Lucas 4:35 - Mixteco del suroeste de Tlaxiaco Oaxaca

³⁵ Saájee nku̱xeenꞌ Jesús nu̱u̱nꞌ ta̱chi̱ꞌ kíni vá: ―¡Kasɨꞌ yuꞌú nú jee kene nú re̱ꞌ! ―nkachiꞌ Jesús. Jee nstu̱víꞌ kui̱ꞌna̱ꞌ te̱e vá nteñu rá ñɨvɨ, jee nkene‑e iniꞌ re̱ꞌ kua̱ꞌa̱nꞌ‑a, jee ni ntu̱né nstúfíꞌ‑i re̱ꞌ.

Lucas 4:35 ပူးပေါင်းရင်းမြစ်များ

Mateo 17:18

Saájee nku̱xeenꞌ Jesús nu̱u̱nꞌ kui̱ꞌna̱ꞌ yɨ́ꞌɨ́ iniꞌ te̱e súchí vá, jee nkene‑e re̱ꞌ, jee kuísá nnuvi re̱ꞌ hora yukuán.

Mateo 8:26

Jee nkachiꞌ re̱ꞌ nu̱u̱nꞌ ráa: ―¿Na̱ kuvi chi yúꞌví víꞌí rán rúja?, ránoꞌó ya̱ yakuꞌ kúneí iniꞌ rán nuꞌuꞌ ―nkachiꞌ re̱ꞌ. Saájee nnakui̱ñɨ̱ꞌ nichiꞌ re̱ꞌ, jee nnu̱xeenꞌ re̱ꞌ nu̱u̱nꞌ ta̱chi̱ꞌ xéénꞌ jín nu̱u̱nꞌ jísóꞌ nteñúꞌún, jee ña̱kui̱ñɨ̱ꞌ rává, jee níín kuitɨꞌ nkuvi.

Marcos 1:26

Jee ñaꞌniyɨ̱ꞌɨ́ ta̱chi̱ꞌ néꞌí vá re̱ꞌ, jee nka̱najíín kóꞌó re̱ꞌ, jee nkene‑e re̱ꞌ.

Marcos 4:39

Nnoto re̱ꞌ jee nku̱xeenꞌ re̱ꞌ nu̱u̱nꞌ ta̱chi̱ꞌ níꞌin jee nkachiꞌ re̱ꞌ nu̱u̱nꞌ nteñúꞌún: ―¡Nu̱ma̱ꞌ! ¡Níín! Nku̱niꞌín ta̱chi̱ꞌ jee ña̱kui̱ñɨ̱ꞌ nteñúꞌún.

Marcos 9:26

Jee nka̱najíín ta̱chi̱ꞌ néꞌí vá, jee iyo víꞌí ñaꞌniyɨ̱ꞌɨ́ ta̱chi̱ꞌ néꞌí vá re̱ꞌ, jee nkene‑e. Jee te̱e súchí vá nkino̱o kuéntáꞌ ɨɨn ya̱ níꞌiꞌ. Saájee kue̱ꞌe̱ꞌ ráa nkachiꞌ ya̱ níꞌiꞌ re̱ꞌ.

Lucas 11:22

Soo sáá ɨɨn máá te̱e nakuiꞌ ka̱ꞌ kiji‑i, jee kuneí‑i jín re̱ꞌ, jee kaneeꞌ‑e rá nantíñú xéénꞌ nku̱neí iniꞌ re̱ꞌ jiátíñú re̱ꞌ kúmí re̱ꞌ veꞌi re̱ꞌ, jee suni kaneeꞌ‑e nɨꞌɨ rá nantíñú íyó veꞌi re̱ꞌ tasáva‑a vá nu̱u̱nꞌ rá táꞌán‑a.

Lucas 4:23

Saájee nkachiꞌ re̱ꞌ nu̱u̱nꞌ ráa: ―Jíníꞌ ni̱ꞌ ya̱ jín tu̱ꞌun suꞌva kachiꞌ rán kune̱ꞌyá rán nuꞌuꞌ: “Te̱e tátán, xinúvi nú maánú.” Jee, “ntáká rá tiñu ya̱ nteso̱ꞌo ránꞌ ya̱ nsa̱ꞌá nú nu̱u̱nꞌ ñuunꞌ Capernaum suni saꞌá nú maa yaꞌá nu̱u̱nꞌ ñuunꞌ nú” ―nkachiꞌ re̱ꞌ.

