Lucas 22:52 - Mixteco del suroeste de Tlaxiaco Oaxaca

⁵² Jee nkachiꞌ Jesús nu̱u̱nꞌ rá su̱tu̱ꞌ kúñáꞌnú, jín rá te̱e yósóꞌ nu̱u̱nꞌ rá mayóríꞌ nu̱u̱nꞌ veñu̱ꞌun, jín rá tee ñáꞌnú nu̱u̱nꞌ ñuunꞌ vá ya̱ va̱ji ráa tɨɨn ráa re̱ꞌ: ―¿Á nkene rán va̱ji rán jín yuchiꞌ jín yutun si̱kɨ̱ꞌ nuꞌuꞌ sáva tɨɨn rán nuꞌuꞌ, kuéntáꞌ réáꞌ te̱e kuíꞌná ví ni̱ꞌ?

Lucas 22:52 ပူးပေါင်းရင်းမြစ်များ

Mateo 26:47

Jee ni káꞌánꞌ i̱i̱ꞌ ka̱ꞌ Jesús, jee nkenta Judas, ɨɨn táꞌán rá uxúꞌ u̱vi̱ꞌ (12) rá te̱e súkuáꞌa re̱ꞌ ráa, nkenta‑a jín kue̱ꞌe̱ꞌ víꞌí rá ñɨvɨ ya̱ ínaꞌá yuchiꞌ espada jín yutun, ya̱ nta̱jí rá su̱tu̱ꞌ kúñáꞌnú jín rá te̱e ñáꞌnú nu̱u̱nꞌ ñuunꞌ ráa.

Mateo 26:55

Jee kuíre nkachiꞌ re̱ꞌ nu̱u̱nꞌ rá ñɨvɨ kue̱ꞌe̱ꞌ vá: ―¿Á nkene rán va̱ji rán jín yuchiꞌ jín yutun si̱kɨ̱ꞌ nuꞌuꞌ sáva tɨɨn rán nuꞌuꞌ, kuéntáꞌ réáꞌ ɨɨn te̱e kuíꞌná ví ni̱ꞌ rúja? Ni ki̱vɨ̱ꞌ nééꞌ ni̱ꞌ iniꞌ chíkéꞌi veñu̱ꞌun káꞌnú xínéꞌénꞌ ni̱ꞌ Tu̱ꞌun Ndiosíꞌ, jee ntu ntɨ́ɨn rán nuꞌuꞌ.

Lucas 22:37

Chi káchíꞌ ni̱ꞌ nu̱u̱nꞌ rán ya̱ íyó sikúnkuvi tu̱nóꞌó yaꞌá jín nuꞌuꞌ sáni káchíꞌ rá tu̱ꞌun níso nu̱u̱nꞌ Tutuꞌ Ííꞌ: “Jee tɨɨn kuéntáꞌ rá ñɨvɨ ya̱ nuꞌuꞌ kúvi kuéntáꞌ kua̱ꞌ ɨɨn rá te̱e sáꞌá kua̱chi ni̱ꞌin”, káchíꞌ nu̱u̱nꞌ Tutuꞌ Ííꞌ sukuán, chi ntáká ya̱ káchíꞌ Tutuꞌ Ííꞌ jie̱ꞌe̱ꞌ nuꞌuꞌ sikúnkuvi maa ―nkachiꞌ Jesús.

Lucas 22:4

Jee ña̱ꞌa̱nꞌ re̱ꞌ nu̱u̱nꞌ rá su̱tu̱ꞌ kúñáꞌnú jín nu̱u̱nꞌ rá te̱e yósóꞌ nu̱u̱nꞌ rá mayóríꞌ nu̱u̱nꞌ veñu̱ꞌun, jee nna̱túꞌún re̱ꞌ jín ráa na̱ja naku̱ꞌva re̱ꞌ Jesús xi̱ntíín ráa.

Lucas 22:51

Saájee nna̱xiníkó Jesús jee nkachiꞌ re̱ꞌ: ―¡Sikɨ́kuɨ̱ñɨ̱ꞌ rán maárán! ¡Nkóo saá! Jee ntee re̱ꞌ naꞌá re̱ꞌ so̱ꞌo musúꞌ vá jee nxi̱núvi re̱ꞌ maa.

Lucas 22:53

Ni ki̱vɨ̱ꞌ nééꞌ ni̱ꞌ jín rán iniꞌ chíkéꞌi veñu̱ꞌun káꞌnú jee ntu ntɨ́ɨn rán nuꞌuꞌ. Soo yaꞌá ví hora rán ya̱ nkuna̱a̱ꞌ iniꞌ Ndiosíꞌ ya̱ saꞌá rán ya̱ niváꞌa jín tiñu tátúníꞌ kui̱ꞌna̱ꞌ kúñáꞌnú nu̱u̱nꞌ ñuunꞌ neenꞌ.

Juan 17:12

Chi ni nééꞌ ni̱ꞌ jín ráa iniꞌ ñɨ̱vɨ́ yaꞌá, jee nñu̱maꞌñu ñusava ni̱ꞌ ráa jín fuersáꞌ ni̱ꞌin ííꞌ níso nú ya̱ ntaji nú nu̱u̱nꞌ ni̱ꞌ. Jee nñu̱maꞌñu ñusava ni̱ꞌ ráa saáva ni ɨɨn ráa ntu ñánaanꞌ ráa, chisaꞌ métúꞌún ɨɨn ráa ni vá ña̱naanꞌ chi saá íyó kɨ̱naanꞌ re̱ꞌ, sáva nsi̱kúnkuvi nu̱u̱nꞌ káchíꞌ tu̱ꞌun nééꞌ nu̱u̱nꞌ Tutuꞌ ya̱ níso Tu̱ꞌun Ndiosíꞌ.

Hechos 5:26

Jee kuíre capitán jín rá mayóríꞌ ña̱keꞌen ráa rává. Soo ntu nsáꞌá kini ráa rává, chi yúꞌví ráa to kuun rá ñɨvɨ yu̱u̱ꞌ ráa.