Lucas 22:34 - Mixteco del suroeste de Tlaxiaco Oaxaca

³⁴ Soo nkachiꞌ Jesús: ―Pedro, káchíꞌ ni̱ꞌ nu̱u̱nꞌ nú ya̱ vitan ne̱ ntiáꞌan ka̱ꞌ kana stóꞌo, jee u̱ni̱ꞌ íchí kachiꞌ nú ya̱ ntu jíníꞌ nú nuꞌuꞌ ―nkachiꞌ Jesús.

Lucas 22:34 ပူးပေါင်းရင်းမြစ်များ

Mateo 26:34

Soo nkachiꞌ Jesús nu̱u̱nꞌ Pedro: ―Máá nááꞌ vá káchíꞌ ni̱ꞌ nu̱u̱nꞌ nú, ya̱ yakuááꞌ vitan, ne̱ ntiáꞌan ka̱ꞌ kana stóꞌo, jee u̱ni̱ꞌ íchí kachiꞌ nú ya̱ ntu jíníꞌ nú nuꞌuꞌ ―nkachiꞌ Jesús nu̱u̱nꞌ Pedro.

Mateo 26:74

Saájee nka̱jiéꞌé Pedro ne̱ nchi̱sónínu re̱ꞌ maáréꞌ ya̱ xinóꞌo Ndiosíꞌ re̱ꞌ retú ntu káꞌánꞌ na̱a̱ꞌ re̱ꞌ, jee ne̱ nsa̱náaꞌ re̱ꞌ nu̱u̱nꞌ tu̱nkáꞌánꞌ re̱ꞌ: ―¡Ntu jíníꞌ ni̱ꞌ te̱e vá! ―nkachiꞌ re̱ꞌ, jee máá hora yukuán jee nkana ɨɨn stóꞌo.

Marcos 14:30

Jee nkachiꞌ Jesús nu̱u̱nꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱: Yakuááꞌ vitan, nikɨ́n ne̱ ntiáꞌan ka̱ꞌ kana stóꞌo ya̱ uvíꞌ íchí, jee u̱ni̱ꞌ íchí kachiꞌ nú ya̱ ntu jíníꞌ nú nuꞌuꞌ ―nkachiꞌ Jesús nu̱u̱nꞌ‑u.

Lucas 22:33

Soo nkachiꞌ Pedro nu̱u̱nꞌ Jesús: ―I̱toꞌoꞌ ni̱ꞌ, ɨɨn ni íyó iniꞌ ni̱ꞌ kɨ̱ꞌɨ̱nꞌ ni̱ꞌ jín nú ne̱ kɨ̱ꞌɨ̱nꞌ ni̱ꞌ veka̱a, jín suni asúnika̱ꞌ ne̱ kuviꞌ ni̱ꞌ ranika̱ꞌ.

Lucas 22:35

Saájee nkachiꞌ Jesús nu̱u̱nꞌ ráa. ―Sáá nta̱jí ni̱ꞌ ránoꞌó ña̱kachitu̱ꞌún rán tu̱ꞌun váꞌa Ndiosíꞌ, jee ni̱ꞌ ntu̱náꞌ ñɨɨn ñúꞌún xu̱ꞌún rán ínaꞌá rán, ni ñunu ñúꞌún nantíñú nú, ni ni̱jia̱nꞌ, jee, ¿á níyo ná nkumaniꞌ nu̱u̱nꞌ rán ya̱ jíniñúꞌún rán rúja? ―nkachiꞌ re̱ꞌ. Jee nkachiꞌ ráa: ―Ntu̱náꞌ nkúmániꞌ.

Lucas 22:61

Jee nna̱koto I̱toꞌoꞌ‑ó nna̱kune̱ꞌyá yátá re̱ꞌ nu̱u̱nꞌ Pedro, jee nna̱ku̱ꞌun iniꞌ Pedro tu̱ꞌun I̱toꞌoꞌ‑ó sáá nkachiꞌ‑i nu̱u̱nꞌ re̱ꞌ: “Ne̱ ntiáꞌan ka̱ꞌ kana stóꞌo vitan, jee u̱ni̱ꞌ íchí kachiꞌ nú ya̱ ntu̱ví jíníꞌ nú nuꞌuꞌ.”

Juan 13:38

Jee nna̱xiníkó Jesús: ―¿Á nijia nú ya̱ íyó túꞌva nú kuviꞌ nú jie̱ꞌe̱ꞌ nuꞌuꞌ? Chi máá naáꞌ vá káchíꞌ ni̱ꞌ nu̱u̱nꞌ nú ya̱ ne̱ ntiáꞌan ka̱ꞌ kana stóꞌo jee u̱ni̱ꞌ íchí kachiꞌ nú ya̱ ntu jíníꞌ nú nuꞌuꞌ ―nkachiꞌ Jesús.

Juan 18:27

Jee tukuni nkachiꞌ Pedro ya̱ ntu̱ví jíníꞌ‑i, jee kuísá ntañúꞌún kuitɨꞌ nkana stóꞌo.