Lucas 4:18 - Mixteco del suroeste de Tlaxiaco Oaxaca

¹⁸ Ta̱chi̱ꞌ Ííꞌ I̱toꞌoꞌ‑ó Ndiosíꞌ íyó‑o jín nuꞌuꞌ, chi ñani Ndiosíꞌ nuꞌuꞌ sáva nakani ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ láꞌví, jee suni nchu̱ichí re̱ꞌ nuꞌuꞌ sáva nasaꞌá váꞌa ni̱ꞌ iniꞌ rá ñɨvɨ ya̱ íyó tu̱nkuíꞌyáꞌ iniꞌ ánímaꞌ ráa, jín sáva kachitu̱ꞌún ni̱ꞌ tu̱ꞌun váꞌa ya̱ nakani núne ni̱ꞌ rá ñɨvɨ ya̱ yɨ́ꞌɨ́ ráa xi̱ntíín kua̱chi ráa, jín suni sáva saꞌá ni̱ꞌ ya̱ nakune̱ꞌyá rá ñɨvɨ kuáá, jee suni sáva nakani núne ni̱ꞌ rá ñɨvɨ nu̱u̱nꞌ tu̱nóꞌó jíchi rá ñɨvɨ ráa,

Lucas 4:18 ပူးပေါင်းရင်းမြစ်များ

Génesis 3:15

Jee saꞌá ni̱ꞌ ya̱ tu̱fi̱ꞌ ta̱ꞌán noꞌó jín ñaꞌan vá, jín ya̱ tu̱fi̱ꞌ ta̱ꞌán se̱ꞌya ichiyúkúnꞌ nú jín se̱ꞌya ichiyúkúnꞌ ña. Jee ɨɨn se̱ꞌya ichiyúkúnꞌ ña xtufíꞌ re̱ꞌ xi̱ni̱ꞌ nú, jee suvinú xtufíꞌ xu̱jieꞌéꞌ re̱ꞌ.

Mateo 11:5

Rá ñɨvɨ kuáá jee núnijinꞌ nchinúún ráa jee nákune̱ꞌyá ráa, jee rá ñɨvɨ lénkó nákaka ráa, jee rá ñɨvɨ nóꞌo kue̱ꞌi̱ꞌ ni̱ꞌyɨ stéꞌyúꞌ ñɨɨn naní lepra jee kuíyo ni̱ꞌyɨ ñɨɨn ráa jee nónoo ráa nu̱u̱nꞌ kue̱ꞌi̱ꞌ ráa, jee rá ñɨvɨ sóꞌó jee núnijinꞌ so̱ꞌo ráa, jee rá ni̱yɨ jee nátekuꞌ ráa sáꞌá ni̱ꞌ, jee nu̱u̱nꞌ rá ñɨvɨ láꞌví káchítu̱ꞌún ni̱ꞌ tu̱ꞌun váꞌa jie̱ꞌe̱ꞌ nuꞌuꞌ ya̱ kuvi ni̱ꞌi̱nꞌ ráa ya̱ natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa.

Mateo 12:18

¡Kune̱ꞌyá! Yaꞌá íyó musúꞌ ni̱ꞌ ya̱ nka̱ji ni̱ꞌ, ya̱ ñúnúunꞌ ni̱ꞌ, jee kúváꞌa iniꞌ ni̱ꞌ ne̱ ánímaꞌ ni̱ꞌ néꞌyá ni̱ꞌ re̱ꞌ, jee ku̱ꞌva ni̱ꞌ Ta̱chi̱ꞌ Ííꞌ ni̱ꞌ nu̱u̱nꞌ re̱ꞌ, jee stekútu̱ꞌún re̱ꞌ nu̱u̱nꞌ rá ñɨvɨ nɨꞌɨ rá ñuunꞌ íyó ñɨ̱vɨ́ jie̱ꞌe̱ꞌ na̱ja saꞌá Ndiosíꞌ ya̱ kino̱o na̱a̱ꞌ ñɨvɨ nu̱u̱nꞌ‑u.

