Lucas 24:51 - Mixteco del suroeste de Tlaxiaco Oaxaca

⁵¹ Jee suꞌva nkuvi ya̱ ni jíkánꞌ táꞌvíꞌ i̱i̱ꞌ ka̱ꞌ Jesús jie̱ꞌe̱ꞌ ráa, jee nxi̱nóo re̱ꞌ ráa jee nxi̱náa Ndiosíꞌ re̱ꞌ súkún.

Lucas 24:51 ပူးပေါင်းရင်းမြစ်များ

Marcos 16:19

Saájee sáá njia̱ꞌa ya̱ nkaꞌanꞌ maá I̱toꞌoꞌ‑ó Jesús jín ráa, jee nxi̱náa Ndiosíꞌ Jesús súkún. Jee ña̱kuneeꞌ re̱ꞌ ichi kuáꞌá Ndiosíꞌ nu̱u̱nꞌ tátúníꞌ re̱ꞌ jín‑i.

Lucas 24:50

Jee nkeꞌen Jesús ráa nkene re̱ꞌ jín ráa nu̱u̱nꞌ ñuunꞌ Jerusalén kua̱ꞌa̱nꞌ ráa ne̱ ñuunꞌ Betania. Jee sáá nkenta ráa yukuán, jee nkaneꞌen súkún Jesús rá naꞌá re̱ꞌ, jee ni̱ka̱nꞌ táꞌvíꞌ re̱ꞌ jie̱ꞌe̱ꞌ ráa nu̱u̱nꞌ Ndiosíꞌ sáva saꞌá‑a ya̱ váꞌa jín ráa.

Lucas 24:52

Jee maáráa chi, sáá nkuvi nneñu̱ꞌun ráa re̱ꞌ, jee nni̱kó ráa kua̱noꞌonꞌ ráa nu̱u̱nꞌ ñuunꞌ Jerusalén, jee kúsɨ́ɨꞌ nasɨ́kuitɨꞌ iniꞌ ánímaꞌ ráa.

Juan 20:17

Jee nkachiꞌ Jesús nu̱u̱nꞌ ña: ―Koto tɨ́ɨn nú nuꞌuꞌ chinetu nú, chi ntiáꞌan kɨ̱naa ni̱ꞌ nu̱u̱nꞌ Tátáꞌ ni̱ꞌ. Soo kuáꞌán nu̱u̱nꞌ rá ñaniꞌ ni̱ꞌ, ya nsu̱kuáꞌa ni̱ꞌ ráa, jee kachiꞌ nú nu̱u̱nꞌ ráa ya̱ kɨ̱naa ni̱ꞌ nu̱u̱nꞌ Tátáꞌ maáníꞌ ya̱ kúvi Tátáꞌ ránoꞌó ranika̱ꞌ, jín ya̱ kúvi Ndiosíꞌ ni̱ꞌ jín Ndiosíꞌ ránoꞌó ―nkachiꞌ Jesús.

Hechos 1:9

Sáá nnɨꞌɨ nkachiꞌ re̱ꞌ tu̱ꞌun yaꞌá, ni néꞌyá ráa re̱ꞌ, jee nxi̱náa Ndiosíꞌ re̱ꞌ súkún. Jee nki̱vɨ re̱ꞌ nu̱u̱nꞌ vi̱ko̱ꞌ jee ntu ka̱ꞌ niniꞌ ráa maa.

Hebreos 1:3

Jee ne̱ tu̱u̱nꞌ maá Se̱ꞌya re̱ꞌ viiꞌ kúñáꞌnú‑u mákua kúñáꞌnú re̱ꞌ, chi nuún náku‑u iniꞌ re̱ꞌ, chi ɨɨn ni kuvi ni núvíꞌ ráa. Jee tu̱ꞌun káꞌánꞌ Se̱ꞌya re̱ꞌ níso fuersáꞌ ííꞌ jee jín tu̱ꞌun tátúníꞌ Se̱ꞌya re̱ꞌ íyó kutú nɨꞌɨ ya̱ íyó. Jee sáá nkuvi nna̱sánoo‑o yó nu̱u̱nꞌ kua̱chi‑ó jie̱ꞌe̱ꞌ ya̱ nsa̱ꞌá‑a, jee nna̱kuneeꞌ‑e ichi kuáꞌá nu̱u̱nꞌ nééꞌ re̱ꞌ kúñáꞌnú re̱ꞌ tátúníꞌ re̱ꞌ ne̱ antivɨ́ súkún.

Hebreos 4:14

Íyó jín‑ó ɨɨn su̱tu̱ꞌ kúñáꞌnú ka̱ꞌ ya̱ nnaa re̱ꞌ súkún nu̱u̱nꞌ nééꞌ Ndiosíꞌ. Jesús ví su̱tu̱ꞌ vá, ya̱ kúvi re̱ꞌ Se̱ꞌya Ndiosíꞌ. Saáva íyó kuiñɨ ni̱ꞌin‑ó jín tu̱ꞌun njia̱ꞌayuꞌú‑ó ya̱ jínúꞌ iniꞌ‑ó.