Lucas 24:44 - Mixteco del suroeste de Tlaxiaco Oaxaca

⁴⁴ Jee nkachiꞌ re̱ꞌ nu̱u̱nꞌ ráa: ―Rá tu̱ꞌun ni̱ꞌ yaꞌá ya̱ nkachiꞌ ni̱ꞌ nu̱u̱nꞌ rán ne̱ sáá nneeꞌ ni̱ꞌ jín rán ya̱ íyó sikúnkuvi ni̱ꞌ nta̱ká tu̱ꞌun ya̱ níso‑o nu̱u̱nꞌ Tutuꞌ Ndiosíꞌ ya̱ káꞌánꞌ jie̱ꞌe̱ꞌ nuꞌuꞌ ya̱ ntee Moisés jín ya̱ ntee rá te̱e ya̱ nnákani tu̱ꞌun nkene yuꞌú Ndiosíꞌ yanaꞌán jín rá tu̱ꞌun salmo ―nkachiꞌ re̱ꞌ nu̱u̱nꞌ ráa.

Lucas 24:44 ပူးပေါင်းရင်းမြစ်များ

Génesis 14:18

Jee Melquisedec, ya̱ kuvi te̱e tátúníꞌ‑i ñuunꞌ Salem ña̱na̱ka‑a ya̱ kajiꞌ Abram jín rá ñɨvɨ kútáꞌán jín re̱ꞌ jín nu̱xi nixiꞌ uva koꞌo ráa. Jee Melquisedec ví su̱tu̱ꞌ yɨ́tíñú‑u nu̱u̱nꞌ Ndiosíꞌ máá ñáꞌnú nasɨ́kuitɨꞌ ka̱ꞌ.

Génesis 22:18

Jee kuatíñú ni̱ꞌ rá ichiyúkúnꞌ nú sáva saꞌá ni̱ꞌ ya̱ netuꞌ kuvi rá ñɨvɨ ntáká rá nación íyó ñɨ̱vɨ́ yaꞌá, chi jie̱ꞌe̱ꞌ nika̱ꞌ nka̱níjiá nú ya̱ káchíꞌ ni̱ꞌ ―nkachiꞌ máá najiáꞌáꞌ ííꞌ I̱toꞌoꞌ.

Génesis 3:15

Jee saꞌá ni̱ꞌ ya̱ tu̱fi̱ꞌ ta̱ꞌán noꞌó jín ñaꞌan vá, jín ya̱ tu̱fi̱ꞌ ta̱ꞌán se̱ꞌya ichiyúkúnꞌ nú jín se̱ꞌya ichiyúkúnꞌ ña. Jee ɨɨn se̱ꞌya ichiyúkúnꞌ ña xtufíꞌ re̱ꞌ xi̱ni̱ꞌ nú, jee suvinú xtufíꞌ xu̱jieꞌéꞌ re̱ꞌ.

Génesis 49:10

Jee nkuíyo bastón nu̱u̱nꞌ Judá, jee kino̱o bastón te̱e néetiñu jín rá ichiyúkúnꞌ kiji nu̱u̱nꞌ re̱ꞌ ya̱ tatúníꞌ ráa ne̱kua̱ꞌ kiji te̱e xí karútíꞌ vá, jee rá ñɨvɨ ntáká rá ñuunꞌ kaníjiá ráa re̱ꞌ.

Mateo 1:22

Ntáká rá tiñu vá nkuvi sáva sikúnkuvi rá tu̱ꞌun ya̱ nkachiꞌ ɨɨn te̱e nna̱kani tu̱ꞌun nkene yuꞌú máá maá I̱toꞌoꞌ‑ó yanaꞌán jee nkachiꞌ I̱toꞌoꞌ‑ó:

