Lucas 23:8 - Mixteco del suroeste de Tlaxiaco Oaxaca

⁸ Jee sáá niniꞌ Herodes Jesús jee nku̱sɨ̱ɨ̱ꞌ víꞌí iniꞌ re̱ꞌ, chi ne̱ ya̱ íyó tiempúꞌ ya̱ kuíni re̱ꞌ kuniꞌ re̱ꞌ Jesús, chi nteso̱ꞌo re̱ꞌ jie̱ꞌe̱ꞌ‑e, jee kuíni re̱ꞌ réáꞌ kuniꞌ re̱ꞌ saꞌá‑a ɨɨn seña a̱nasɨ́.

Lucas 23:8 ပူးပေါင်းရင်းမြစ်များ

Mateo 14:1

Jee tiempúꞌ yukuán Herodes kúvi te̱e tátúníꞌ nu̱u̱nꞌ ñuunꞌ Galilea. Jee nteso̱ꞌo‑o tu̱ꞌun nákani rá ñɨvɨ jie̱ꞌe̱ꞌ Jesús.

Marcos 6:14

Herodes, te̱e tátúníꞌ, chi nteso̱ꞌo re̱ꞌ ya̱ kúvi, chi nɨꞌɨ rá ñɨvɨ káꞌánꞌ xi̱ni̱ꞌ Jesús. Jee nkachiꞌ re̱ꞌ: ―Jesús kúvi re̱ꞌ Juan, te̱e síkuánuté, ya̱ nna̱tekuꞌ i̱i̱ꞌ re̱ꞌ ya̱ níꞌiꞌ re̱ꞌ, jee saáva fuersáꞌ ííꞌ a̱nasɨ́ sátíñú‑u iniꞌ re̱ꞌ.

Marcos 8:34

I̱ña̱jée nkana re̱ꞌ rá ñɨvɨ jín rá te̱e súkuáꞌa re̱ꞌ ráa, jee nkachiꞌ re̱ꞌ nu̱u̱nꞌ ráa: ―Retú néni ɨɨn ñɨvɨ kuíni‑i kunikɨnꞌ‑ɨ nuꞌuꞌ, íyó xináánꞌ‑a iniꞌ‑i rá níyo iniꞌ maáa, jee ɨɨn ni koo iniꞌ‑i kunoꞌo‑o jie̱ꞌe̱ꞌ níkɨ́nꞌ nuꞌuꞌ kuéntáꞌ ɨɨn ya̱ níso‑o kurúsiꞌ sáva kuviꞌ‑i nu̱u̱nꞌ vá. Jee kunikɨnꞌ‑ɨ nuꞌuꞌ.

Lucas 4:23

Saájee nkachiꞌ re̱ꞌ nu̱u̱nꞌ ráa: ―Jíníꞌ ni̱ꞌ ya̱ jín tu̱ꞌun suꞌva kachiꞌ rán kune̱ꞌyá rán nuꞌuꞌ: “Te̱e tátán, xinúvi nú maánú.” Jee, “ntáká rá tiñu ya̱ nteso̱ꞌo ránꞌ ya̱ nsa̱ꞌá nú nu̱u̱nꞌ ñuunꞌ Capernaum suni saꞌá nú maa yaꞌá nu̱u̱nꞌ ñuunꞌ nú” ―nkachiꞌ re̱ꞌ.

Hechos 8:19

―Suni taji xá fuersáꞌ ííꞌ i̱ña̱ꞌ nu̱u̱nꞌ ni̱ꞌ, ya̱ chisó ni̱ꞌ naꞌá ni̱ꞌ ne̱ ni ɨɨn ñɨvɨ, jee ni̱ꞌi̱nꞌ re̱ꞌ Ta̱chi̱ꞌ Ííꞌ.