Lucas 2:36 - Mixteco del suroeste de Tlaxiaco Oaxaca

³⁶ Jee suni yukuán íñɨ́ ɨɨn ñaꞌan naní Ana ya̱ kúvi ɨɨn ñaꞌan ya̱ nákani ña tu̱ꞌun kéne yuꞌú máá maá Ndiosíꞌ, jee kúvi ña se̱ꞌya Fanuel, jee kúvi ña tataꞌ Aser. Jee nyɨɨ ña nku̱ñáꞌnú víꞌí ña, jee ne̱ súchí núún ña nta̱na̱ꞌá ña, jee nneeꞌ ña jín yɨɨ́ ña u̱xa̱ꞌ kui̱ya̱ꞌ.

Lucas 2:36 ပူးပေါင်းရင်းမြစ်များ

Génesis 30:13

Saájee nkachiꞌ Lea: “¡Na̱ ka̱ꞌ kúsɨ́ɨꞌ iniꞌ ni̱ꞌ!, jee vitan rá jee kachiꞌ rá ñaꞌan ya̱ kúsɨ́ɨꞌ iniꞌ ni̱ꞌ.” Saáva nsi̱kúnání ña súví te̱e lúlí vá Aser.

Lucas 2:35

Jee nu̱u̱nꞌ noꞌó jee ntáká rává kuvi‑i kuéntáꞌ kua̱ꞌ ki̱vɨ ɨɨn yuchiꞌ espada ne̱ iniꞌ ánímaꞌ nú stúfíꞌ‑i. Jee sukuán jee va̱ji re̱ꞌ sáva stúvi nijinꞌ na̱ja vá jiáni iniꞌ antúníꞌ rá ñɨvɨ ya̱ ñuꞌun iniꞌ ánímaꞌ ráa ―nkachiꞌ Simeón.

Lucas 2:38

Jee suni maá hora yukuán nkenta ña nu̱u̱nꞌ íñɨ́ ráa, jee jiáꞌa ña ya̱ kútaꞌviꞌ ña nu̱u̱nꞌ Ndiosíꞌ nákuetúꞌún ña re̱ꞌ jee nka̱jiéꞌé ña nkachiꞌ ña jie̱ꞌe̱ꞌ nchíkɨ́n vá nu̱u̱nꞌ ntáká rá ñɨvɨ rá nétu ya̱ kiji I̱toꞌoꞌ‑ó nakani núne re̱ꞌ rá ñɨvɨ ñuunꞌ Jerusalén nu̱u̱nꞌ tu̱nóꞌó nóꞌo ráa.

Hechos 2:18

Jee rá ki̱vɨ̱ꞌ vá, chisó ni̱ꞌ Ta̱chi̱ꞌ Ííꞌ ni̱ꞌ nu̱u̱nꞌ rá te̱e jín rá ñaꞌan, ya̱ kúvi rá musúꞌ ni̱ꞌ rá kuatíñú ni̱ꞌ. Jee nakani ráa tu̱ꞌun kene yuꞌú ni̱ꞌ.

Hechos 21:9

Íyó ku̱mi̱ꞌ se̱ꞌya sɨ́ꞌɨ́ nu̱u̱nꞌ re̱ꞌ ya̱ ntiáꞌan tana̱ꞌá ráa jee káꞌánꞌ ráa Tu̱ꞌun Ndiosíꞌ ya̱ njia̱ꞌa‑a nu̱u̱nꞌ ráa.

1 Corintios 11:5

Soo ntáká ñaꞌan ya̱ retú ntu násɨ́ꞌ xi̱ni̱ꞌ ña sáá káꞌánꞌ ña jín Ndiosíꞌ, áxí sáá káchítu̱ꞌún ña tu̱ꞌun kéne yuꞌú Ndiosíꞌ, jee suni tu̱nkánuun jiáꞌa ña maáña ya̱ retú núne xi̱ni̱ꞌ ña. Chi ɨɨn ni kúvi‑i jín ya̱ kuéntáꞌ retánꞌ nse̱té ñɨɨ́n ña xi̱ni̱ꞌ ña.

1 Corintios 12:1

I̱ña̱jée ránoꞌó ñaniꞌ jín ku̱ꞌva, íyó jie̱ꞌe̱ꞌ ya̱ kuíni ni̱ꞌ ya̱ kukáꞌnú iniꞌ rán, jie̱ꞌe̱ꞌ rá ta̱ꞌvi̱ꞌ ya̱ táji Ta̱chi̱ꞌ Ííꞌ Ndiosíꞌ nu̱u̱nꞌ ta ɨɨn ɨɨn‑ó, sáva chineí re̱ꞌ yó saꞌá‑ó tiñu nu̱u̱nꞌ Ndiosíꞌ.

1 Timoteo 3:2

Ɨɨn te̱e níso tiñu vá, íyó kuvi re̱ꞌ ɨɨn te̱e, ya̱ ntu kúvi chikua̱chi ñɨvɨ re̱ꞌ, jín ya̱ kuvi re̱ꞌ yɨɨ́ métúꞌún ñaꞌan ni, jín ya̱ ñúꞌún ñáꞌnú iniꞌ re̱ꞌ, jín ya̱ ñúꞌún kájí iniꞌ re̱ꞌ, jín ya̱ jiáꞌnu ñáꞌnú re̱ꞌ nu̱u̱nꞌ rá ñɨvɨ, jín ya̱ íyó mániꞌ iniꞌ re̱ꞌ ya̱ ku̱ꞌva re̱ꞌ ntíꞌ veꞌi kino̱o ñɨvɨ jíka ichi. Jee kuvi xinéꞌénꞌ re̱ꞌ.

1 Timoteo 5:9

Tɨɨn rá súví rá ñaꞌan náꞌví, [sáva grupo rá ñɨvɨ kúneí iniꞌ ráa Cristo chineí ráa ráña], retú ntu núun ya̱ u̱ni̱xiko (60) kui̱ya̱ꞌ ña, jee retú nkuvi ña ñasɨ́ꞌɨ́ ɨɨn te̱e ni [ni sáá ntekuꞌ re̱ꞌ],

Apoclipsis 7:6

jín u̱xu̱ꞌ u̱vi̱ꞌ mil ñɨvɨ ya̱ kúvi tataꞌ nkene ráa nu̱u̱nꞌ Aser, jín u̱xu̱ꞌ u̱vi̱ꞌ mil ñɨvɨ ya̱ kúvi tataꞌ nkene ráa nu̱u̱nꞌ Neftalí, jín u̱xu̱ꞌ u̱vi̱ꞌ mil ñɨvɨ ya̱ kúvi tataꞌ nkene ráa nu̱u̱nꞌ Manasés,