Lucas 23:41 - Mixteco del suroeste de Tlaxiaco Oaxaca

⁴¹ jee maáó chi ya̱ nááꞌ nijia ya̱ saá íyó kunoꞌo‑ó, chi yaꞌá kúvi tu̱nóꞌó níꞌínꞌ‑ó ya̱ íyó níꞌinꞌ‑ó kunoꞌo‑ó jie̱ꞌe̱ꞌ kua̱chi ya̱ nsa̱ꞌá‑ó. Soo te̱e yaꞌá chi ni ɨɨn kua̱chi ni ntu̱náꞌ nsa̱ꞌá re̱ꞌ ―nkachiꞌ re̱ꞌ nu̱u̱nꞌ táꞌán re̱ꞌ.

Lucas 23:41 ပူးပေါင်းရင်းမြစ်များ

Mateo 27:19

Jee ni nééꞌ Pilato nu̱u̱nꞌ teyuꞌ nu̱u̱nꞌ jiéꞌnéꞌ re̱ꞌ kua̱chi, jee nta̱jí ñasɨ́ꞌɨ́ re̱ꞌ tu̱ꞌun nu̱u̱nꞌ re̱ꞌ ya̱ káchíꞌ‑i: ―Koto jíꞌín nú jiéꞌnéꞌ kua̱chi si̱kɨ̱ꞌ te̱e na̱a̱ꞌ i̱ña̱ꞌ, chi vitan nnoꞌo víꞌí ni̱ꞌ nsa̱ꞌá ña̱ní nu̱u̱nꞌ ñuma̱ꞌná ni̱ꞌ jie̱ꞌe̱ꞌ re̱ꞌ ―nkachiꞌ ñaꞌ.

Mateo 27:24

Jee sáá niniꞌ Pilato ya̱ ntu kúneí re̱ꞌ jín rá ñɨvɨ chisaꞌ víꞌí ka̱ꞌ kúváaꞌ ráa, jee ni̱ka̱nꞌ re̱ꞌ nute, jee nna̱naꞌá re̱ꞌ ichinúúnꞌ rá ñɨvɨ kue̱ꞌe̱ꞌ vá, jee nkachiꞌ re̱ꞌ: ―Ntu kuáchi si̱kɨ̱ꞌ ni̱ꞌ ya̱ kuviꞌ te̱e yaꞌá. ¡Yaꞌá ví si̱kɨ̱ꞌ maárán! ―nkachiꞌ re̱ꞌ nu̱u̱nꞌ ráa.

Mateo 27:4

jee nkachiꞌ‑i: ―Nsa̱ꞌá ni̱ꞌ kua̱chi, chi nna̱taji ni̱ꞌ nu̱u̱nꞌ rán ɨɨn te̱e ntu̱ví íyó kua̱chi si̱kɨ̱ꞌ sáva kaꞌniꞌ rán re̱ꞌ ―nkachiꞌ Judas nu̱u̱nꞌ rá su̱tu̱ꞌ kúñáꞌnú vá. Jee nkachiꞌ ráa nu̱u̱nꞌ Judas: ―Ntu̱ví ná i̱ña̱ꞌ jítú ka̱ꞌ iniꞌ ránꞌ, i̱ña̱ꞌ ví si̱kɨ̱ꞌ maánú ―nkachiꞌ ráa nu̱u̱nꞌ Judas.

Mateo 27:54

Jee te̱e kúvi capitán rá soldado jín rá soldado ya̱ íñɨ́ ráa jín re̱ꞌ ya̱ kúmí ráa Jesús, jee sáá niniꞌ ráa ya̱ nta̱an jín nɨꞌɨ ya̱ nkuvi, jee nyu̱ꞌví nasɨ́kuitɨꞌ ráa, jee nkachiꞌ ráa: ―Máá nááꞌ nijia ya̱ Se̱ꞌya Ndiosíꞌ kúvi te̱e yaꞌá ―nkachiꞌ ráa.

Lucas 23:40

Soo inka ka̱ꞌ táꞌán te̱e níntakaa yukuán, nna̱xiníkó‑o nu̱u̱nꞌ táꞌán‑a vá jee nkachiꞌ‑i: ―¿Á ni ntu ñúyúꞌví iniꞌ nú Ndiosíꞌ? Ya ɨɨn nuún ni nsi̱jíta ráa nó kunoꞌo nú jín tee yaꞌá,

Lucas 23:42

Jee nkachiꞌ re̱ꞌ nu̱u̱nꞌ Jesús: ―Naku̱ꞌun iniꞌ nú kunáꞌví iniꞌ nú nuꞌuꞌ sáá kenta kunisotíñú nú tátúníꞌ nú nu̱u̱nꞌ kua̱íyó ―nkachiꞌ re̱ꞌ nu̱u̱nꞌ Jesús.

1 Tesalonicenses 2:10

Ránoꞌó jín Ndiosíꞌ jíníꞌ rán ya̱ nááꞌ jee kúvi stúvi rán ya̱ nsa̱ꞌá sɨ́ɨ́n ráníꞌ maáránuꞌuꞌ ya̱ ntu yɨ́ꞌɨ́ ránꞌ nu̱u̱nꞌ ya̱ níváꞌa, jee nika na̱a̱ꞌ ránꞌ nteñu ránoꞌó, jee ntu kúvi chikua̱chi ñɨvɨ ránuꞌuꞌ, jie̱ꞌe̱ꞌ ya̱ nsa̱ꞌá ránꞌ nteñu ránoꞌó, ya̱ ínúꞌ iniꞌ rán tu̱ꞌun Cristo.

Santiago 4:7

Saáva íyó chiꞌi rán maárán xi̱ntíín Ndiosíꞌ. Jee nuni̱ꞌin rán nu̱u̱nꞌ kui̱ꞌna̱ꞌ, jee kunu kui̱ꞌna̱ꞌ nu̱u̱nꞌ rán.

1 Pedro 1:19

chisaꞌ nchu̱náán re̱ꞌ ni̱ñɨ̱ꞌ Cristo ya̱ máá viiꞌ yɨ́yáꞌvi ntántúníꞌ, ya̱ ñatɨ‑ɨ sáá nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ, kuéntáꞌ kua̱ꞌ ɨɨn lanchi lúlí maa váꞌa ya̱ íyó noo ya̱ ni ntu yɨ́kuéꞌí ya̱ sókóꞌ ñɨvɨ maa nu̱u̱nꞌ Ndiosíꞌ.

1 Pedro 2:23

Chi sáá nkaꞌanꞌ ráa tu̱ꞌun níváꞌa ntenu̱u̱nꞌ ráa re̱ꞌ jee ni ntu nna̱xiníkó re̱ꞌ tu̱ꞌun níváꞌa nu̱u̱nꞌ ráa, jee sáá nxi̱nóꞌo ráa re̱ꞌ jee ni ntu nchuyúꞌví re̱ꞌ iniꞌ ráa retú naxinóꞌo re̱ꞌ ráa, chisaꞌ nna̱ku̱ꞌva re̱ꞌ maáréꞌ nu̱u̱nꞌ Ndiosíꞌ, ya̱ máá Ndiosíꞌ ví ya̱ na̱a̱ꞌ sánáaꞌ jie̱ꞌe̱ꞌ ntáká rá tiñu yukuán.