Lucas 3:18 - Mixteco del suroeste de Tlaxiaco Oaxaca

¹⁸ Jee jín rá tu̱ꞌun yaꞌá jín kue̱ꞌe̱ꞌ ka̱ꞌ rá inka ka̱ꞌ jie̱ꞌe̱ꞌ nna̱kutíñú re̱ꞌ nu̱u̱nꞌ rá ñɨvɨ, jee nkachitu̱ꞌún re̱ꞌ tu̱ꞌun váꞌa Ndiosíꞌ nu̱u̱nꞌ ráa.

Lucas 3:18 ပူးပေါင်းရင်းမြစ်များ

Lucas 3:17

Jee sukuán saꞌá sɨ́ɨ́n re̱ꞌ rá ñɨvɨ kuéntáꞌ ínaꞌá ɨɨn tee pala nu̱u̱nꞌ kúyutún trigúꞌ sáva ke̱in‑i trigúꞌ jín pala jee sikáa‑a vá sáá nátivɨ‑ɨ vá, jee saꞌá sɨ́ɨ́n re̱ꞌ nikɨn trigúꞌ jín ya̱ká. Jee nakeꞌen‑e trigúꞌ nachuꞌun iniꞌ yakaꞌ jee chuꞌun‑u rá ya̱ká nu̱u̱nꞌ ñuꞌúnꞌ ya̱ ni ntu náꞌváꞌ‑a nɨ́ɨ́nkání ―nkachiꞌ Juan.

Lucas 3:19

Soo suni nnu̱xichiꞌ re̱ꞌ nu̱u̱nꞌ Herodes te̱e tátúníꞌ, jie̱ꞌe̱ꞌ ya̱ nna̱kunaka‑a ña̱nu‑u Herodías ñaꞌan kúvi ñasɨ́ꞌɨ́ ñaniꞌ‑i Felipe, jín suni jie̱ꞌe̱ꞌ ntáká ka̱ꞌ rá tiñu niváꞌa ya̱ nsa̱ꞌá‑a.

Juan 1:15

Jee Juan jiáꞌa ya̱ naáꞌ jie̱ꞌe̱ꞌ re̱ꞌ, jee nkachiꞌ‑i: ―Te̱e yaꞌá kúvi re̱ꞌ jie̱ꞌe̱ꞌ nkachiꞌ ni̱ꞌ: “Maáréꞌ ya̱ kiji ichinúúnꞌ ni̱ꞌ máá kúñáꞌnú ka̱ꞌ ví re̱ꞌ nsú káꞌ nuꞌuꞌ, chi íyó re̱ꞌ xíꞌnañúꞌún ka̱ꞌ nsú káꞌ nuꞌuꞌ.”

Juan 1:29

Jee ki̱vɨ̱ꞌ steñu̱ꞌún jee niniꞌ Juan máá Jesús ya̱ váji‑i nu̱u̱nꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ: ―Kune̱ꞌyá rán chi te̱e yaꞌá kúvi kuéntáꞌ ɨɨn lanchi lúlí ya̱ nchu̱ichí Ndiosíꞌ maa, chi kuéntáꞌ jiáꞌníꞌ rá ñɨvɨ Israel lanchi lúlí sókóꞌ ráa maa nu̱u̱nꞌ Ndiosíꞌ jee sukuán sííyo te̱e yaꞌá kua̱chi si̱kɨ̱ꞌ rá ñɨvɨ.

Juan 1:34

Jee ya̱ niniꞌ ni̱ꞌ vá, jee jiáꞌa ni̱ꞌ ya̱ naáꞌ jie̱ꞌe̱ꞌ re̱ꞌ ya̱ maáréꞌ kúvi nijia Se̱ꞌya Ndiosíꞌ ―nkachiꞌ Juan.

Hechos 2:40

Jee jín kue̱ꞌe̱ꞌ ka̱ꞌ tu̱ꞌun ni̱stúvi re̱ꞌ ya̱ naáꞌ, jee nxi̱nániꞌvɨꞌ re̱ꞌ iniꞌ ráa: ―Sikáku rán maárán nu̱u̱nꞌ ichi níkɨ́nꞌ rá ñɨvɨ niva̱ꞌa yaꞌá chi xinóꞌo Ndiosíꞌ ráa.

Hechos 20:2

Jee yukuán jiáꞌa re̱ꞌ nu̱u̱nꞌ rá ñuunꞌ, jee násáneí re̱ꞌ iniꞌ rá ñɨvɨ níkɨ́nꞌ ichi Jesús jín kue̱ꞌe̱ꞌ tu̱ꞌun. Jee nkenta re̱ꞌ Grecia.

Romanos 12:8

Jee retú nni̱ꞌi̱nꞌ nú ta̱ꞌvi̱ꞌ ya̱ náxiníꞌvɨ́ꞌ nú iniꞌ ñɨvɨ, jee naxiníꞌvɨ́ꞌ nú iniꞌ ráa. Jee retú nni̱ꞌi̱nꞌ nú ta̱ꞌvi̱ꞌ ya̱ ku̱ꞌva nú ya̱ jíniñúꞌún táꞌán nú, jee ne̱ ánímaꞌ nú kuva̱ꞌa iniꞌ nú ku̱ꞌva nú maa. Jee retú nni̱ꞌi̱nꞌ nú ta̱ꞌvi̱ꞌ ya̱ kúvi yósóꞌ nú nu̱u̱nꞌ ñanitáꞌán‑ó, jee kávii ñunkúún saꞌá nú maa. Jee retú nni̱ꞌi̱nꞌ nú ta̱ꞌvi̱ꞌ ya̱ kúnáꞌví iniꞌ nú jíto va̱ꞌa nú rá ñɨvɨ táꞌánꞌ tu̱nóꞌó, jee ne̱ kusɨ̱ɨ̱ꞌ iniꞌ nú saꞌá nú maa.