Lucas 20:16 - Mixteco del suroeste de Tlaxiaco Oaxaca

¹⁶ Kiji re̱ꞌ jee xináánꞌ re̱ꞌ rá te̱e sátíñú vá. Jee ku̱ꞌvanúún re̱ꞌ ñuꞌun vá nu̱u̱nꞌ káá tataꞌ uva nu̱u̱nꞌ rá inka ka̱ꞌ rá ñɨvɨ ―nkachiꞌ Jesús. Jee sáá nteso̱ꞌo rá ñɨvɨ ya̱ nkachiꞌ Jesús sukuán, jee nkachiꞌ ráa: ―Vankée sukuán ―nkachiꞌ ráa.

Lucas 20:16 ပူးပေါင်းရင်းမြစ်များ

Mateo 21:34

’Jee sáá nkenta tiempúꞌ nastútú rá uva, jee nchu̱ichí re̱ꞌ rá musúꞌ re̱ꞌ nu̱u̱nꞌ rá te̱e sátíñú nu̱u̱nꞌ ñu̱ꞌún vá, sáva nakeꞌen re̱ꞌ tataꞌ sáꞌá sánikua̱ꞌ íyó ni̱ꞌi̱nꞌ re̱ꞌ.

Mateo 21:41

Jee nkachiꞌ ráa nu̱u̱nꞌ Jesús: ―Máá xéénꞌ xinóꞌo re̱ꞌ xináánꞌ re̱ꞌ rá te̱e kánéꞌén sátíñú vá, jee ku̱ꞌvanúún re̱ꞌ ñuꞌun vá nu̱u̱nꞌ káá tataꞌ uva vá nu̱u̱nꞌ rá inka ka̱ꞌ rá ñɨvɨ ya̱ naku̱ꞌva ráa uva nu̱u̱nꞌ re̱ꞌ sáni íyó ni̱ꞌi̱nꞌ re̱ꞌ, sáá kenta tiempúꞌ nastútú maa ―nkachiꞌ ráa.

Mateo 22:7

Saájee nki̱ti̱ꞌ víꞌí iniꞌ te̱e tátúníꞌ vá, jee nta̱jí re̱ꞌ rá soldado re̱ꞌ jee nxi̱náánꞌ ráa rá ñɨvɨ nsa̱ꞌá ni̱yɨ, jee nte̱ñuꞌunꞌ ráa ñuunꞌ rá ñɨvɨ vá.

Marcos 12:9

’Saájee, ¿ná kúvi ya̱ saꞌá te̱e xí ñuꞌun uva vá rúja? Kiji re̱ꞌ jee xináánꞌ re̱ꞌ rá te̱e sátíñú vá. Jee ku̱ꞌvanúún re̱ꞌ ñuꞌun vá nu̱u̱nꞌ káá tataꞌ uva vá nu̱u̱nꞌ rá inka ka̱ꞌ ñɨvɨ.

Lucas 19:27

Jee rá ñɨvɨ ya̱ jíto u̱ꞌvi̱ꞌ ráa nuꞌuꞌ, maáráa ya̱ ntu kuíni ráa kunisotíñú ni̱ꞌ tatúníꞌ ni̱ꞌ nu̱u̱nꞌ ráa, kuákeꞌen ránú ráa kiji ráa yaꞌá, jee kaꞌniꞌ rán ráa ichinúúnꞌ ni̱ꞌ yaꞌá”, nkachiꞌ re̱ꞌ ―nkachiꞌ Jesús.

Lucas 20:15

Saájee ntavaꞌ iyo ráa maa nu̱u̱nꞌ ñu̱ꞌún káá tataꞌ uva vá, jee ñaꞌniꞌ ráa maa. ’Saájee, ¿ná kúvi ya̱ saꞌá te̱e xín ñuꞌun vá rá te̱e kánéꞌén sátíñú vá rúja?

Hechos 13:46

Saájee nkaꞌanꞌ neí iniꞌ Pablo jín Bernabé jee nkachiꞌ ráa nu̱u̱nꞌ rá ñɨvɨ Israel: ―Xíꞌna nu̱u̱nꞌ ránoꞌó íyó kachiꞌ ráníꞌ Tu̱ꞌun Ndiosíꞌ. Soo nku̱ichi iniꞌ rán maa, jee sánáaꞌ rán ya̱ ntu íyó níꞌinꞌ rán ya̱ kutekuꞌ rán nɨ́ɨ́nkání jín Ndiosíꞌ. Teso̱ꞌo rán. Saáva kɨ̱ꞌɨ̱nꞌ ránꞌ stekútu̱ꞌún ránꞌ maa nu̱u̱nꞌ rá ñɨvɨ ntu kúvi Israel.

