Lucas 24:20 - Mixteco del suroeste de Tlaxiaco Oaxaca

²⁰ Jee rá su̱tu̱ꞌ kúñáꞌnú jín rá te̱e kúñáꞌnú nísotíñú nu̱u̱nꞌ ránꞌ, nna̱ku̱ꞌva ráa re̱ꞌ xi̱ntíín rá te̱e Roma nísotíñú ráa nu̱u̱nꞌ‑ó, sáva saꞌá náaꞌ rá te̱e vá ya̱ tekaa ráa re̱ꞌ nu̱u̱nꞌ kurúsiꞌ kuviꞌ re̱ꞌ.

Lucas 24:20 ပူးပေါင်းရင်းမြစ်များ

Mateo 23:33

’¡Ko̱o̱ꞌ ránoꞌó! ¡Se̱ꞌya ko̱o̱ꞌ xe̱e̱nꞌ ví ránoꞌó! ¿Na̱ja kuvi ka̱ku rán nu̱u̱nꞌ sikɨ́naanꞌ Ndiosíꞌ ránoꞌó kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ?

Mateo 27:20

Soo rá su̱tu̱ꞌ kúñáꞌnú jín rá te̱e ñáꞌnú nu̱u̱nꞌ ñuunꞌ vá nsi̱kúvi ráa iniꞌ rá ñɨvɨ kue̱ꞌe̱ꞌ vá, ya̱ ka̱ka̱nꞌ rává ya̱ nakani núne Pilato Barrabás, jee tají re̱ꞌ ya̱ kaꞌniꞌ rá soldado Jesús.

Marcos 15:1

Jee ya̱neꞌenꞌ, nna̱túꞌún rá su̱tu̱ꞌ kúñáꞌnú, jín rá te̱e kúñáꞌnú, jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín nɨꞌɨ rá inka ka̱ꞌ te̱e yɨ́ꞌɨ́ Justicia Ñáꞌnú ya̱ néen kuéntáꞌ ráa nu̱u̱nꞌ Israel. Jee niꞌniꞌ ráa Jesús, jee nnaka ráa maa, jee nna̱ku̱ꞌva ráa maa xi̱ntíín Pilato.

Lucas 22:66

Jee sáá ntu̱u̱nꞌ nka̱niiꞌ, nku̱tútú rá te̱e kúñáꞌnú nu̱u̱nꞌ rá ñɨvɨ ñuunꞌ vá, jín rá su̱tu̱ꞌ kúñáꞌnú jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jee kua̱ꞌa̱nꞌ ráa jín Jesús nu̱u̱nꞌ kútútú ráa ya̱ kúvi ráa Justicia Ñáꞌnú, jee ni̱ka̱tu̱ꞌún ráa re̱ꞌ jee nkachiꞌ ráa:

Lucas 23:13

Jee sáá nkana Pilato rá su̱tu̱ꞌ kúñáꞌnú jín rá te̱e nísotíñú, jín rá ñɨvɨ ñuunꞌ sáva kutútú ráa,

Hechos 2:23

Nna̱ku̱ꞌva rán te̱e yaꞌá xi̱ntíín rá te̱e niva̱ꞌa. Jee ntee ráa maa nu̱u̱nꞌ kurúsiꞌ. Suꞌva ñaꞌniꞌ rán maa. Soo nsa̱ꞌá rán sáni ya̱ nkuna̱a̱ꞌ iniꞌ Ndiosíꞌ, jee ne̱ tióꞌ chíji jíníꞌ re̱ꞌ ya̱ kuvi sukuán sáni nsa̱náaꞌ re̱ꞌ.

1 Tesalonicenses 2:15

Rá ñɨvɨ Israel vá ví ya̱ ñaꞌniꞌ ráa I̱toꞌoꞌ‑ó Jesús jín rá te̱e ya̱ nna̱kani ráa tu̱ꞌun nkene yuꞌú Ndiosíꞌ ne̱ yanaꞌán. Jee nta̱níkɨ́nꞌ rá ñɨvɨ vá ránuꞌuꞌ ñuunꞌ yukuán. Ntu kúváꞌa iniꞌ Ndiosíꞌ néꞌyá re̱ꞌ ráa. Jee kénta ráa si̱kɨ̱ꞌ nta̱ká ñɨvɨ.