Lucas 22:56 - Mixteco del suroeste de Tlaxiaco Oaxaca

⁵⁶ Soo ɨɨn ñaꞌan ya̱ kúvi musúꞌ sátíñú yukuán, sáá niniꞌ ña Pedro ni nééꞌ re̱ꞌ yatin yunúꞌúnꞌ yukuán, jee nne̱ꞌyá váꞌa ña nu̱u̱nꞌ re̱ꞌ, jee nkachiꞌ ña: ―Suni nku̱táꞌán te̱e yaꞌá jín Jesús ―nkachiꞌ ña.

Lucas 22:56 ပူးပေါင်းရင်းမြစ်များ

Mateo 26:69

Jee ni nééꞌ Pedro chíkéꞌi iniꞌ veꞌi, jee ña̱kuyatin ɨɨn ñaꞌan kúvi musúꞌ sátíñú veꞌi yukuán, jee nkachiꞌ ña nu̱u̱nꞌ re̱ꞌ: ―Suni noꞌó ranika̱ꞌ kútáꞌán nú jín Jesús te̱e ñuunꞌ Galilea ―nkachiꞌ ña.

Marcos 14:17

Sáá kúnéñuꞌun jee nkenta Jesús jín ni uxúꞌ u̱vi̱ꞌ (12) rá te̱e.

Marcos 14:6

Soo Jesús nkachiꞌ nu̱u̱nꞌ ráa: ―Kusaá rán ña. ¿Na̱kui chi xtáña̱ꞌán rán ña? Chi ɨɨn tiñu váꞌa ví ya̱ nsa̱ꞌá ña nu̱u̱nꞌ nuꞌuꞌ.

Marcos 8:25

Saájee ntee tuku Jesús naꞌá‑a nu̱u̱nꞌ rá nchinúún te̱e kuáá vá jee nxi̱núvi re̱ꞌ maa. Jee va̱ꞌa nne̱ꞌyá‑a, saájee kájíkuitɨꞌ nna̱kune̱ꞌyá‑a nɨꞌɨ.

Lucas 22:55

Jee nsta̱ꞌánꞌ rá ñɨvɨ ñuꞌunꞌ ma̱ꞌñú chíkéꞌi nééꞌ iniꞌ veꞌi jee ña̱kuneeꞌ ti̱yu̱ꞌ ráa yunúꞌúnꞌ yukuán. Jee ña̱kuneeꞌ Pedro nteñu ráa yukuán.

Lucas 22:57

Soo nkachiꞌ Pedro ya̱ ntu̱ví, jee nkachiꞌ re̱ꞌ: ―Ñaꞌan, ntu̱ví jíníꞌ ni̱ꞌ re̱ꞌ.

Juan 18:17

Saájee ñaꞌan ya̱ kúvi musúꞌ ya̱ kúmí yuvéꞌí vá nkachiꞌ ña nu̱u̱nꞌ Pedro: ―¿Á nsú suni noꞌó kúvi ɨɨn rá te̱e ya̱ nku̱táꞌán nnikɨnꞌ nsu̱kuáꞌa jín te̱e yaꞌá? ―nkachiꞌ ña. Nkachiꞌ Pedro: ―Nsu̱ví‑nꞌ kúvi‑i.