Romanos 11:1

Saáva káchíꞌ ni̱ꞌ: ¿Á nku̱ichi iniꞌ Ndiosíꞌ rá ñɨvɨ Israel ya̱ kúvi ráa ñɨvɨ re̱ꞌ? ¡Vankée sukuán! Chi suni nuꞌuꞌ kúvi ni̱ꞌ ɨɨn te̱e Israel, jee kúvi ni̱ꞌ se̱ꞌya ichiyúkúnꞌ váji ni̱ꞌ ne̱ nu̱u̱nꞌ Abraham, jee suni kúvi ni̱ꞌ tataꞌ Benjamín.

Romanos 11:11

Saáva káchíꞌ ni̱ꞌ: ¿Á ichi nkininkava rá ñɨvɨ Israel nu̱u̱nꞌ nkuni̱ꞌin ánímaꞌ ráa ya̱ ntu kúvi naneꞌen ráa maáráa ka̱ꞌ? ¡Ntu̱ví kuitɨꞌ chi kuvi naneꞌen Ndiosíꞌ ráa! Soo jie̱ꞌe̱ꞌ ya̱ njia̱ꞌa ráa nu̱u̱nꞌ tu̱ꞌun nkachiꞌ Ndiosíꞌ, saáva nkiji ya̱ kuvi sikáku re̱ꞌ rá ñɨvɨ ya̱ ntu kúvi ñɨvɨ Israel. Jee sukuán sáꞌá Ndiosíꞌ sáva saꞌá re̱ꞌ ya̱ kukuíñɨ́ iniꞌ rá ñɨvɨ ñuunꞌ Israel kune̱ꞌyá ráa ya̱ inka ñɨvɨ vá ya̱ níꞌinꞌ rává nanitáꞌvíꞌ rává.

Romanos 3:31

Saájee retú sííyo Ndiosíꞌ kua̱chi‑ó jie̱ꞌe̱ꞌ ya̱ kúneí iniꞌ‑ó Jesús, ¿á síjíta‑ó tu̱ꞌun káꞌánꞌ ley vá? ¡Ni ntu̱ví kuitɨꞌ! Chisaꞌ kúnáaꞌ iniꞌ‑ó ya̱ yɨ́yáꞌvi ley vá.

Romanos 3:4

¡Ntu̱né íyó sukuán! Chisaꞌ na̱a̱ꞌ kúvi Ndiosíꞌ súnika̱ꞌ nta̱ká ñɨvɨ kúvi ráa ñɨvɨ túꞌún, sáni káchíꞌ nu̱u̱nꞌ Tutuꞌ níso Tu̱ꞌun Ndiosíꞌ: Sáva kene na̱a̱ꞌ nú jín tu̱ꞌun káꞌánꞌ nú, jee kuneí nú sáá tée ñɨvɨ kua̱chi si̱kɨ̱ꞌ nú. Káchíꞌ David nu̱u̱nꞌ Ndiosíꞌ.

Romanos 3:6

¡Ntu̱né íyó sukuán! Chi retú ntu sáꞌá na̱a̱ꞌ Ndiosíꞌ, ¿na̱sa keꞌneꞌ re̱ꞌ kua̱chi rá ñɨvɨ ñɨ̱vɨ́, résa?

Romanos 6:15

Saájee, ¿ná kachiꞌ‑ó? ¿Á saꞌá‑ó ka̱ꞌ kua̱chi chi ntu ka̱ꞌ yɨ́ꞌɨ́‑ó xi̱ntíín tu̱ꞌun ley nta̱túníꞌ Ndiosíꞌ, chisaꞌ yɨ́ꞌɨ́‑ó xi̱ntíín tu̱ꞌun íyó mániꞌ iniꞌ Ndiosíꞌ néꞌyá re̱ꞌ yó, rúsa? ¡Ntu̱ví kuitɨꞌ!

Romanos 6:2

¡Vankée sukuán!, chi ya ni̱ꞌi̱ꞌ‑ó nu̱u̱nꞌ kua̱chi‑ó, ¿na̱sa kuvi kueꞌnu i̱i̱ꞌ‑órán ka̱ꞌ jín kua̱chi‑ó, rúsa?

