Lucas 24:36 - Mixteco del suroeste de Tlaxiaco Oaxaca

³⁶ Jee ni káchíꞌ i̱i̱ꞌ ráa rá tu̱ꞌun yaꞌá, jee nkitu̱vi Jesús nna̱kui̱ñɨ̱ꞌ re̱ꞌ ma̱ꞌñú ráa, jee nkachiꞌ re̱ꞌ nu̱u̱nꞌ ráa: ―Va̱ne̱ꞌ va̱ꞌa kino̱o iniꞌ ánímaꞌ rán ―nkachiꞌ re̱ꞌ.

Lucas 24:36 ပူးပေါင်းရင်းမြစ်များ

Mateo 10:13

Jee retú kúvi ráa ñɨvɨ ma̱ni̱ꞌ iniꞌ, jee kino̱o jín ráa ya̱ va̱ꞌa ñunkúún ráa sáni nkachiꞌ rán. Soo retú ntu kúvi ráa ñɨvɨ ma̱ni̱ꞌ iniꞌ, jee nsáꞌ ni̱ꞌi̱nꞌ ráa ya̱ kino̱o jín ráa ya̱ va̱ꞌa ñunkúún ráa sáni nkachiꞌ rán.

Marcos 16:14

Jee kuéé ka̱ꞌ, ntu̱vi Jesús nu̱u̱nꞌ rá ni u̱ji̱ꞌ ɨɨn te̱e, ni nééꞌ ráa nu̱u̱nꞌ mesa kúxíní ráa. Jee nku̱xeenꞌ re̱ꞌ nu̱u̱nꞌ ráa, ya̱ ntu nínúꞌ iniꞌ ráa, ya̱ ni̱ꞌin ánímaꞌ ráa, chi ntu nínúꞌ iniꞌ ráa rá ñɨvɨ niniꞌ ya̱ nna̱tekuꞌ i̱i̱ꞌ re̱ꞌ.

Lucas 10:5

’Jee néni ɨɨn veꞌi nu̱u̱nꞌ kenta rán ki̱vɨ rán, jee xíꞌna ka̱ꞌ kachiꞌ rán nu̱u̱nꞌ ráa ya̱ na̱ ka̱ꞌ kuneeꞌ va̱ꞌa ñunkúún ñɨvɨ veꞌi yaꞌá.

Juan 14:27

’Xinóo ni̱ꞌ ránoꞌó jee kɨ̱ꞌɨ̱nꞌ ni̱ꞌ, soo ne̱ va̱ꞌa koo iniꞌ rán kino̱o rán saꞌá ni̱ꞌ. Sáꞌá ni̱ꞌ ya̱ ne̱ va̱ꞌa kino̱o ánímaꞌ ránoꞌó kuéntáꞌ kúváꞌa iniꞌ ánímaꞌ ni̱ꞌ. Chi ntu nuún nótaꞌan sáꞌá ni̱ꞌ kuéntáꞌ kua̱ꞌ sáꞌá rá ñɨvɨ ñɨ̱vɨ́ yaꞌá ya̱ ntu yɨ́ꞌɨ́ ráa xi̱ntíín Ndiosíꞌ, chi ntu sáꞌá ráa ya̱ ne̱ va̱ꞌa koo iniꞌ rán kuéntáꞌ sáꞌá ni̱ꞌ. Saáva koto nániꞌvɨꞌ iniꞌ ánímaꞌ rán ni koto yúꞌví rán.

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

Juan 20:26

Sáá njia̱ꞌa ki̱vɨ̱ꞌ u̱na̱ꞌ, jee rá te̱e nsu̱kuáꞌa Jesús ráa nnu̱tútú tuku ráa ɨɨn iniꞌ veꞌi, jee kútáꞌán Tomás jín ráa. Saájee, súnika̱ꞌ násɨ́ꞌ rá yuvéꞌí, jee nki̱vɨ Jesús, jee ña̱kui̱ñɨ̱ꞌ re̱ꞌ nteñu ráa jee nkachiꞌ re̱ꞌ: ―Va̱ne̱ꞌ va̱ꞌa kino̱o iniꞌ ánímaꞌ rán.

Hechos 1:3

Ne̱ sáá ya̱ njia̱ꞌa ya̱ nnoꞌo re̱ꞌ jee ni̱ꞌi̱ꞌ re̱ꞌ, jee suni nstúvi tékúꞌ re̱ꞌ maáréꞌ nu̱u̱nꞌ ráa jee nstúvi kájí víꞌí re̱ꞌ nu̱u̱nꞌ ráa ya̱ máá naáꞌ nijia ya̱ tékúꞌ re̱ꞌ. Jee u̱vi̱xiko (40) ki̱vɨ̱ꞌ ka̱ꞌ niniꞌ ráa re̱ꞌ. Jee nkaꞌanꞌ re̱ꞌ jie̱ꞌe̱ꞌ ichi na̱ja tátúníꞌ Ndiosíꞌ nu̱u̱nꞌ ñɨvɨ.

1 Corintios 15:5

Jee suni nenta nijinꞌ kájí re̱ꞌ nu̱u̱nꞌ Pedro nne̱ꞌyá‑a re̱ꞌ, jee kuíre suni nu̱u̱nꞌ rá inka u̱ji̱ꞌ te̱e nku̱táꞌán jín re̱ꞌ nsu̱kuáꞌa re̱ꞌ ráa,

1 Corintios 15:7

Jee kuíre suni ntu̱ví re̱ꞌ nu̱u̱nꞌ Jacobo, jee kuíre suni tuku nu̱u̱nꞌ ntáká rá te̱e níso ráa tiñu apóstol re̱ꞌ.

2 Tesalonicenses 3:16

Saájee máá maá I̱toꞌoꞌ‑ó ví ya̱ sáꞌá ya̱ kuneeꞌ ñunkúún ñɨvɨ. Jee na̱ ka̱ꞌ saꞌá re̱ꞌ ka̱ꞌ ya̱ ñunkúún kuneeꞌ rán nɨꞌɨ tiempúꞌ jín nta̱ká íchí. Jee kuneeꞌ I̱toꞌoꞌ‑ó jín nta̱ká ránoꞌó.

Apoclipsis 1:4

Nuꞌuꞌ Juan, tée ni̱ꞌ tutuꞌ yaꞌá kua̱jiaaꞌ nu̱u̱nꞌ ránoꞌó ni uxáꞌ grupo ñɨvɨ ya̱ jínúꞌ iniꞌ rán Jesús, ránoꞌó ya̱ nééꞌ nu̱u̱nꞌ ñuunꞌ Asia. Jee na̱ ka̱ꞌ koo ma̱ni̱ꞌ ka̱ꞌ iniꞌ Ndiosíꞌ, jín ni uxáꞌ espíritu ya̱ ntu túvi nijinꞌ, jín Jesucristo saꞌá ráa ya̱ váꞌa nu̱u̱nꞌ ránoꞌó, jín ya̱ saꞌá ráa ya̱ kuva̱ꞌa iniꞌ ánímaꞌ rán. Chi máá Ndiosíꞌ vá íyó vitan, jee suni maáréꞌ vá íyó nɨ́ɨ́nkání tiempúꞌ ya̱ta̱ꞌ, jee suni maáréꞌ vá koo nɨ́ɨ́nkání. Jee ni uxáꞌ espíritu ya̱ ntu túvi nijinꞌ, jee íñɨ́ ráa ichinúúnꞌ teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ.