Lucas 4:20 - Mixteco del suroeste de Tlaxiaco Oaxaca

²⁰ Jee nna̱stuvíꞌ re̱ꞌ Tutuꞌ vá, jee nna̱ku̱ꞌva re̱ꞌ maa nu̱u̱nꞌ ɨɨn te̱e ya̱ yɨ́tíñú iniꞌ veꞌi sinagoga vá, jee nna̱kuneeꞌ re̱ꞌ. Jee ntáká rá ñɨvɨ iniꞌ veꞌi sinagoga vá ne̱ nni̱ntakaa nchinúún ráa nu̱u̱nꞌ re̱ꞌ.

Lucas 4:20 ပူးပေါင်းရင်းမြစ်များ

Mateo 26:55

Jee kuíre nkachiꞌ re̱ꞌ nu̱u̱nꞌ rá ñɨvɨ kue̱ꞌe̱ꞌ vá: ―¿Á nkene rán va̱ji rán jín yuchiꞌ jín yutun si̱kɨ̱ꞌ nuꞌuꞌ sáva tɨɨn rán nuꞌuꞌ, kuéntáꞌ réáꞌ ɨɨn te̱e kuíꞌná ví ni̱ꞌ rúja? Ni ki̱vɨ̱ꞌ nééꞌ ni̱ꞌ iniꞌ chíkéꞌi veñu̱ꞌun káꞌnú xínéꞌénꞌ ni̱ꞌ Tu̱ꞌun Ndiosíꞌ, jee ntu ntɨ́ɨn rán nuꞌuꞌ.

Mateo 27:60

Jee nchi̱só re̱ꞌ maa iniꞌ yaviꞌ veꞌi ni̱yɨ jiáá re̱ꞌ nu̱u̱nꞌ ya nsa̱ꞌá re̱ꞌ nkaanꞌ musúꞌ re̱ꞌ yu̱u̱ꞌ, jee sáá nkuvi nsi̱jíkótíyu ráa ɨɨn yu̱u̱ꞌ máá na̱sɨ ñasɨꞌ ráa yuꞌú kava vá, jee kua̱ꞌa̱nꞌ re̱ꞌ.

Lucas 19:48

Jee ni ntu níꞌínꞌ ráa na̱ja saꞌá ráa maa, chi ntáká rá ñɨvɨ va̱ne̱ꞌ tée va̱ꞌa rá so̱ꞌo ráa kávii tésóꞌo va̱ꞌa ráa rá tu̱ꞌun káchíꞌ re̱ꞌ.

Lucas 4:17

Jee njia̱ꞌa ráa nu̱u̱nꞌ re̱ꞌ Tutuꞌ níso tu̱ꞌun ntee Isaías, te̱e ya̱ nna̱kani tu̱ꞌun nkene yuꞌú máá maá Ndiosíꞌ. Jee sáá nna̱nikaꞌ re̱ꞌ Tutuꞌ vá jee nna̱niꞌinꞌ re̱ꞌ ɨɨn nu̱u̱nꞌ káchíꞌ suꞌva:

Lucas 4:21

Jee nka̱jiéꞌé re̱ꞌ nkachiꞌ re̱ꞌ nu̱u̱nꞌ ráa: ―Vitan jee nsi̱kúnkuvi tu̱ꞌun káchíꞌ nu̱u̱nꞌ Tutuꞌ Ííꞌ ya̱ nteso̱ꞌo rán.

Lucas 5:3

Jee nkaa re̱ꞌ nki̱vɨ re̱ꞌ iniꞌ ɨɨn rá barkúꞌ vá, ya̱ kúvi barkúꞌ Simón. Jee ni̱ka̱nꞌ táꞌvíꞌ re̱ꞌ nu̱u̱nꞌ Simón ya̱ naskáka‑a vá siíyo‑o ntíꞌ nu̱u̱nꞌ ñuíchí nakuꞌun vá ntíꞌ nu̱u̱nꞌ nute. Jee ña̱kuneeꞌ re̱ꞌ, jee ne̱ iniꞌ barkúꞌ vá ñúꞌún re̱ꞌ xínéꞌénꞌ re̱ꞌ Tu̱ꞌun Ndiosíꞌ nu̱u̱nꞌ rá ñɨvɨ kue̱ꞌe̱ꞌ ya̱ íñɨ́ ráa yunúte vá.

Juan 8:2

Jee ya̱neꞌenꞌ ki̱vɨ̱ꞌ steñu̱ꞌún, jee nkenta tuku re̱ꞌ chíkéꞌi iniꞌ veñu̱ꞌun káꞌnú, jee nɨꞌɨ rá ñɨvɨ nkiji ráa nu̱u̱nꞌ re̱ꞌ, jee nxi̱néꞌénꞌ re̱ꞌ ráa.

Hechos 16:13

Ki̱vɨ̱ꞌ nájiáví, nkene ránꞌ yuvéꞌí koo yu̱u̱ꞌ nu̱u̱nꞌ kívɨ rá ñɨvɨ nu̱u̱nꞌ ñuunꞌ. Jee ña̱ꞌa̱nꞌ ránꞌ yúntekáꞌnú, nu̱u̱nꞌ káꞌvi iniꞌ ránꞌ ya̱ íyó nu̱u̱nꞌ káꞌánꞌ rá ñɨvɨ Israel jín Ndiosíꞌ. Jee ña̱kuneeꞌ ránꞌ jee nkaꞌanꞌ ránꞌ jín rá ñaꞌan nku̱kútú.

Hechos 3:12

Sáá niniꞌ Pedro yaꞌá, jee nkachiꞌ‑i nu̱u̱nꞌ rá ñɨvɨ: ―¡Ránoꞌó tántéyɨ́ɨ́ Israel! ¿Na̱kui chi sáꞌvi iniꞌ rán néꞌyá rán te̱e yaꞌá? Áxí, ¿na̱kui chi néꞌyá rán nu̱u̱nꞌ ránuꞌuꞌ kuéntáꞌ retánꞌ jie̱ꞌe̱ꞌ fuersáꞌ ííꞌ níso máá maáránꞌ áxí jie̱ꞌe̱ꞌ néñu̱ꞌun víꞌí ránꞌ Ndiosíꞌ jee nsi̱káka ránꞌ te̱e yaꞌá, rúsa?