Lucas 4:34 - Mixteco del suroeste de Tlaxiaco Oaxaca

³⁴ ―¿Na̱chi kíní nú maánú nteñu ránꞌ, Jesús ñuunꞌ Nazaret! ¿Á va̱ji nú xináánꞌ nú ránuꞌuꞌ! ¡Jíníꞌ va̱ꞌa ni̱ꞌ né ɨɨn kúvi nú! ¡Noꞌó vá ííꞌ ya̱ váji nu̱u̱nꞌ Ndiosíꞌ! ―nkachiꞌ ta̱chi̱ꞌ kákini vá.

Lucas 4:34 ပူးပေါင်းရင်းမြစ်များ

Génesis 3:15

Jee saꞌá ni̱ꞌ ya̱ tu̱fi̱ꞌ ta̱ꞌán noꞌó jín ñaꞌan vá, jín ya̱ tu̱fi̱ꞌ ta̱ꞌán se̱ꞌya ichiyúkúnꞌ nú jín se̱ꞌya ichiyúkúnꞌ ña. Jee ɨɨn se̱ꞌya ichiyúkúnꞌ ña xtufíꞌ re̱ꞌ xi̱ni̱ꞌ nú, jee suvinú xtufíꞌ xu̱jieꞌéꞌ re̱ꞌ.

Mateo 8:29

Jee nka̱najíín ráa nsa̱ꞌá ta̱chi̱ꞌ néꞌí kákini yɨ́ꞌɨ́ iniꞌ ráa, jee nkachiꞌ ráa: ―¿Na̱kui chi kíní nú maánú nteñu ráníꞌ, Jesús, Se̱ꞌya Ndiosíꞌ? ¿Á váji nú yaꞌá sáva xinóꞌo nú ránuꞌuꞌ ne̱ ntiáꞌan ka̱ꞌ kenta tiempúꞌ ji̱nu rúja? ―nkachiꞌ ráa.

Marcos 1:24

―¿Na̱chi kíní nú maánú nteñu ránꞌ, Jesús ñuunꞌ Nazaret! ¿Á va̱ji nú xináánꞌ nú ránuꞌuꞌ? Jíníꞌ va̱ꞌa ni̱ꞌ né ɨɨn kúvi nú. Noꞌó vá i̱i̱ꞌ ya̱ váji nu̱u̱nꞌ Ndiosíꞌ ―nkachiꞌ ta̱chi̱ꞌ néꞌí.

Marcos 1:34

Jee nxi̱núvi re̱ꞌ kue̱ꞌe̱ꞌ rá ñɨvɨ kúꞌvíꞌ nóꞌo kéꞌín nu̱u̱nꞌ kue̱ꞌi̱ꞌ, jee kue̱ꞌe̱ꞌ rá ta̱chi̱ꞌ néꞌí ntavaꞌ re̱ꞌ jee kua̱ꞌa̱nꞌ ráa. Jee ntu̱ví njiáꞌa re̱ꞌ kaꞌanꞌ rá ta̱chi̱ꞌ néꞌí vá, chi ya̱ jíníꞌ va̱ꞌa ráa né ɨɨn kúvi re̱ꞌ.

Marcos 5:7

Jee ni̱ꞌin xá nka̱najíín re̱ꞌ nsa̱ꞌá ta̱chi̱ꞌ néꞌí kákini, jee nkachiꞌ‑i: ―¿Na̱kui chi kíní nú maánú nteñu ráníꞌ, Jesús, Se̱ꞌya Ndiosíꞌ, máá kúñáꞌnú nasɨ́kuitɨꞌ nu̱u̱nꞌ kua̱íyó? Jíkánꞌ táꞌvíꞌ ni̱ꞌ nu̱u̱nꞌ noꞌó ichinúúnꞌ Ndiosíꞌ, ya̱ koto xínóꞌo nú nuꞌuꞌ.

