:37

Jee néni ɨɨn ñɨvɨ ya̱ ñúnúunꞌ‑u ka̱ꞌ tátáꞌ‑a áxí nánáꞌ‑a, nsú káꞌ nuꞌuꞌ, jee nsú ñɨvɨ ya̱ íyó ni̱ꞌi̱nꞌ‑i ya̱ kɨꞌɨ‑ɨ xi̱ntíín ni̱ꞌ, jee néni ɨɨn ñɨvɨ ya̱ ñúnúunꞌ‑u ka̱ꞌ se̱ꞌya yɨ́ɨ́‑ɨ áxí se̱ꞌya sɨ́ꞌɨ́‑ɨ, nsú káꞌ ya̱ ñúnúunꞌ nuꞌuꞌ, jee nsú ñɨvɨ ya̱ íyó ni̱ꞌi̱nꞌ‑i ya̱ kɨꞌɨ‑ɨ xi̱ntíín ni̱ꞌ.

Mateo 19:27

Saájee nkachiꞌ Pedro nu̱u̱nꞌ Jesús: ―I̱toꞌoꞌ, kune̱ꞌyá ránuꞌuꞌ chi nxi̱nóo ránꞌ nɨꞌɨ ya̱ kúmí ránꞌ jee níkɨ́nꞌ ránꞌ noꞌó, jee, ¿ná kúvi ya̱ ni̱ꞌi̱nꞌ ránꞌ rúja? ―nkachiꞌ Pedro.

Mateo 19:29

Jee ntáká ñɨvɨ ya̱ nxi̱nóo ráa, á veꞌi‑i, á ñaniꞌ‑i, á ku̱ꞌva‑a, á ku̱ꞌvi̱ꞌ‑i, á tátáꞌ‑a, á nánáꞌ‑a, á ñasɨ́ꞌɨ́‑ɨ, á se̱ꞌya‑a, á ñuꞌun‑u, jie̱ꞌe̱ꞌ yɨ́tíñú‑u nu̱u̱nꞌ nuꞌuꞌ, jee ni̱ꞌi̱nꞌ ráa sientúꞌ (100) víꞌí ka̱ꞌ ya̱ taji Ndiosíꞌ, nsú káꞌ kua̱ꞌ nxi̱nóo ráa, jee suni ni̱ꞌi̱nꞌ ráa nanitáꞌvíꞌ ráa nu̱u̱nꞌ kutekuꞌ ráa nɨ́ɨ́nkání jín Ndiosíꞌ.

Mateo 4:20

Saájee kuísá ntañúꞌún kuitɨꞌ nxi̱nóo ráa ñunu yúꞌvé ráa, jee nchi̱nikɨnꞌ ráa re̱ꞌ.

Mateo 4:22

Jee kuísá ntañúꞌún kuitɨꞌ nxi̱nóo ráa barkúꞌ jín tátáꞌ ráa, jee nchi̱nikɨnꞌ ráa Jesús.

Marcos 10:21

Soo sáá nne̱ꞌyá Jesús nu̱u̱nꞌ te̱e vá, jee nñunu̱u̱nꞌ re̱ꞌ maa, jee nkachiꞌ re̱ꞌ nu̱u̱nꞌ‑u: ―Kúmániꞌ ɨɨn ka̱ꞌ tiñu íyó saꞌá nú. Kuáꞌán, jee xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ, [jee xináán iniꞌ nú maánú kuéntáꞌ ɨɨn ya̱ níso kurúsiꞌ sáva kuviꞌ‑i nu̱u̱nꞌ vá jie̱ꞌe̱ꞌ nuꞌuꞌ] ―nkachiꞌ Jesús nu̱u̱nꞌ re̱ꞌ.

Lucas 5:28

Jee nna̱kuiñɨꞌ‑ɨ nxi̱nóo‑o nɨꞌɨ, jee nchi̱nikɨnꞌ‑ɨ Jesús kua̱ꞌa̱nꞌ‑a jín re̱ꞌ.