Lucas 2:38 - Mixteco del suroeste de Tlaxiaco Oaxaca

³⁸ Jee suni maá hora yukuán nkenta ña nu̱u̱nꞌ íñɨ́ ráa, jee jiáꞌa ña ya̱ kútaꞌviꞌ ña nu̱u̱nꞌ Ndiosíꞌ nákuetúꞌún ña re̱ꞌ jee nka̱jiéꞌé ña nkachiꞌ ña jie̱ꞌe̱ꞌ nchíkɨ́n vá nu̱u̱nꞌ ntáká rá ñɨvɨ rá nétu ya̱ kiji I̱toꞌoꞌ‑ó nakani núne re̱ꞌ rá ñɨvɨ ñuunꞌ Jerusalén nu̱u̱nꞌ tu̱nóꞌó nóꞌo ráa.

Lucas 2:38 ပူးပေါင်းရင်းမြစ်များ

Marcos 15:43

Jee nkenta José, te̱e ñuunꞌ Arimatea. Jee kúvi re̱ꞌ te̱e yɨ́ꞌɨ́ Justicia Ñáꞌnú, ya̱ íyó ñáꞌnú rá ñɨvɨ nu̱u̱nꞌ re̱ꞌ. Jee suni íyó tu̱neí iniꞌ re̱ꞌ máá ki̱vɨ̱ꞌ tatúníꞌ Ndiosíꞌ nu̱u̱nꞌ nɨꞌɨ ñɨ̱vɨ́. Jee nna̱sáneí re̱ꞌ iniꞌ re̱ꞌ, jee ña̱ꞌa̱nꞌ re̱ꞌ nu̱u̱nꞌ Pilato, jee ni̱ka̱nꞌ re̱ꞌ ñunéꞌyúꞌ Jesús.

Lucas 1:68

Na̱ ka̱ꞌ netuꞌ ka̱ꞌ kúvi I̱toꞌoꞌ‑ó ya̱ kúvi re̱ꞌ Ndiosíꞌ rá ñɨvɨ ñuunꞌ‑ó Israel, chi nkiaaꞌ re̱ꞌ nchi̱neí re̱ꞌ yó ya̱ kúvi‑ó ñɨvɨ re̱ꞌ, jee nna̱kani núne re̱ꞌ yó nu̱u̱nꞌ tu̱nóꞌó nóꞌo‑ó.

Lucas 2:25

Jee saájee ni̱yo ɨɨn te̱e naní Simeón, jee nééꞌ re̱ꞌ Jerusalén jee kúvi re̱ꞌ ɨɨn te̱e na̱a̱ꞌ ya̱ yɨ́tíñú re̱ꞌ nu̱u̱nꞌ Ndiosíꞌ, jee ñúꞌún iniꞌ re̱ꞌ nétu re̱ꞌ ya̱ kiji I̱toꞌoꞌ‑ó sikáku re̱ꞌ rá ñɨvɨ ñuunꞌ Israel nasaváꞌa re̱ꞌ iniꞌ ráa. Jee Ta̱chi̱ꞌ Ííꞌ Ndiosíꞌ íyó‑o jín Simeón.

Lucas 2:36

Jee suni yukuán íñɨ́ ɨɨn ñaꞌan naní Ana ya̱ kúvi ɨɨn ñaꞌan ya̱ nákani ña tu̱ꞌun kéne yuꞌú máá maá Ndiosíꞌ, jee kúvi ña se̱ꞌya Fanuel, jee kúvi ña tataꞌ Aser. Jee nyɨɨ ña nku̱ñáꞌnú víꞌí ña, jee ne̱ súchí núún ña nta̱na̱ꞌá ña, jee nneeꞌ ña jín yɨɨ́ ña u̱xa̱ꞌ kui̱ya̱ꞌ.

Lucas 23:51

Te̱e yaꞌá chi ntu nku̱nuún nna̱túꞌún re̱ꞌ jín ya̱ nkuna̱a̱ꞌ iniꞌ rá inka rá te̱e Justicia Ñáꞌnú ya̱ kaꞌniꞌ ráa Jesús jín ya̱ nsa̱ꞌá ráa maa. Maáréꞌ nétu kuvi iniꞌ re̱ꞌ ya̱ kiji ya̱ tatúníꞌ Ndiosíꞌ nu̱u̱nꞌ ñɨvɨ.

Lucas 24:21

Soo ni̱yo tu̱neí iniꞌ ránꞌ ya̱ suvire̱ꞌ vá nakani núne re̱ꞌ rá ñɨvɨ ñuunꞌ Israel nu̱u̱nꞌ xi̱ntíín Roma, nékúvi. Soo vitan jee jie̱ꞌe̱ꞌ nɨꞌɨ rá tiñu yaꞌá, jee ya̱ íyó u̱ni̱ꞌ ki̱vɨ̱ꞌ ya̱ nkuvi yaꞌá.

2 Corintios 9:15

¡Kútaꞌviꞌ‑ó nu̱u̱nꞌ Ndiosíꞌ!, chi ntaji re̱ꞌ nu̱u̱nꞌ‑ó ɨɨn ta̱ꞌvi̱ꞌ maá ñáꞌnú nasɨ́kuitɨꞌ ka̱ꞌ, ya̱ ntu níꞌínꞌ‑ó na̱ja kachiꞌ‑ó maa.

Efesios 1:3

Jee íyó nákuetúꞌún‑ó Ndiosíꞌ, ya̱ kúvi re̱ꞌ Ndiosíꞌ nu̱u̱nꞌ I̱toꞌoꞌ‑ó Jesús ya̱ kúvi Cristo jee Tátáꞌ Jesús kúvi re̱ꞌ. Nákuetúꞌún‑ó re̱ꞌ chi sáꞌá re̱ꞌ ya̱ netuꞌ kúvi‑ó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo, chi ntaji re̱ꞌ nu̱u̱nꞌ‑ó ntáká nu̱u̱nꞌ ya̱ váꞌa ya̱ váji ne̱ nu̱u̱nꞌ antivɨ́ ya̱ kino̱o va̱ꞌa iniꞌ ánímaꞌ‑ó.