Mateo 12:20

Jee [koo másúꞌ iniꞌ re̱ꞌ jín rá ñɨvɨ táyáꞌ iniꞌ], kuéntáꞌ ntu jiáꞌnu re̱ꞌ iteꞌ tu̱yo̱ó nátaꞌnu, jee kuéntáꞌ ntu xínáꞌváꞌ re̱ꞌ yu̱ꞌve̱ꞌ ɨɨn itɨ vesíkɨ ka̱ꞌ tɨ́ɨn ñuꞌunꞌ, saꞌá re̱ꞌ suꞌva ne̱kua̱ꞌ kuneí kakɨnꞌ re̱ꞌ ya̱ saꞌá Ndiosíꞌ ya̱ kino̱o na̱a̱ꞌ rá ñɨvɨ re̱ꞌ nu̱u̱nꞌ‑u.

Mateo 4:16

Rá ñɨvɨ ya̱ íyó ráa nu̱u̱nꞌ ñu̱neenꞌ jee kuniꞌ ráa ñuꞌunꞌ mánasɨ́ jiánu̱te̱ꞌ Ndiosíꞌ. Jee rá ñɨvɨ vá ya̱ yɨ́ꞌɨ́ ráa nu̱u̱nꞌ ñu̱neenꞌ ya̱ ntu kúneí ráa kaku ráa nu̱u̱nꞌ ya̱ jíꞌíꞌ ráa, soo nastúúnꞌ Ndiosíꞌ ñuꞌunꞌ re̱ꞌ nu̱u̱nꞌ ráa jín tu̱ꞌun ya̱ natavaꞌ re̱ꞌ ráa nu̱u̱nꞌ kua̱chi ráa sikáku re̱ꞌ ráa.

Mateo 5:3

Na̱ ka̱ꞌ netuꞌ ka̱ꞌ kúvi rá ñɨvɨ ñúꞌún láꞌví iniꞌ ánímaꞌ ráa ichinúúnꞌ Ndiosíꞌ, ya̱ jíníꞌ ráa ya̱ jíniñúꞌún ráa chineí Ndiosíꞌ ráa, chi suviráa vá yɨ́ꞌɨ́ ráa naꞌá Ndiosíꞌ nééꞌ antivɨ́ súkún ya̱ tátúníꞌ re̱ꞌ.

Lucas 4:17

Jee njia̱ꞌa ráa nu̱u̱nꞌ re̱ꞌ Tutuꞌ níso tu̱ꞌun ntee Isaías, te̱e ya̱ nna̱kani tu̱ꞌun nkene yuꞌú máá maá Ndiosíꞌ. Jee sáá nna̱nikaꞌ re̱ꞌ Tutuꞌ vá jee nna̱niꞌinꞌ re̱ꞌ ɨɨn nu̱u̱nꞌ káchíꞌ suꞌva:

Lucas 6:20

Jee nna̱kune̱ꞌyá Jesús nu̱u̱nꞌ ntáká rá te̱e kútáꞌán jín re̱ꞌ súkuáꞌa re̱ꞌ ráa jee nkachiꞌ re̱ꞌ: ―Na̱ ka̱ꞌ netuꞌ ka̱ꞌ kúvi ránoꞌó ñɨvɨ nóꞌo láꞌví, chi ni̱ꞌi̱nꞌ rán ki̱vɨ rán ñuunꞌ nu̱u̱nꞌ tátúníꞌ Ndiosíꞌ.

