Lucas 23:33 - Mixteco del suroeste de Tlaxiaco Oaxaca

³³ Jee sáá nkenta ráa nu̱u̱nꞌ naní Yɨkɨ Xíníꞌ Níyɨ, jee yukuán nte̱kaa rá soldado Jesús nu̱u̱nꞌ kurúsiꞌ. Jee suni nte̱kaa ráa ni núvíꞌ ka̱ꞌ rá te̱e kua̱chi vá, jee ta nu̱u̱nꞌ ráa kurúsiꞌ ráa, ɨɨn ichi kuáꞌá re̱ꞌ jee ɨɨn ichi sátín re̱ꞌ.

Lucas 23:33 ပူးပေါင်းရင်းမြစ်များ

Mateo 20:19

Jee naku̱ꞌva ráa nuꞌuꞌ xi̱ntíín rá ñɨvɨ ya̱ ntu kúvi nación Israel, jee kaꞌanꞌ u̱ꞌvi̱ꞌ ráa kune̱ꞌyá ráa nuꞌuꞌ, jee kuun ráa yoꞌo nuꞌuꞌ, jee tekaa ráa nuꞌuꞌ nu̱u̱nꞌ kurúsiꞌ, jee kuviꞌ ni̱ꞌ, soo ki̱vɨ̱ꞌ uníꞌ jee natekuꞌ i̱i̱ꞌ ni̱ꞌ kene ni̱ꞌ nteñu rá ni̱yɨ ―nkachiꞌ Jesús.

Mateo 26:2

―Ya jíníꞌ rán ya̱ u̱vi̱ꞌ ni ka̱ꞌ ki̱vɨ̱ꞌ kúníꞌ jee koo viko Pascua, jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee naku̱ꞌva rá ñɨvɨ nuꞌuꞌ sáva kuntakaa ni̱ꞌ nu̱u̱nꞌ kurúsiꞌ ―nkachiꞌ Jesús.

Lucas 24:7

sáá nkachiꞌ re̱ꞌ nu̱u̱nꞌ rán: “Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee sáá íyó naku̱ꞌva ñɨvɨ nuꞌuꞌ xi̱ntíín rá te̱e kua̱chi, jee tekaa ráa nuꞌuꞌ nu̱u̱nꞌ kurúsiꞌ jee kuviꞌ ni, jee ki̱vɨ̱ꞌ uníꞌ jee natekuꞌ i̱i̱ꞌ ni̱ꞌ nako̱o ni̱ꞌ kene ni̱ꞌ nteñu rá ni̱yɨ”, nkachiꞌ Jesús ―nkachiꞌ ni u̱vi̱ꞌ rá te̱e vá.

Juan 18:32

Jee sukuán nsi̱kúnkuvi nu̱u̱nꞌ rá tu̱ꞌun nkachiꞌ Jesús jie̱ꞌe̱ꞌ ya̱ na̱sa íyó kuviꞌ re̱ꞌ.

Juan 3:14

Kuéntáꞌ nkuvi sáá nsi̱káa Moisés nte̱kaa re̱ꞌ ɨɨn ko̱o̱ꞌ ka̱a nu̱u̱nꞌ yutun nu̱u̱nꞌ ñu̱ꞌún saɨn, jee suni sukuán íyó sikáa ñɨvɨ tekaa ráa nuꞌuꞌ nu̱u̱nꞌ yutun, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Hechos 13:29

Jee sáá nsi̱kúnkuvi ráa nɨꞌɨ ya̱ káchíꞌ Tu̱ꞌun Ndiosíꞌ jie̱ꞌe̱ꞌ Jesús, ya̱ níso nu̱u̱nꞌ Tutuꞌ Ííꞌ, jee nxi̱núun ráa ñunéꞌyúꞌ re̱ꞌ nu̱u̱nꞌ kurúsiꞌ, jee nse̱ꞌí ráa maa iniꞌ yaviꞌ kava.

Hechos 2:23

Nna̱ku̱ꞌva rán te̱e yaꞌá xi̱ntíín rá te̱e niva̱ꞌa. Jee ntee ráa maa nu̱u̱nꞌ kurúsiꞌ. Suꞌva ñaꞌniꞌ rán maa. Soo nsa̱ꞌá rán sáni ya̱ nkuna̱a̱ꞌ iniꞌ Ndiosíꞌ, jee ne̱ tióꞌ chíji jíníꞌ re̱ꞌ ya̱ kuvi sukuán sáni nsa̱náaꞌ re̱ꞌ.

Hechos 5:30

Maá Ndiosíꞌ, ya̱ nneñu̱ꞌun rá tátáꞌ jííꞌ‑ó yanaꞌán nasɨ́kuitɨꞌ, suvire̱ꞌ nxi̱nákóo re̱ꞌ Jesús nxi̱nátekuꞌ i̱i̱ꞌ re̱ꞌ maa, ya̱ nte̱kaa rán maa nu̱u̱nꞌ kurúsiꞌ jee ñaꞌniꞌ rán maa.

Gálatas 3:13

Cristo nchu̱náán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi sáꞌá‑ó, sáva nakani núne re̱ꞌ yó nu̱u̱nꞌ ya̱ chísónínu tu̱ꞌun ley yó. Chi nkenta nyosoni̱nu re̱ꞌ sáva kuvi ya̱ váꞌa nu̱u̱nꞌ‑ó, chi níso nu̱u̱nꞌ Tutuꞌ Tu̱ꞌun Ndiosíꞌ ya̱: “Yósóni̱nu nta̱ká ñɨvɨ níntakaa nu̱u̱nꞌ yutun.”

1 Pedro 2:24

Chi máá Cristo nna̱kuniso yɨkɨkúñu re̱ꞌ ntáká kua̱chi sáꞌá‑ó sáá níꞌiꞌ re̱ꞌ nu̱u̱nꞌ kurúsiꞌ, sáva kuviꞌ‑ó nu̱u̱nꞌ kua̱chi‑ó kene‑ó nu̱u̱nꞌ kua̱chi‑ó jee sáva nakueꞌnu‑ó ichi jiáꞌnu na̱a̱ꞌ. Chi jie̱ꞌe̱ꞌ nu̱u̱nꞌ ntúfiꞌ re̱ꞌ vá, yukuán núváꞌa‑ó sííyo re̱ꞌ kua̱chi‑ó.