Lucas 24:28 - Mixteco del suroeste de Tlaxiaco Oaxaca

²⁸ Jee sáá kua̱kuyatin ráa nu̱u̱nꞌ ñuunꞌ nu̱u̱nꞌ kua̱ꞌa̱nꞌ ráa, jee nsa̱ꞌá Jesús nika̱ꞌ ya̱ kuéntáꞌ retánꞌ nku̱íká re̱ꞌ ka̱ꞌ kua̱ꞌa̱nꞌ re̱ꞌ.

Lucas 24:28 ပူးပေါင်းရင်းမြစ်များ

Génesis 19:2

Jee nkachiꞌ re̱ꞌ: ―Ránoꞌó tátáꞌ, kova̱ꞌa xá iniꞌ rán kɨ̱kino̱o rán yakuááꞌ veꞌi nuꞌuꞌ ya̱ kúvi ni̱ꞌ musúꞌ rán. Jee yukuán kuvi nakete rán rá jie̱ꞌe̱ꞌ rán, jee neꞌenꞌ xteñu̱ꞌún kuvi kɨ̱ꞌɨ̱nꞌ rán ichi kɨ̱ꞌɨ̱nꞌ rán ―nkachiꞌ re̱ꞌ nu̱u̱nꞌ ráa. Soo nkachiꞌ ráa: ―Ntu̱ví chi sú iniꞌ ichi chíkéꞌi ni kino̱o ránꞌ yakuááꞌ ―nkachiꞌ ráa nu̱u̱nꞌ re̱ꞌ.

Génesis 32:26

Saájee nkachiꞌ te̱e vá: ―Siaáꞌ nuꞌuꞌ, chi ya̱ va̱ji kunijinꞌ ―nkachiꞌ te̱e vá. Jee nkachiꞌ Jacob: ―Nsáꞌ siaáꞌ ni̱ꞌ noꞌó retú ntu̱ví saꞌá nú ya̱ netuꞌ kuvi ni̱ꞌ ―nkachiꞌ Jacob.

Génesis 42:7

Jee sáá niniꞌ José rá ñaniꞌ re̱ꞌ nna̱kuniꞌ re̱ꞌ ráa, soo nsa̱ꞌá re̱ꞌ kuéntáꞌ ya̱ ntu̱ví jíníꞌ re̱ꞌ ráa, jee ni̱ka̱tu̱ꞌún ni̱ꞌin re̱ꞌ ráa: ―¿Né núꞌ va̱ji rán? ―nkachiꞌ José. Jee nna̱xiníkó ráa nu̱u̱nꞌ re̱ꞌ: ―Va̱ji ránꞌ nu̱u̱nꞌ ñuunꞌ Canaán, va̱ji keꞌen ránꞌ ya̱ kajiꞌ ránꞌ ―nkachiꞌ ráa nu̱u̱nꞌ José.

Marcos 6:48

Niniꞌ re̱ꞌ ya̱ tu̱nóꞌó sikáka ráa jín remóꞌ, chi va̱ji ta̱chi̱ꞌ víjin ichinúúnꞌ ráa. Sáá va̱kunijinꞌ, nkiji Jesús jíka jie̱ꞌe̱ꞌ re̱ꞌ nu̱u̱nꞌ nteñúꞌún. Jee kuíni re̱ꞌ siáꞌa re̱ꞌ ráa.

Lucas 24:29

Jee nte̱tuvi ráa re̱ꞌ ya̱ kino̱o re̱ꞌ jín ráa, jee nkachiꞌ ráa nu̱u̱nꞌ re̱ꞌ: ―Kino̱o nú jín ránuꞌuꞌ yaꞌá, chi yánini, ya̱ kúnéñuꞌun ―nkachiꞌ ráa. Saájee nki̱vɨ Jesús yukuán sáva nkino̱o re̱ꞌ jín ráa.