Lucas 21:16 - Mixteco del suroeste de Tlaxiaco Oaxaca

¹⁶ Jee suni ne̱ tátáꞌ rán, jín ñaniꞌ rán jín rá táꞌán veꞌi rán, jín rá ñɨvɨ ma̱ni̱ꞌ ta̱ꞌán jín rán, kɨ̱naku̱ꞌva ráa ránó xi̱ntíín rá te̱e néetiñu, jee kaꞌniꞌ rává sava ránó.

Lucas 21:16 ပူးပေါင်းရင်းမြစ်များ

Mateo 10:21

’Naku̱ꞌva te̱e ñaniꞌ re̱ꞌ xi̱ntíín rá ñɨvɨ, sáva kaꞌniꞌ ráa maa. Jee suni tátáꞌ naku̱ꞌva re̱ꞌ se̱ꞌya re̱ꞌ xi̱ntíín rá ñɨvɨ, sáva kaꞌniꞌ ráa maa. Jee rá se̱ꞌya nenta ráa si̱kɨ̱ꞌ sɨꞌɨ́ ráa, jee saꞌá ráa ya̱ kaꞌniꞌ rá ñɨvɨ rá sɨꞌɨ́ ráa.

Marcos 13:12

’Naku̱ꞌva te̱e ñaniꞌ re̱ꞌ xi̱ntíín rá ñɨvɨ, sáva kaꞌniꞌ ráa maa. Jee suni tátáꞌ naku̱ꞌva re̱ꞌ se̱ꞌya re̱ꞌ xi̱ntíín rá ñɨvɨ, sáva kaꞌniꞌ ráa maa. Jee rá se̱ꞌya nenta ráa si̱kɨ̱ꞌ sɨꞌɨ́ ráa, jee saꞌá ráa ya̱ kaꞌniꞌ rá ñɨvɨ rá sɨꞌɨ́ ráa.

Lucas 12:53

Chi ɨɨn tátáꞌ kusɨ́ɨ́n jín se̱ꞌya yɨ́ɨ́ re̱ꞌ chi kenta re̱ꞌ si̱kɨ̱ꞌ se̱ꞌya yɨ́ɨ́ re̱ꞌ, jee se̱ꞌya yɨ́ɨ́ kenta‑a si̱kɨ̱ꞌ tátáꞌ‑a. Jee suni nánáꞌ kenta ña si̱kɨ̱ꞌ se̱ꞌya sɨ́ꞌɨ́ ña, jee se̱ꞌya sɨ́ꞌɨ́ nenta‑a si̱kɨ̱ꞌ nánáꞌ‑a. Jee náchi̱so kenta ña si̱kɨ̱ꞌ sia̱nú ña, jee sia̱nú nenta‑a si̱kɨ̱ꞌ náchi̱so‑o ―nkachiꞌ Jesús.

Lucas 21:15

Chi nuꞌuꞌ taji ni̱ꞌ tu̱ꞌun níchí ki̱vɨ antúníꞌ rán na̱ja kaꞌanꞌ rán naxiníkó rán nu̱u̱nꞌ ráa, sáva ni ɨɨn rá ñɨvɨ ya̱ kénta ráa si̱kɨ̱ꞌ ránó ni nsáꞌ kuneí ráa jín rán ni ntu̱náꞌ íyó nakachiꞌ ráa si̱kɨ̱ꞌ tu̱ꞌun kachiꞌ rán.

Lucas 21:17

Jee taꞌvi iniꞌ kua̱íyó rá ñɨvɨ kune̱ꞌyá ráa ránoꞌó jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ.

Hechos 12:2

Jee nta̱jí re̱ꞌ kaꞌniꞌ rá ñɨvɨ Jacobo, ñaniꞌ Juan, jín yuchiꞌ espada.

Hechos 7:59

Jee ni kúun ráa yu̱u̱ꞌ Esteban, jee ni̱ka̱nꞌ táꞌvíꞌ re̱ꞌ, jee nkachiꞌ re̱ꞌ: ―¡I̱toꞌoꞌ ni̱ꞌ Jesús! Nakeꞌen ta̱chi̱ꞌ káꞌánꞌ ni̱ꞌ.

Apoclipsis 12:11

Soo nku̱neí ráa nu̱u̱nꞌ Satanás vá jie̱ꞌe̱ꞌ ya̱ nñatɨ Cristo ni̱ñɨ̱ꞌ re̱ꞌ sáá ni̱ꞌi̱ꞌ re̱ꞌ nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ ráa, ya̱ kúvi re̱ꞌ Lanchi Lúlí Ndiosíꞌ, jee suni nku̱neí ráa jie̱ꞌe̱ꞌ tu̱ꞌun ya̱ njia̱ꞌa ráa ya̱ naáꞌ jie̱ꞌe̱ꞌ re̱ꞌ, jee nku̱neí ráa jie̱ꞌe̱ꞌ ntu ñúnúunꞌ ráa maáráa ya̱ kutekuꞌ ráa jee ñeꞌneꞌ iniꞌ ráa maáráa súka̱ꞌ ne̱ kuviꞌ ráa jie̱ꞌe̱ꞌ tu̱ꞌun re̱ꞌ.

Apoclipsis 2:13

[Jee jíníꞌ ni̱ꞌ ntáká tiñu váꞌa sáꞌá rán.] Jee jíníꞌ ni̱ꞌ ya̱ nééꞌ rán nu̱u̱nꞌ tátúníꞌ kui̱ꞌna̱ꞌ kúñáꞌnú naní Satanás. Soo súka̱ꞌ sukuán soo íñɨ́ ni̱ꞌin rán níkɨ́nꞌ na̱a̱ꞌ rán nuꞌuꞌ. Jee ni ntu nníkó iniꞌ rán ya̱ jínúꞌ iniꞌ rán nuꞌuꞌ, ni súnika̱ꞌ sáá nkuvi rá ki̱vɨ̱ꞌ nneeꞌ Antipas nteñu rán, ɨɨn te̱e ya̱ nsi̱kúnkuvi na̱a̱ꞌ re̱ꞌ nna̱kani na̱a̱ꞌ re̱ꞌ tu̱ꞌun ni̱ꞌ, jee ñaꞌniꞌ ráa maa nteñu rán yukuán ñuunꞌ nu̱u̱nꞌ nééꞌ Satanás.

Apoclipsis 6:9

Jee sáá nsine re̱ꞌ ya̱ úꞌúnꞌ seyúꞌ, jee niniꞌ ni̱ꞌ maa nu̱u̱nꞌ chíñúꞌún ráa Ndiosíꞌ nu̱u̱nꞌ naní altar, jee niniꞌ ni̱ꞌ ya̱ chi̱ji yukuán yɨ́ꞌɨ́ rá ánímaꞌ rá ñɨvɨ ya̱ ni̱ꞌi̱ꞌ ráa chi ñaꞌniꞌ ñɨvɨ ráa jie̱ꞌe̱ꞌ ni̱nu̱ꞌ iniꞌ ráa tu̱ꞌun váꞌa Ndiosíꞌ jín ya̱ nstúvi ráa ya̱ naáꞌ jie̱ꞌe̱ꞌ tu̱ꞌun vá.