Lucas 23:25 - Mixteco del suroeste de Tlaxiaco Oaxaca

²⁵ Jee nsia̱áꞌ re̱ꞌ te̱e ya̱ nchiꞌi ráa iniꞌ veka̱a jie̱ꞌe̱ꞌ ya̱ nka̱ntáꞌán‑a jín rá te̱e nísotíñú, jee suni nsa̱ꞌá‑a ni̱yɨ, te̱e ya̱ ni̱ka̱nꞌ ráa. Jee nna̱ku̱ꞌva re̱ꞌ Jesús xi̱ntíín rá soldado sáva kuviꞌ re̱ꞌ sáni kuíni rá ñɨvɨ.

Lucas 23:25 ပူးပေါင်းရင်းမြစ်များ

Mateo 27:26

Saájee nna̱kani núne re̱ꞌ Barrabás. Jee nchiꞌi rá soldado yoꞌo Jesús nsa̱ꞌá re̱ꞌ, jee nna̱ku̱ꞌva re̱ꞌ maa xi̱ntíín rá soldado sáva tekaa ráa maa nu̱u̱nꞌ kurúsiꞌ kuviꞌ‑i.

Marcos 15:15

Saájee Pilato kuíni re̱ꞌ kino̱o va̱ꞌa re̱ꞌ jín rá ñɨvɨ, jee nsia̱áꞌ re̱ꞌ Barrabás. Jee nchiꞌi rá soldado yoꞌo Jesús nsa̱ꞌá re̱ꞌ, jee nna̱ku̱ꞌva re̱ꞌ maa xi̱ntíín ráa, sáva tekaa ráa maa nu̱u̱nꞌ kurúsiꞌ, sáva kaꞌniꞌ ráa maa.

Lucas 23:2

Jee nka̱jiéꞌé ráa xíkóñáꞌán ráa Jesús, jee nkachiꞌ ráa: ―Nna̱niꞌinꞌ ránꞌ te̱e yaꞌá síkáꞌánꞌ re̱ꞌ rá ñɨvɨ ñuunꞌ ránꞌ ya̱ nenta ráa si̱kɨ̱ꞌ rá te̱e kúñáꞌnú nu̱u̱nꞌ ñuunꞌ, jín ya̱ jíníi̱yo re̱ꞌ ya̱ chunáán ránꞌ xu̱ꞌún náneeꞌ te̱e ya̱ tátúníꞌ nu̱u̱nꞌ ñuunꞌ Roma. Jee káchíꞌ re̱ꞌ ya̱ maáréꞌ kúvi Cristo ya̱ kúvi re̱ꞌ ɨɨn te̱e nísotíñú ya̱ tátúníꞌ re̱ꞌ nu̱u̱nꞌ ránuꞌuꞌ ―nkachiꞌ rá te̱e vá.

Lucas 23:24

Saájee nkuna̱a̱ꞌ iniꞌ Pilato saꞌá re̱ꞌ sáni ya̱ nyɨ̱tuvi ráa.

Lucas 23:26

Jee sáá kua̱na̱ka rá soldado Jesús, jee ntɨɨn ráa ɨɨn te̱e naní Simón, ya̱ kúvi re̱ꞌ te̱e ñuunꞌ Cirene, jee va̱ji re̱ꞌ ɨɨn rá kuaríáꞌ, jee nchi̱só ráa kurúsiꞌ Jesús ya̱ta̱ꞌ re̱ꞌ sáva kuniso re̱ꞌ maa, jee kunikɨnꞌ re̱ꞌ ya̱ta̱ꞌ Jesús nsa̱ꞌá ráa.

Lucas 23:5

Soo saꞌ víꞌí káꞌ yɨ́tuvi ráa káꞌánꞌ ráa si̱kɨ̱ꞌ Jesús, jee nkachiꞌ ráa: ―Jín tu̱ꞌun xínéꞌénꞌ re̱ꞌ ntáká ichi rá ñuunꞌ Judea xinénta re̱ꞌ rá ñɨvɨ si̱kɨ̱ꞌ rá te̱e nísotíñú. Chi nka̱jiéꞌé re̱ꞌ xínéꞌénꞌ re̱ꞌ rá tu̱ꞌun yaꞌá ne̱ ñuunꞌ Galilea jee nkenta re̱ꞌ ne̱ yaꞌá ―nkachiꞌ ráa.

Juan 18:40

Saájee nka̱najíín tuku ntáká ráa, jee nkachiꞌ ráa: ―¡Nsú te̱e i̱ña̱ꞌ! ¡Chisaꞌ siaáꞌ nú Barrabás! Soo Barrabás kúvi re̱ꞌ ɨɨn te̱e kuíꞌná sákini.

Juan 19:16

Jee saáva nna̱ku̱ꞌva Pilato Jesús xi̱ntíín rá soldado sáva tekaa ráa re̱ꞌ nu̱u̱nꞌ kurúsiꞌ. Jee nna̱keꞌen ráa Jesús kua̱ꞌa̱nꞌ ráa jín re̱ꞌ.

Hechos 3:14

Soo nku̱ichi iniꞌ rán Jesús ya̱ kúvi re̱ꞌ ya̱ ííꞌ nu̱u̱nꞌ Ndiosíꞌ jín ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ. Jee ni̱ka̱nꞌ rán ya̱ siaáꞌ Pilato ɨɨn te̱e, ya̱ jiáꞌníꞌ ñɨvɨ, nsú káꞌ siaáꞌ re̱ꞌ Jesús.