Lucas 7:22

Saájee nna̱xiníkó re̱ꞌ jee nkachiꞌ re̱ꞌ nu̱u̱nꞌ ni núvíꞌ rá te̱e nchui̱chí Juan ráa: ―Kuáꞌán rán jee nakani rán nu̱u̱nꞌ Juan jie̱ꞌe̱ꞌ rá tiñu sáꞌá ni̱ꞌ ya̱ néꞌyá rán jín rá tu̱ꞌun ya̱ tésóꞌo rán: rá ñɨvɨ kuáá jee núnijinꞌ nchinúún ráa jee nákune̱ꞌyá ráa, jee rá ñɨvɨ lénkó nákaka ráa, jee rá ñɨvɨ nóꞌo kue̱ꞌi̱ꞌ ni̱ꞌyɨ stéꞌyúꞌ ñɨɨn naní lepra jee kuíyo ni̱ꞌyɨ ñɨɨn ráa jee nónoo ráa nu̱u̱nꞌ kue̱ꞌi̱ꞌ ráa, jee rá ñɨvɨ sóꞌó jee núnijinꞌ so̱ꞌo ráa, jee rá ni̱yɨ jee nátekuꞌ ráa sáꞌá ni̱ꞌ, jee nu̱u̱nꞌ rá ñɨvɨ láꞌví káchítu̱ꞌún ni̱ꞌ tu̱ꞌun váꞌa ya̱ kuvi ni̱ꞌi̱nꞌ ráa ya̱ natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa.

Juan 1:41

Saájee ña̱nanukú‑u ñaniꞌ‑i Simón, jee nkachiꞌ‑i nu̱u̱nꞌ Simón: ―Nna̱ketáꞌán ránꞌ Mesías ―nkachiꞌ re̱ꞌ. Mesías kuíni kachiꞌ Cristo [ya̱ ñani Ndiosíꞌ sáva tatúníꞌ nu̱u̱nꞌ ñɨ̱vɨ́].

Juan 12:46

Jee nuꞌuꞌ, ya̱ kuvi ni̱ꞌ ñuꞌunꞌ ya̱ túún iniꞌ ánímaꞌ ñɨvɨ ñɨ̱vɨ́ yaꞌá, jee nkenta ni̱ꞌ iniꞌ ñɨ̱vɨ́ yaꞌá, sáva nta̱ká rá ñɨvɨ ya̱ kúneí iniꞌ ráa nuꞌuꞌ nsáꞌ kino̱o ráa kueꞌnu ráa nu̱u̱nꞌ ñu̱neenꞌ.

Juan 3:34

Chi maáréꞌ ya̱ nchu̱ichí Ndiosíꞌ re̱ꞌ, jee káꞌánꞌ re̱ꞌ rá Tu̱ꞌun Ndiosíꞌ, jee ntu ñúkúꞌvá iniꞌ Ndiosíꞌ jiáꞌa‑a Ta̱chi̱ꞌ Ííꞌ‑i [íyó jín re̱ꞌ].

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.

Hechos 26:18

sava sine nú rá nchinúún ráa sáva kɨ̱ku̱ꞌun iniꞌ ráa Tu̱ꞌun Ndiosíꞌ. Jee sáva kene ráa nu̱u̱nꞌ neenꞌ, jee nakui̱ñɨ̱ꞌ ráa nu̱u̱nꞌ túúnꞌ ñuꞌunꞌ. Jee kene ráa naꞌá ta̱chi̱ꞌ kini kúñáꞌnú kúvi Satanás, jee ki̱vɨ ráa naꞌá Ndiosíꞌ. Sáva ni̱ꞌi̱nꞌ ráa ya̱ kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa, jín sáva ni̱ꞌi̱nꞌ ráa ta̱ꞌvi̱ꞌ nteñu rá ñɨvɨ ya̱ nsa̱ꞌá sɨ́ɨ́n re̱ꞌ ráa sáva kuvi ráa ñɨvɨ re̱ꞌ, chi kúneí iniꞌ ráa nuꞌuꞌ.”