Romanos 7:13

Saájee, ya̱ tu̱ꞌun váꞌa vá, ¿á nkenta nsa̱ꞌá‑a ya̱ kuviꞌ ni̱ꞌ? ¡Ntu kúvi kuitɨꞌ! Chisaꞌ máá kua̱chi ña̱tíñú‑u ley va̱ꞌa vá, sáva saꞌá‑a kuviꞌ ni̱ꞌ nu̱u̱nꞌ Ndiosíꞌ, sáva stúvi ya̱ kúvi‑i kua̱chi. Chi sukuán stúvi tu̱ꞌun tátúníꞌ Ndiosíꞌ ya̱ níváꞌa nasɨ́kuitɨꞌ kúvi kua̱chi.

Romanos 7:7

Saájee, ¿ná kúvi ya̱ kachiꞌ‑ó résa? ¿Á kúvi ley kua̱chi résa? ¡Ntu̱ví kuitɨꞌ! Soo ni nsáꞌ kukáꞌnú iniꞌ ni̱ꞌ ná kúvi kua̱chi retánꞌ nsú ley káchíꞌ maa. Chi suni ni nku̱níꞌ ni̱ꞌ ná kúvi ya̱ nééꞌ uꞌvi iniꞌ, retánꞌ ntu káchíꞌ ley: “Koto nééꞌ uꞌvi iniꞌ nú rá nantíñú inka ñɨvɨ.”

Romanos 9:14

¿Ná kúvi ya̱ kachiꞌ‑ó, résa? ¿Á kachiꞌ‑ó ya̱ ntu náaꞌ sáꞌá Ndiosíꞌ? ¡Ni ntu̱ví kuitɨꞌ!

1 Corintios 6:15

¿Á ntu̱ví jíníꞌ rán ya̱ maá Cristo xí nantíñú ví yɨkɨkúñu rán chi yɨ́ꞌɨ́ rán yɨkɨkúñu re̱ꞌ rúja? ¿Á kaneeꞌ ni̱ꞌ yɨkɨkúñu ni̱ꞌ ya̱ kúvi nantíñú Cristo jee nasikétáꞌán ni̱ꞌ maa jín yɨkɨkúñu ɨɨn ñaꞌan téní rúja? ¡Soo ni nkúvi kuitɨꞌ!

Gálatas 2:17

Soo nu̱u̱nꞌ nánukú‑ó ya̱ sííyo Ndiosíꞌ kua̱chi‑ó jie̱ꞌe̱ꞌ yɨ́ꞌɨ́‑ó nu̱u̱nꞌ Cristo, jee ré níní nákuniꞌ‑ó ya̱ suni kúvi‑ó ñɨvɨ kua̱chi nu̱u̱nꞌ Ndiosíꞌ, sáni xínéꞌénꞌ ley Moisés nu̱u̱nꞌ‑ó, ¿á sáꞌá Cristo ya̱ kívɨ‑ó nu̱u̱nꞌ kua̱chi? Ntu̱né kúvi suꞌva.

Gálatas 3:21

Saájee, ¿á kénta tu̱ꞌun ley vá si̱kɨ̱ꞌ ya̱ nchi̱sóyuꞌú Ndiosíꞌ rúja? ¡Ntu̱ví kuitɨꞌ!, chi retánꞌ ntaji Ndiosíꞌ néni ɨɨn ley ya̱ kúvi xitékúꞌ‑u yó nɨ́ɨ́nkání jín re̱ꞌ, nékúvi, ña̱re kúvi saꞌá ley vá ya̱ kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ ya̱ síkúnkuvi‑ó ya̱ káchíꞌ ley vá, nékúvi.

Gálatas 6:14

Soo maáníꞌ ntu̱náꞌ káꞌánꞌ téyɨ́ɨ́ ni̱ꞌ. Kua̱chi káꞌánꞌ téyɨ́ɨ́ ni̱ꞌ jie̱ꞌe̱ꞌ ya̱ níꞌiꞌ I̱toꞌoꞌ‑ó Jesucristo nu̱u̱nꞌ kurúsiꞌ jie̱ꞌe̱ꞌ‑ó. Chi jie̱ꞌe̱ꞌ yukuán jee kúvi kuéntáꞌ níꞌiꞌ rá ñujiínꞌ jiáꞌnu ñɨvɨ ñɨ̱vɨ́ nu̱u̱nꞌ kurúsiꞌ nu̱u̱nꞌ ni̱ꞌ. Chi suni kúvi kuéntáꞌ níꞌiꞌ ni̱ꞌ nu̱u̱nꞌ rá ñujiínꞌ vá, chi ntu yɨ́ꞌɨ́ ni̱ꞌ ka̱ꞌ chi̱ji naꞌá rává.