Lucas 24:39 - Mixteco del suroeste de Tlaxiaco Oaxaca

³⁹ Kune̱ꞌyá rán rá naꞌá ni̱ꞌ jín rá jie̱ꞌe̱ꞌ ni̱ꞌ, jee kuniꞌ rán ya̱ maáníꞌ kúvi nijia ni̱ꞌ. Sikáchiꞌi rán nuꞌuꞌ jee kuniꞌ rán, chi ɨɨn íꞌná jee ntu̱ví íyó yɨkɨkúñu‑u, kuéntáꞌ néꞌyá rán ya̱ íyó yɨkɨkúñu nuꞌuꞌ ―nkachiꞌ re̱ꞌ.

Lucas 24:39 ပူးပေါင်းရင်းမြစ်များ

Lucas 23:46

Saájee kua̱yuꞌú Jesús nka̱najíín re̱ꞌ, jee nkachiꞌ re̱ꞌ: ―Tátáꞌ ni̱ꞌ, xi̱ntíín nú nátají ni̱ꞌ ta̱chi̱ꞌ káꞌánꞌ ni ―nkachiꞌ re̱ꞌ, saájee nu̱u̱nꞌ nɨ́ꞌɨ nna̱statáchiꞌ re̱ꞌ jee ni̱ꞌi̱ꞌ re̱ꞌ.

Lucas 24:38

Soo maáréꞌ nkachiꞌ nu̱u̱nꞌ ráa: ―¿Na̱ kuvi chi kúníní iniꞌ rán, jín ya̱ kénta nu̱u̱nꞌ ánímaꞌ rán ya̱ íyó tu̱ꞌun jiáni iniꞌ rán ntu ínúꞌ iniꞌ rán sukuán?

Lucas 24:40

Jee sáá nkachiꞌ re̱ꞌ rá tu̱ꞌun yaꞌá, jee nxi̱néꞌénꞌ re̱ꞌ rá naꞌá re̱ꞌ jín rá jie̱ꞌe̱ꞌ re̱ꞌ nu̱u̱nꞌ ráa.

Juan 20:20

Sáá nkuvi nkachiꞌ Jesús tu̱ꞌun yaꞌá, jee nxi̱néꞌénꞌ re̱ꞌ rá naꞌá re̱ꞌ jín yɨkɨ íkáꞌ re̱ꞌ nu̱u̱nꞌ ntúfiꞌ re̱ꞌ nu̱u̱nꞌ ráa jee saájee nnusɨ̱ɨ̱ꞌ víꞌí iniꞌ ánímaꞌ rá te̱e súkuáꞌa re̱ꞌ ráa néꞌyá ráa I̱toꞌoꞌ‑ó.

Juan 20:25

Jee kuíre rá inka te̱e ya̱ nsu̱kuáꞌa Jesús ráa nkachiꞌ ráa nu̱u̱nꞌ Tomás. ―Niniꞌ ráníꞌ I̱toꞌoꞌ‑ó ―nkachiꞌ ráa. Soo nkachiꞌ Tomás nu̱u̱nꞌ ráa. ―Retú ntu̱ví néꞌyá ni̱ꞌ naꞌá I̱toꞌoꞌ‑ó rá nu̱u̱nꞌ ntúfiꞌ nu̱u̱nꞌ nyɨ́ꞌɨ rá nu̱yu, jee tuví ni̱ꞌ xi̱ntíín ni̱ꞌ nu̱u̱nꞌ nyɨ́ꞌɨ rá nu̱yu, jee tuví ni̱ꞌ naꞌá ni̱ꞌ yɨkɨ íkáꞌ re̱ꞌ, jee nsáꞌ ji̱nu̱ꞌ kuitɨꞌ iniꞌ ni̱ꞌ.