Hechos 4:26

Nku̱tútú rá te̱e nísotíñú ya̱ tátúníꞌ rá ñuunꞌ ñɨ̱vɨ́, jín rá te̱e yósóꞌ nu̱u̱nꞌ rá ñuunꞌ, jee nkenta ráa si̱kɨ̱ꞌ I̱toꞌoꞌ‑ó Ndiosíꞌ jín si̱kɨ̱ꞌ maáréꞌ ya̱ kúvi Cristo re̱ꞌ, ya̱ ñani re̱ꞌ sáva tatúníꞌ‑i ñɨ̱vɨ́, nkachiꞌ David, káchíꞌ Tutuꞌ Ííꞌ níso Tu̱ꞌun Ndiosíꞌ.

Hechos 4:27

’Jee sukuán nkuvi nijia, chi nku̱tútú Herodes, jín Poncio Pilato, jín rá ñɨvɨ ntu kúvi Israel, jín rá ñɨvɨ kúvi Israel, ñuunꞌ yaꞌá. Jee nkenta ráa si̱kɨ̱ꞌ Se̱ꞌya ííꞌ nú, Jesús, ya̱ ñani nú sáva tatúníꞌ re̱ꞌ nu̱u̱nꞌ ñɨ̱vɨ́.

Colosenses 1:13

Chi maá Ndiosíꞌ nna̱kani núne re̱ꞌ yó nsi̱káku re̱ꞌ yó xi̱ntíín kua̱chi‑ó jín xi̱ntíín Satanás, nu̱u̱nꞌ níyo kuéntáꞌ ñaꞌnu‑ó nu̱u̱nꞌ neenꞌ. Jee nna̱siáꞌa re̱ꞌ yó naꞌá Se̱ꞌya re̱ꞌ ya̱ ñúnúunꞌ re̱ꞌ, jee tátúníꞌ‑i nu̱u̱nꞌ‑ó.

Santiago 2:5

Ránoꞌó ñaniꞌ ni̱ꞌ jín ku̱ꞌva ni̱ꞌ ya̱ ñúnúunꞌ ni̱ꞌ, teso̱ꞌo yaꞌá: Ndiosíꞌ nka̱ji re̱ꞌ rá ñɨvɨ láꞌví íyó ñɨ̱vɨ́ yaꞌá, sáva kukúká ánímaꞌ ráa kúneí iniꞌ ráa re̱ꞌ, jee sáva ni̱ꞌi̱nꞌ ráa ta̱ꞌvi̱ꞌ ya̱ kɨꞌɨ ráa naꞌá re̱ꞌ nu̱u̱nꞌ tátúníꞌ re̱ꞌ, ya̱ suvivá nchi̱sóyuꞌú re̱ꞌ ya̱ ku̱ꞌva re̱ꞌ nu̱u̱nꞌ rá ñɨvɨ ya̱ ñúnúunꞌ ráa re̱ꞌ.

1 Pedro 2:9

Soo ránoꞌó chi kúvi rán rá ñɨvɨ nka̱ji Ndiosíꞌ, jee suni kúvi rán su̱tu̱ꞌ ya̱ yɨ́tíñú rán nu̱u̱nꞌ re̱ꞌ ya̱ maáréꞌ vá tátúníꞌ re̱ꞌ, jee kúvi rán ñɨvɨ íyó sɨ́ɨ́n yɨ́tíñú rán nu̱u̱nꞌ re̱ꞌ, jee kúvi rán ñɨvɨ maáréꞌ. Sukuán nka̱ji re̱ꞌ ránoꞌó sáva kachitu̱ꞌún rán jie̱ꞌe̱ꞌ rá tiñu máá ñáꞌnú máá viiꞌ nasɨ́kuitɨꞌ a̱nasɨ́ sáꞌá re̱ꞌ, ya̱ maáréꞌ ví ya̱ nkana re̱ꞌ ránoꞌó sáva ntavaꞌ re̱ꞌ ránoꞌó nkene rán nu̱u̱nꞌ ñu̱neenꞌ ñaꞌnu rán, jee nsi̱kívɨ re̱ꞌ ránoꞌó nu̱u̱nꞌ túúnꞌ ñuꞌunꞌ viiꞌ nasɨ́kuitɨꞌ re̱ꞌ iniꞌ ánímaꞌ rán.