Lucas 23:11 - Mixteco del suroeste de Tlaxiaco Oaxaca

¹¹ Jee Herodes jín rá soldado re̱ꞌ nito u̱ꞌvi̱ꞌ ráa nku̱ichi iniꞌ ráa nne̱ꞌyá ráa Jesús jee nkaꞌanꞌ u̱ꞌvi̱ꞌ ráa re̱ꞌ, jee nna̱sikúnijin ráa ɨɨn saꞌma máá viiꞌ ya̱ kúvi saꞌma ñúꞌún te̱e máá kúñáꞌnú. Jee kuíre tukuni nna̱chuichí Herodes Jesús nu̱u̱nꞌ Pilato.

Lucas 23:11 ပူးပေါင်းရင်းမြစ်များ

Mateo 14:1

Jee tiempúꞌ yukuán Herodes kúvi te̱e tátúníꞌ nu̱u̱nꞌ ñuunꞌ Galilea. Jee nteso̱ꞌo‑o tu̱ꞌun nákani rá ñɨvɨ jie̱ꞌe̱ꞌ Jesús.

Mateo 14:3

Nkachiꞌ Herodes sukuán chi ya nkuvi tiempúꞌ sáá ntají re̱ꞌ tɨɨn ráa Juan, kuꞌniꞌ ráa maa, nchiꞌi ráa maa iniꞌ veka̱a. Nsa̱ꞌá Herodes sukuán, chi nta̱na̱ꞌá re̱ꞌ jín Herodías ya̱ nkuvi ñasɨ́ꞌɨ́ ñaniꞌ re̱ꞌ Felipe,

Mateo 14:6

Soo nkenta ki̱vɨ̱ꞌ íyó viko nánu kui̱ya̱ꞌ nkaku Herodes, jee se̱ꞌya sɨ́ꞌɨ́ Herodías nka̱tiéꞌé ña ichinúúnꞌ rá ñɨvɨ nééꞌ viko re̱ꞌ, jee ntaꞌanꞌ víꞌí iniꞌ Herodes nsa̱ꞌá ña.

Marcos 9:12

Suvire̱ꞌ nna̱xiníkó nu̱u̱nꞌ ráa: ―Máá nááꞌ nijia ya̱ kiji Elías xíꞌnañúꞌún, sáva nasástákoo jiáá re̱ꞌ nɨꞌɨ sáva nakuneenu̱u̱nꞌ rá ñɨvɨ Ndiosíꞌ. ¿Ná káchíꞌ Tu̱ꞌun Ndiosíꞌ nu̱u̱nꞌ Tutuꞌ Ííꞌ jie̱ꞌe̱ꞌ maáníꞌ?, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ. Ntee ráa ya̱ kunoꞌo víꞌí ni̱ꞌ jee kuichi iniꞌ rá ñɨvɨ nuꞌuꞌ.

Lucas 23:10

Jee yukuán íñɨ́ rá su̱tu̱ꞌ kúñáꞌnú jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ jee xe̱e̱nꞌ víꞌí xíkóñáꞌán ráa Jesús.

Juan 19:5

Saájee nkene Jesús, jee ñúꞌún corona iñu xi̱ni̱ꞌ re̱ꞌ, jee ñúꞌún re̱ꞌ saꞌma kání líꞌí. Jee nkachiꞌ Pilato nu̱u̱nꞌ ráa: ―¡Kune̱ꞌyá rán! ¡Yaꞌá íñɨ́ máá maá te̱e yaꞌá!

Santiago 2:2

Chi retú ki̱vɨ ɨɨn te̱e nu̱u̱nꞌ íyó tútú rán, jee ñúꞌún naꞌá re̱ꞌ xeꞌi oro jee ñúꞌún re̱ꞌ saꞌma máá va̱ꞌa, jee suni ki̱vɨ ɨɨn te̱e láꞌví, ya̱ ñúꞌún saꞌma túꞌú ya̱ núte‑e,

Santiago 2:3

jee retú kuneen kuéntáꞌ rán te̱e ya̱ ñúꞌún saꞌma va̱ꞌa vá, jee kachiꞌ rán nu̱u̱nꞌ re̱ꞌ: “Kiji nú kuneeꞌ nú nu̱u̱nꞌ va̱ꞌa ka̱ꞌ yaꞌá”, soo retú kachiꞌ rán nu̱u̱nꞌ te̱e láꞌví: “Kuiñɨ yukuán”, áxí: “Kuneeꞌ yatin jie̱ꞌe̱ꞌ ni̱ꞌ.”