Juan 20:27

Kuíre nkachiꞌ Jesús nu̱u̱nꞌ Tomás: ―Tuví xi̱ntíín nú yaꞌá, jee kune̱ꞌyá rá naꞌá ni̱ꞌ, jee saꞌá yatin naꞌá nú jee tuví naꞌá nú yɨkɨ íkáꞌ ni̱ꞌ. Koto kúkaꞌán nú ré ni̱núꞌ iniꞌ nú, chisaꞌ i̱nu̱ꞌ iniꞌ nú.

Hechos 1:3

Ne̱ sáá ya̱ njia̱ꞌa ya̱ nnoꞌo re̱ꞌ jee ni̱ꞌi̱ꞌ re̱ꞌ, jee suni nstúvi tékúꞌ re̱ꞌ maáréꞌ nu̱u̱nꞌ ráa jee nstúvi kájí víꞌí re̱ꞌ nu̱u̱nꞌ ráa ya̱ máá naáꞌ nijia ya̱ tékúꞌ re̱ꞌ. Jee u̱vi̱xiko (40) ki̱vɨ̱ꞌ ka̱ꞌ niniꞌ ráa re̱ꞌ. Jee nkaꞌanꞌ re̱ꞌ jie̱ꞌe̱ꞌ ichi na̱ja tátúníꞌ Ndiosíꞌ nu̱u̱nꞌ ñɨvɨ.

1 Tesalonicenses 5:23

Ndiosíꞌ ví ya̱ sáꞌá‑a ya̱ kuneeꞌ ñunkúún ñɨvɨ. Jee ñúꞌún iniꞌ ni̱ꞌ ya̱ na̱ ka̱ꞌ sasɨ́ɨ́n re̱ꞌ ka̱ꞌ ránoꞌó ya̱ nkɨ́ꞌɨ rán ka̱ꞌ nu̱u̱nꞌ ya̱ níváꞌa, ya̱ kɨtíñú noo rán nu̱u̱nꞌ re̱ꞌ. Jee ñúꞌún iniꞌ ni̱ꞌ ya̱ na̱ ka̱ꞌ kumí re̱ꞌ ka̱ꞌ kávii kuitɨꞌ sáá íyó rán, va̱ni ánímaꞌ rán, va̱ni antúníꞌ rán, va̱ni yɨkɨkúñu rán, sáva ntu̱náꞌ kua̱chi koo si̱kɨ̱ꞌ ránoꞌó, sáá kiji tuku I̱toꞌoꞌ‑ó Jesús ya̱ kúvi Cristo.

Hebreos 12:9

Jee suni sukuán rá tátáꞌ‑ó nu̱u̱nꞌ kéne ñunéꞌyúꞌ‑ó jee náchuꞌun na̱a̱ꞌ ráa ichi yó, jee ni̱yo ya̱ ñáꞌnú nu̱u̱nꞌ‑ó néꞌyá‑ó ráa. Jee, ¿á nsáꞌ saꞌ víꞌí káꞌ vá íyó‑ó chiꞌi‑ó maáó naꞌá Ndiosíꞌ ya̱ kúvi Tátáꞌ‑ó táji ta̱chi̱ꞌ káꞌánꞌ‑ó jee kutekuꞌ‑ó nɨ́ɨ́nkání jín re̱ꞌ rúja?

1 Juan 1:1

Táji ráníꞌ ya̱ naáꞌ nu̱u̱nꞌ ránú jie̱ꞌe̱ꞌ Cristo ya̱ íyó re̱ꞌ ne̱ sáá ntiáꞌan kiko̱o ñɨ̱vɨ́ yaꞌá, ya̱ nteso̱ꞌo ráníꞌ ya̱ káꞌánꞌ re̱ꞌ, jín ya̱ niniꞌ ránꞌ jín nchinúún ránꞌ yaꞌá, jín ya̱ nne̱ꞌyá noo ránꞌ re̱ꞌ, jín ya̱ ntɨɨn ránꞌ jín naꞌá ránꞌ. Jee suvire̱ꞌ vá kúvi Tu̱ꞌun Ndiosíꞌ ya̱ sáꞌá re̱ꞌ ya̱ kutekuꞌ‑ó nɨ́ɨ́nkání jín Ndiosíꞌ.