Mateo 16:21

Ne̱ saájee nka̱jiéꞌé Jesús nakachiꞌ va̱ꞌa na̱a̱ꞌ re̱ꞌ nu̱u̱nꞌ rá te̱e súkuáꞌa re̱ꞌ vá, ya̱ íyó re̱ꞌ kɨ̱ꞌɨ̱nꞌ re̱ꞌ nu̱u̱nꞌ ñuunꞌ Jerusalén. Jee rá te̱e kúñáꞌnú, jín rá su̱tu̱ꞌ kúñáꞌnú, jín rá te̱e xínéꞌénꞌ tu̱ꞌun nta̱túníꞌ Ndiosíꞌ yanaꞌán, xinóꞌo víꞌí ráa re̱ꞌ, jee kaꞌniꞌ ráa re̱ꞌ. Soo ki̱vɨ̱ꞌ uníꞌ jee natekuꞌ i̱i̱ꞌ re̱ꞌ kene re̱ꞌ nteñu rá ni̱yɨ.

Mateo 26:54

Soo retú tají re̱ꞌ ráa, ¿na̱ja kuvi sikúnkuvi tu̱ꞌun níso nu̱u̱nꞌ Tutuꞌ níso Tu̱ꞌun Ndiosíꞌ ya̱ káchíꞌ ya̱chi̱ꞌ ya̱ íyó kuvi suꞌva? ―nkachiꞌ Jesús.

Mateo 26:56

Soo nɨꞌɨ yaꞌá kúvi suꞌva sáva sikúnkuvi rá tu̱ꞌun nééꞌ nu̱u̱nꞌ Tutuꞌ níso Tu̱ꞌun Ndiosíꞌ ya̱ ntee rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán ―nkachiꞌ Jesús. Saájee ntáká rá te̱e súkuáꞌa re̱ꞌ ráa nkeꞌen ráa nxi̱nóo ráa re̱ꞌ jee ninu ráa kua̱ꞌa̱nꞌ ráa.

Marcos 9:31

chi xínéꞌénꞌ re̱ꞌ nu̱u̱nꞌ rá te̱e súkuáꞌa re̱ꞌ ráa, jee nkachiꞌ re̱ꞌ nu̱u̱nꞌ ráa: ―Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ñɨ̱vɨ́, naku̱ꞌva ɨɨn ñɨvɨ nuꞌuꞌ xi̱ntíín rá te̱e ya̱ jíníꞌ u̱ꞌvi̱ꞌ ráa nuꞌuꞌ. Jee kaꞌniꞌ ráa nuꞌuꞌ. Jee ré ñaꞌniꞌ ráa nuꞌuꞌ, jee ki̱vɨ̱ꞌ uníꞌ natekuꞌ i̱i̱ꞌ ni̱ꞌ jee nako̱o yɨkɨkúñu ni̱ꞌ ―nkachiꞌ re̱ꞌ.

Lucas 21:22

Chi rá ki̱vɨ̱ꞌ yukuán jee kuvi‑i ki̱vɨ̱ꞌ koo víꞌí tu̱nóꞌó xéénꞌ kunoꞌo rá ñɨvɨ ya̱ nachunáán Ndiosíꞌ nu̱u̱nꞌ ráa, sáva sikúnkuvi ntáká sánikua̱ꞌ káchíꞌ nu̱u̱nꞌ Tutuꞌ Ííꞌ níso Tu̱ꞌun Ndiosíꞌ.

Lucas 22:37

Chi káchíꞌ ni̱ꞌ nu̱u̱nꞌ rán ya̱ íyó sikúnkuvi tu̱nóꞌó yaꞌá jín nuꞌuꞌ sáni káchíꞌ rá tu̱ꞌun níso nu̱u̱nꞌ Tutuꞌ Ííꞌ: “Jee tɨɨn kuéntáꞌ rá ñɨvɨ ya̱ nuꞌuꞌ kúvi kuéntáꞌ kua̱ꞌ ɨɨn rá te̱e sáꞌá kua̱chi ni̱ꞌin”, káchíꞌ nu̱u̱nꞌ Tutuꞌ Ííꞌ sukuán, chi ntáká ya̱ káchíꞌ Tutuꞌ Ííꞌ jie̱ꞌe̱ꞌ nuꞌuꞌ sikúnkuvi maa ―nkachiꞌ Jesús.