Lucas 4:39

Jee ña̱xin neí re̱ꞌ maáréꞌ nu̱u̱nꞌ ña, jee nnu̱xeenꞌ re̱ꞌ nu̱u̱nꞌ ki̱ji, jee nkene ki̱ji vá ña. Jee nnako̱o ña jee nchi̱só ña ya̱ kajiꞌ ráa nu̱u̱nꞌ ráa.

Lucas 4:41

Jee suni ne̱ kue̱ꞌe̱ꞌ rá ñɨvɨ nkene kui̱ꞌna̱ꞌ iniꞌ ráa, jee kua̱neí rá ta̱chi̱ꞌ vá kánajíín ráa, jee nkachiꞌ ráa: ―¡Noꞌó kúvi nú Se̱ꞌya Ndiosíꞌ! Soo núxeenꞌ Jesús nu̱u̱nꞌ ráa jee ni ntu njiáꞌa re̱ꞌ kaꞌanꞌ ráa chi jíníꞌ ráa ya̱ maáréꞌ ví Cristo, [ya̱ ñani Ndiosíꞌ re̱ꞌ tatúníꞌ re̱ꞌ nu̱u̱nꞌ ñɨ̱vɨ́].

Lucas 8:24

Saájee rá te̱e ña̱xinóto ráa re̱ꞌ, jee nkachiꞌ ráa: ―¡Mestrúꞌ! ¡Mestrúꞌ! ¡Kuviꞌ‑ó! ―nkachiꞌ ráa. Jee nnoto re̱ꞌ jee nnu̱xeenꞌ re̱ꞌ nu̱u̱nꞌ ta̱chi̱ꞌ sa̱vi jín nu̱u̱nꞌ jísóꞌ nute jee ña̱kui̱ñɨ̱ꞌ ráa jee níín nkuvi‑i.

Lucas 9:39

Jee ɨɨn ta̱chi̱ꞌ kíni tɨ́ɨn‑ɨ re̱ꞌ jee síkánajíín‑i re̱ꞌ, jee jiáꞌníyɨꞌɨ́‑ɨ re̱ꞌ, jee kéne tiu̱u̱nꞌ iniꞌ yuꞌú re̱ꞌ. Jee xe̱e̱nꞌ xá xínóꞌo‑o re̱ꞌ, jee u̱ꞌvi̱ꞌ xá siááꞌ‑a re̱ꞌ.

Lucas 9:42

Jee ni kua̱kuyatin te̱súchí vá nu̱u̱nꞌ Jesús, jee nxi̱nániso ta̱chi̱ꞌ kákini kánéꞌí vá maa nu̱u̱nꞌ ñu̱ꞌún, jee ñaꞌniyɨ̱ꞌɨ́‑ɨ re̱ꞌ. Soo nnu̱xeenꞌ Jesús nu̱u̱nꞌ ta̱chi̱ꞌ kíni vá, jee nkene‑e kua̱ꞌa̱nꞌ‑a, jee nxi̱núvi re̱ꞌ te̱súchí vá, jee nna̱ku̱ꞌva re̱ꞌ maa nu̱u̱nꞌ tátáꞌ‑a.

Apoclipsis 12:12

Saáva ránoꞌó ya̱ nééꞌ ne̱ antivɨ́ súkún, na̱ ka̱ꞌ vá kusɨ̱ɨ̱ꞌ iniꞌ rán. Soo na̱ ka̱ꞌ náꞌví ka̱ꞌ ránoꞌó ya̱ nééꞌ iniꞌ ñɨ̱vɨ́ yaꞌá jín nu̱u̱nꞌ nteñúꞌún, chi nkuun máá kui̱ꞌna̱ꞌ kíni nkenta‑a nu̱u̱nꞌ nééꞌ rán, jee kítɨ́ꞌ nasɨ́kuitɨꞌ iniꞌ‑i, chi jíníꞌ‑i ya̱ ntu kue̱ꞌe̱ꞌ ka̱ꞌ tiempúꞌ íyó kuvi xináꞌví‑i ránoꞌó. Nkachiꞌ nusuyuꞌú vá.