Lucas 1:35

Jee nna̱xiníkó najiáꞌáꞌ ííꞌ vá nu̱u̱nꞌ ña: ―Ta̱chi̱ꞌ Ííꞌ kiji‑i nu̱u̱nꞌ noꞌó, jee kiji fuersáꞌ níꞌin níso maá Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ jee kenta‑a kikasɨꞌ kátɨ́‑ɨ noꞌó jee saꞌá‑a tiñu a̱nasɨ́ jín noꞌó. Jee saáva te̱e lúlí i̱i̱ꞌ ya̱ kaku vá kuna̱ní‑i Se̱ꞌya Ndiosíꞌ.

Lucas 4:33

Jee iniꞌ veꞌi sinagoga nu̱u̱nꞌ kútútú rá ñɨvɨ Israel íñɨ́ ɨɨn te̱e ya̱ yɨ́ꞌɨ́ kui̱ꞌna̱ꞌ ta̱chi̱ꞌ kákini maa, jee kua̱neí re̱ꞌ nka̱najíín ni̱ꞌin re̱ꞌ:

Lucas 4:41

Jee suni ne̱ kue̱ꞌe̱ꞌ rá ñɨvɨ nkene kui̱ꞌna̱ꞌ iniꞌ ráa, jee kua̱neí rá ta̱chi̱ꞌ vá kánajíín ráa, jee nkachiꞌ ráa: ―¡Noꞌó kúvi nú Se̱ꞌya Ndiosíꞌ! Soo núxeenꞌ Jesús nu̱u̱nꞌ ráa jee ni ntu njiáꞌa re̱ꞌ kaꞌanꞌ ráa chi jíníꞌ ráa ya̱ maáréꞌ ví Cristo, [ya̱ ñani Ndiosíꞌ re̱ꞌ tatúníꞌ re̱ꞌ nu̱u̱nꞌ ñɨ̱vɨ́].

Lucas 8:28

Jee sáá niniꞌ‑i Jesús, jee nka̱najíín‑i jee ña̱kui̱ñɨ̱ꞌ ítɨ́‑ɨ ña̱xin‑i maáa jie̱ꞌe̱ꞌ Jesús, jee kua̱neí‑i nka̱najíín‑i: ―¿Na̱kui chi kíní nú maánú jín nuꞌuꞌ, Jesús, Se̱ꞌya Ndiosíꞌ máá kúñáꞌnú nasɨ́kuitɨꞌ nu̱u̱nꞌ kua̱íyó? Jíkánꞌ táꞌvíꞌ ni̱ꞌ nu̱u̱nꞌ noꞌó ya̱ koto xínóꞌo nú nuꞌuꞌ ―nkachiꞌ‑i.

Lucas 8:37

Saájee ntáká rá ñɨvɨ kue̱ꞌe̱ꞌ rá ñuunꞌ yɨ́ꞌɨ́ xi̱ntíín ñuunꞌ Gadara, ni̱ka̱nꞌ táꞌvíꞌ ráa nu̱u̱nꞌ Jesús ya̱ kɨ̱ꞌɨ̱nꞌ iyo re̱ꞌ yukuán, chi yúꞌví víꞌí ráa. Saájee nna̱ku̱ꞌun re̱ꞌ iniꞌ barkúꞌ sáva nikó re̱ꞌ nu̱u̱nꞌ váji re̱ꞌ.

Hechos 16:39

Jee nkiji ráa, jee nna̱kaꞌanꞌ va̱ꞌa ráa jín rává. Ntavaꞌ ráa rává veka̱a, jee ni̱ka̱nꞌ táꞌvíꞌ ráa nu̱u̱nꞌ rává ya̱ kene rává ñuunꞌ.

Hechos 2:27

chi nsáꞌ xinóo nú ta̱chi̱ꞌ káꞌánꞌ ni̱ꞌ nu̱u̱nꞌ íyó rá níꞌiꞌ. Suni nsáꞌ ku̱ꞌva nú te̱ꞌyu̱ꞌ yɨkɨkúñu ni̱ꞌ, ya̱ ííꞌ kúvi ni̱ꞌ nu̱u̱nꞌ nú.

Hechos 3:14

Soo nku̱ichi iniꞌ rán Jesús ya̱ kúvi re̱ꞌ ya̱ ííꞌ nu̱u̱nꞌ Ndiosíꞌ jín ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ. Jee ni̱ka̱nꞌ rán ya̱ siaáꞌ Pilato ɨɨn te̱e, ya̱ jiáꞌníꞌ ñɨvɨ, nsú káꞌ siaáꞌ re̱ꞌ Jesús.