Lucas 24:46

Jee nkachiꞌ re̱ꞌ nu̱u̱nꞌ ráa: ―Sukuán níso nu̱u̱nꞌ Tutuꞌ Ííꞌ ya̱ saá íyó kunoꞌo ni̱ꞌ ya̱ kúvi ni̱ꞌ Cristo, jee ki̱vɨ̱ꞌ uníꞌ ya̱ níꞌiꞌ ni̱ꞌ jee natekuꞌ i̱i̱ꞌ ni̱ꞌ nako̱o ni̱ꞌ kene ni̱ꞌ nteñu rá ni̱yɨ.

Lucas 9:22

Jee nkachiꞌ re̱ꞌ: ―Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee íyó kunoꞌo nasɨ́kuitɨꞌ ni̱ꞌ. Jee rá te̱e kúñáꞌnú jín rá su̱tu̱ꞌ kúñáꞌnú jín rá te̱e xinéꞌénꞌ tu̱ꞌun nta̱túníꞌ Ndiosíꞌ kuichi iniꞌ ráa kune̱ꞌyá ráa nuꞌuꞌ. Jee kaꞌniꞌ ráa nuꞌuꞌ. Soo ki̱vɨ̱ꞌ uníꞌ jee natekuꞌ i̱i̱ꞌ ni̱ꞌ kene ni̱ꞌ nteñu rá ni̱yɨ.

Lucas 9:44

―Chuso̱ꞌo vava̱ꞌa rán rá tu̱ꞌun yaꞌá ya̱ káchíꞌ ni̱ꞌ nu̱u̱nꞌ rán, chi nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, va̱kuyatin naku̱ꞌva ɨɨn ñɨvɨ nuꞌuꞌ xi̱ntíín rá te̱e ya̱ jíníꞌ u̱ꞌvi̱ꞌ ráa nuꞌuꞌ ―nkachiꞌ Jesús.

Juan 3:14

Kuéntáꞌ nkuvi sáá nsi̱káa Moisés nte̱kaa re̱ꞌ ɨɨn ko̱o̱ꞌ ka̱a nu̱u̱nꞌ yutun nu̱u̱nꞌ ñu̱ꞌún saɨn, jee suni sukuán íyó sikáa ñɨvɨ tekaa ráa nuꞌuꞌ nu̱u̱nꞌ yutun, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Juan 5:39

Jee ne̱ súkuáꞌa kávii kuitɨꞌ rán rá tu̱ꞌun nééꞌ nu̱u̱nꞌ Tutuꞌ níso Tu̱ꞌun Ndiosíꞌ, chi jiáni iniꞌ rán ya̱ nu̱u̱nꞌ Tutuꞌ vá ni̱ꞌi̱nꞌ rán ya̱ kutekuꞌ rán nɨ́ɨ́nkání jín Ndiosíꞌ. Soo rá tu̱ꞌun níso nu̱u̱nꞌ Tutuꞌ Ííꞌ vá ví ya̱ jiáꞌa ya̱ naáꞌ jie̱ꞌe̱ꞌ nuꞌuꞌ.

Juan 5:46

Chi retánꞌ ínúꞌ iniꞌ rán ya̱ ntee Moisés, jee suni i̱nu̱ꞌ iniꞌ rán nuꞌuꞌ nékúvi, chi jie̱ꞌe̱ꞌ nuꞌuꞌ ntee re̱ꞌ.

Hechos 13:33

Stékútu̱ꞌún ráníꞌ ya̱ nsi̱kúnkuvi Ndiosíꞌ tu̱ꞌun váꞌa yaꞌá nu̱u̱nꞌ rá se̱ꞌya ichiyúkúnꞌ váji ne̱ nu̱u̱nꞌ ráa, ya̱ súví kúvi‑ó. Chi ñani re̱ꞌ Jesús jee nxi̱nátekuꞌ i̱i̱ꞌ re̱ꞌ maa. Suni káchíꞌ suꞌva nu̱u̱nꞌ Tutuꞌ níso Tu̱ꞌun Ndiosíꞌ, naní salmo uvíꞌ. Yukuán káchíꞌ Ndiosíꞌ: Suvinú kúvi Se̱ꞌya ni̱ꞌ. Vitan nsa̱ꞌá ni̱ꞌ ya̱ nkenta kúvi ni̱ꞌ tááꞌ nú.

Hechos 13:40

Saáva nito koo rán maárán, sáva nkúnoꞌo rán ya̱ nkachiꞌ rá te̱e nna̱kani ráa tu̱ꞌun nkene yuꞌú Ndiosíꞌ, ya̱ níso nu̱u̱nꞌ Tutuꞌ Ííꞌ, jee nkachiꞌ ɨɨn ráa:

Hechos 2:27

chi nsáꞌ xinóo nú ta̱chi̱ꞌ káꞌánꞌ ni̱ꞌ nu̱u̱nꞌ íyó rá níꞌiꞌ. Suni nsáꞌ ku̱ꞌva nú te̱ꞌyu̱ꞌ yɨkɨkúñu ni̱ꞌ, ya̱ ííꞌ kúvi ni̱ꞌ nu̱u̱nꞌ nú.

Hechos 3:18

Soo Ndiosíꞌ nsi̱kúnkuvi suꞌva sánikua̱ꞌ tu̱ꞌun njia̱ꞌa re̱ꞌ nu̱u̱nꞌ nɨꞌɨ rá te̱e ya̱ nna̱kani tu̱ꞌun nkene yuꞌú máá maá Ndiosíꞌ. Chi nste̱kútu̱ꞌún ya̱chi̱ꞌ ráa ya̱ kunoꞌo Cristo ya̱ nchu̱ichí Ndiosíꞌ.

Hechos 7:37

Yaꞌá ví maá Moisés ya̱ nkachiꞌ‑i nu̱u̱nꞌ rá se̱ꞌya ichiyúkúnꞌ nkene nu̱u̱nꞌ Israel: “Kani Ndiosíꞌ ɨɨn te̱e nteñu tataꞌ ichiyúkúnꞌ rán, ya̱ kuvi‑i te̱e nakani‑i tu̱ꞌun kene yuꞌú Ndiosíꞌ kuéntáꞌ nuꞌuꞌ. [Tɨɨn kuéntáꞌ rán tu̱ꞌun kachiꞌ te̱e vá]”, nkachiꞌ Moisés.

Hebreos 10:1

Chi tu̱ꞌun ley Moisés kuvi‑i kuéntáꞌ ɨɨn xi̱ne̱ꞌñu̱ꞌ ya̱ xínéꞌénꞌ‑e ya̱ váꞌa ya̱ kiji jín Cristo, soo ntu sáꞌá‑a mákua sáꞌá nijia re̱ꞌ. Chi ni nsáꞌ kúvi saꞌá ley vá ya̱ kino̱o na̱a̱ꞌ rá ñɨvɨ jie̱ꞌe̱ꞌ ya̱ sukuáni yɨ́táꞌán ta kui̱ya̱ꞌ ta kui̱ya̱ꞌ sókóꞌ rá ñɨvɨ sa̱na̱ꞌ ya̱ kúyatin ráa nu̱u̱nꞌ Ndiosíꞌ néñu̱ꞌun ráa re̱ꞌ sukuán.

Hebreos 3:5

Jee Moisés nsi̱kúnkuvi na̱a̱ꞌ nijia re̱ꞌ ntáká tiñu Ndiosíꞌ ya̱ nkuvi re̱ꞌ musúꞌ ya̱ nneen kuéntáꞌ re̱ꞌ nɨꞌɨ ñɨvɨ veꞌi Ndiosíꞌ. Jee tiñu nsa̱ꞌá Moisés ví ya̱ nstúvi ya̱ naáꞌ jie̱ꞌe̱ꞌ tu̱ꞌun ya̱ kachiꞌ Ndiosíꞌ tiempúꞌ kiji.

Hebreos 7:1

Jee Melquisedec yaꞌá, nkuvi re̱ꞌ te̱e nísotíñú ya̱ nta̱túníꞌ ñuunꞌ Salem, jee suni nkuvi re̱ꞌ su̱tu̱ꞌ nu̱u̱nꞌ Ndiosíꞌ máá kúñáꞌnú nasɨ́kuitɨꞌ ka̱ꞌ. Jee ña̱taꞌanꞌ re̱ꞌ Abraham sáá nni̱kó‑o ya̱ ña̱kantáꞌán‑a sáá nku̱neí‑i ñakɨnꞌ‑ɨ ya̱ta̱ꞌ rá te̱e tátúníꞌ vá. Jee ni̱ka̱nꞌ táꞌvíꞌ re̱ꞌ nu̱u̱nꞌ Ndiosíꞌ ya̱ saꞌá‑a ya̱ netuꞌ ka̱ꞌ kuvi Abraham.

Hebreos 9:8

Jee jín yukuán stúvi Ta̱chi̱ꞌ Ííꞌ Ndiosíꞌ nu̱u̱nꞌ‑ó ya̱ ni íyó i̱i̱ꞌ iniꞌ nu̱u̱nꞌ xíꞌnañúꞌún iniꞌ veꞌi saꞌma vá, jee ntiáꞌan kunune ichi ya̱ kuvi ki̱vɨ ñɨvɨ iniꞌ Nu̱u̱nꞌ Ííꞌ Nasɨ́kuitɨꞌ Ka̱ꞌ.

1 Pedro 1:11

Jee nna̱nukú ráa na̱ tiempúꞌ jín na̱ja koo ntáká tu̱ꞌun stúvi ya̱chi̱ꞌ Ta̱chi̱ꞌ Ííꞌ Cristo ya̱ yɨ́ꞌɨ́ iniꞌ ráa nu̱u̱nꞌ ráa, ya̱ nkachiꞌ ya̱chi̱ꞌ‑i ya̱ kiji tu̱nóꞌó kunoꞌo Cristo, jín na̱ja vá viiꞌ nuñáꞌnú nasɨ́kuitɨꞌ re̱ꞌ sáá jiáꞌa tu̱nóꞌó vá.

Apoclipsis 19:10

Saájee nuꞌuꞌ nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñu̱ꞌún nu̱u̱nꞌ najiáꞌáꞌ ííꞌ vá sáva kuneñu̱ꞌun ni̱ꞌ maa. Soo nkachiꞌ‑i nu̱u̱nꞌ ni̱ꞌ: ―Koto sáꞌá nú sukuán. Chi suni táꞌán musúꞌ kúvi ni̱ꞌ jín noꞌó jín rá ñanitáꞌán nú, ya̱ yɨ́tíñú‑órán nu̱u̱nꞌ Ndiosíꞌ ya̱ níkɨ́nꞌ kutú váꞌa‑ó tu̱ꞌun jie̱ꞌe̱ꞌ Jesús. Saáva kuneñu̱ꞌun nú máá maá Ndiosíꞌ. Chi rá tu̱ꞌun na̱a̱ꞌ ya̱ nkachitu̱ꞌún Jesús, yukuán kúvi tu̱ꞌun na̱a̱ꞌ ya̱ jiáꞌa Ta̱chi̱ꞌ Ííꞌ nu̱u̱nꞌ rá ñɨvɨ ya̱ káchítu̱ꞌún na̱a̱ꞌ tu̱ꞌun kéne yuꞌú Ndiosíꞌ ―nkachiꞌ najiáꞌáꞌ ííꞌ vá.