Hechos 4:27

’Jee sukuán nkuvi nijia, chi nku̱tútú Herodes, jín Poncio Pilato, jín rá ñɨvɨ ntu kúvi Israel, jín rá ñɨvɨ kúvi Israel, ñuunꞌ yaꞌá. Jee nkenta ráa si̱kɨ̱ꞌ Se̱ꞌya ííꞌ nú, Jesús, ya̱ ñani nú sáva tatúníꞌ re̱ꞌ nu̱u̱nꞌ ñɨ̱vɨ́.

Hebreos 2:14

Saáva rá se̱ꞌya vá jee ñɨvɨ yɨkɨkúñu ví ráa, jee suni sukuán nuún nkuvi maá Jesús chi suni ñɨvɨ yɨkɨkúñu ví re̱ꞌ ranika̱ꞌ, sáva nkuvi ni̱ꞌi̱ꞌ re̱ꞌ jie̱ꞌe̱ꞌ‑ó, sáva kuneí re̱ꞌ nu̱u̱nꞌ kui̱ꞌna̱ꞌ kúñáꞌnú ya̱ níso fuersáꞌ ya̱ kínóo ñɨvɨ jín kua̱chi ráa jee jíꞌíꞌ ráa jee ntu nánitáꞌvíꞌ ráa.

Santiago 2:19

¿Á jínúꞌ iniꞌ nú ya̱ íyó métúꞌún ni Ndiosíꞌ? Va̱tu̱ni sáꞌá nú. Soo suni ne̱ rá ta̱chi̱ꞌ kíni jínúꞌ iniꞌ maa, jee ne̱ nɨ́ꞌɨn ráa ya̱ yúꞌví ráa.

1 Juan 3:8

Soo ñɨvɨ ya̱ sáꞌá kua̱chi, jee íñɨ́ ráa jín kui̱ꞌna̱ꞌ kúñáꞌnú. Chi kui̱ꞌna̱ꞌ kúñáꞌnú sáꞌá‑a kua̱chi ne̱ tiempúꞌ xíꞌnañúꞌún. Jee jie̱ꞌe̱ꞌ yaꞌá kúvi ya̱ nkiji máá Se̱ꞌya Ndiosíꞌ sáva xináánꞌ re̱ꞌ rá tiñu ya̱ sáꞌá kui̱ꞌna̱ꞌ kúñáꞌnú.

Apoclipsis 20:2

Jee ntɨɨn re̱ꞌ ko̱o̱ꞌ mánasɨ́, ya̱ kúvi ko̱o̱ꞌ ya̱ íyó ne̱ yanaꞌán víꞌí, ya̱ kúvi‑i kui̱ꞌna̱ꞌ kúñáꞌnú ya̱ kúvi Satanás, jee niꞌniꞌ najiáꞌáꞌ ííꞌ vá maa kunuꞌniꞌ‑i ɨɨn mil (1000) kui̱ya̱ꞌ.

Apoclipsis 3:7

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, jee suviráa ví ya̱ nééꞌ ráa nu̱u̱nꞌ ñuunꞌ Filadelfia: “Nuꞌuꞌ vá i̱i̱ꞌ ni̱ꞌ jín nuꞌuꞌ vá na̱a̱ꞌ ni̱ꞌ. Ínaꞌá ni̱ꞌ nakáa David, ya̱ nísotíñú ni̱ꞌ kuéntáꞌ kua̱ꞌ nta̱túníꞌ re̱ꞌ nu̱u̱nꞌ nación Israel yanaꞌán. Saáva nuꞌuꞌ ví ya̱ jíne ni̱ꞌ nu̱u̱nꞌ ki̱vɨ rá ñɨvɨ nu̱u̱nꞌ tátúníꞌ ni̱ꞌ, jee ni ɨɨn ntu kuvi nakasɨꞌ maa. Jee nuꞌuꞌ nakasɨꞌ maa, jee ni ɨɨn ntu kúvi nakune maa. Suꞌva káchíꞌ nuꞌuꞌ: