Lucas 2:10 - Mixteco del suroeste de Tlaxiaco Oaxaca

¹⁰ Soo nkachiꞌ najiáꞌáꞌ ííꞌ vá nu̱u̱nꞌ ráa: ―Koto yúꞌví rán, chi kuniꞌ rán ya̱ va̱ji taji ni̱ꞌ tu̱ꞌun váꞌa nu̱u̱nꞌ rán, ya̱ saꞌá ya̱ kusɨ̱ɨ̱ꞌ víꞌí iniꞌ ránú jín ya̱ kuvi ya̱ váꞌa nu̱u̱nꞌ kua̱íyó rá ñɨvɨ.

Lucas 2:10 ပူးပေါင်းရင်းမြစ်များ

Génesis 12:3

Saꞌá ni̱ꞌ ya̱ netuꞌ kuvi rá ñɨvɨ ya̱ saꞌá ráa ya̱ netuꞌ kuvi noꞌó jín rá se̱ꞌya ichiyúkúnꞌ nú. Jee rá ñɨvɨ ya̱ chisónínu ráa saꞌá kini rá kune̱ꞌyá ráa ránoꞌó, jee chisónínu ni̱ꞌ ráa kunoꞌo ráa. Jee jie̱ꞌe̱ꞌ noꞌó ni̱ꞌi̱nꞌ ñɨvɨ nɨꞌɨ rá tataꞌ ichiyúkúnꞌ ñɨvɨ ñɨ̱vɨ́ ya̱ netuꞌ kuvi ráa”, nkachiꞌ I̱toꞌoꞌ‑ó.

Mateo 14:27

Soo kuísá ntañúꞌún nkaꞌanꞌ Jesús ráa, jee kachiꞌ re̱ꞌ: ―¡Koo tiɨ́kɨ́ iniꞌ rán, chi nuꞌuꞌ ví‑i, koto yúꞌví rán! ―nkachiꞌ Jesús.

Mateo 28:18

Saájee ña̱kuyatin Jesús nu̱u̱nꞌ ráa, jee nkachiꞌ re̱ꞌ nu̱u̱nꞌ ráa: ―Ntaji Tátáꞌ ni̱ꞌ Ndiosíꞌ ntáká tiñu ñáꞌnú kunisotíñú ni̱ꞌ antivɨ́ súkún jín iniꞌ ñɨ̱vɨ́ yaꞌá.

Mateo 28:5

Saájee nkachiꞌ najiáꞌáꞌ ííꞌ vá nu̱u̱nꞌ rá ñaꞌan vá: ―Koto yúꞌví rán, chi jíníꞌ ni̱ꞌ ya̱ nánukú rán Jesús, ya̱ níꞌiꞌ‑i nu̱u̱nꞌ kurúsiꞌ.

Marcos 1:15

jee nkachiꞌ re̱ꞌ: ―Ya nkenta ki̱vɨ̱ꞌ ñani Ndiosíꞌ, ya̱ va̱kuyatin ya̱ tátúníꞌ Ndiosíꞌ nu̱u̱nꞌ ñɨvɨ. Nakani iniꞌ rán jee i̱nu̱ꞌ iniꞌ rán tu̱ꞌun váꞌa Ndiosíꞌ, naní evangelio.

Marcos 16:15

Jee nkachiꞌ re̱ꞌ nu̱u̱nꞌ ráa: ―Kuáꞌán rán kua̱íyó ñɨ̱vɨ́, jee stekútu̱ꞌún rán tu̱ꞌun váꞌa jie̱ꞌe̱ꞌ nuꞌuꞌ nu̱u̱nꞌ rá ñɨvɨ kua̱íyó ñɨ̱vɨ́, ya̱ nsa̱ꞌá Ndiosíꞌ.

Lucas 1:13

Soo nkachiꞌ najiáꞌáꞌ ííꞌ vá nu̱u̱nꞌ re̱ꞌ: ―Koto yúꞌví nú, Zacarías, chi ntɨɨn kuéntáꞌ Ndiosíꞌ ya̱ jíkánꞌ táꞌvíꞌ nú, jee ñasɨ́ꞌɨ́ nú, Elisabet, koo ɨɨn se̱ꞌya yɨ́ɨ́ ña, jee sikúnání nú maa Juan.

Lucas 1:19

Jee nna̱xiníkó najiáꞌáꞌ ííꞌ vá nu̱u̱nꞌ re̱ꞌ: ―Nuꞌuꞌ kúvi ni̱ꞌ Gabriel, ya̱ íñɨ́ ni̱ꞌ yɨ́tíñú ni̱ꞌ nu̱u̱nꞌ Ndiosíꞌ, jee nchu̱ichí re̱ꞌ nuꞌuꞌ va̱ji ni̱ꞌ kaꞌanꞌ ni̱ꞌ jín nú, sáva taji ni̱ꞌ tu̱ꞌun váꞌa yaꞌá nu̱u̱nꞌ nú.

Lucas 1:30

Saájee nkachiꞌ najiáꞌáꞌ ííꞌ vá nu̱u̱nꞌ ña: ―María, koto yúꞌví nú, chi nni̱ꞌi̱nꞌ nú ya̱ váꞌa íyó mániꞌ iniꞌ Ndiosíꞌ néꞌyá re̱ꞌ noꞌó.

Lucas 2:11

Chi vitan jee nkaku ɨɨn te̱e ya̱ natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó ya̱ kúvi re̱ꞌ Cristo ya̱ kúvi re̱ꞌ I̱toꞌoꞌ‑ó, jee nkaku re̱ꞌ nu̱u̱nꞌ ñuunꞌ Belén ya̱ kúvi ñuunꞌ nkaku David.

Lucas 24:47

Jee te̱ku̱tu̱ꞌún tu̱ꞌun ni̱ꞌ ya̱ nu̱u̱nꞌ nuꞌuꞌ váji ya̱ nakani iniꞌ ñɨvɨ jie̱ꞌe̱ꞌ kua̱chi ráa sáva kunekáꞌnú iniꞌ Ndiosíꞌ ráa jie̱ꞌe̱ꞌ kua̱chi ráa. Te̱ku̱tu̱ꞌún tu̱ꞌun ni̱ꞌ nu̱u̱nꞌ rá ñɨvɨ ntáká rá ñuunꞌ kua̱íyó ñɨ̱vɨ́ jee kajiéꞌé‑e ne̱ ñuunꞌ Jerusalén.

Lucas 8:1

Jee sáá njia̱ꞌa rá yukuán, jee jíkanuun Jesús nu̱u̱nꞌ ntáká rá ñuunꞌ káꞌnú jín rá ñuunꞌ kuáchí, káchítu̱ꞌún re̱ꞌ stékútu̱ꞌún re̱ꞌ tu̱ꞌun váꞌa Ndiosíꞌ jie̱ꞌe̱ꞌ na̱ja ki̱vɨ ñɨvɨ xi̱ntíín Ndiosíꞌ sáva tátúníꞌ re̱ꞌ nu̱u̱nꞌ ráa. Jee ni uxúꞌ u̱vi̱ꞌ (12) rá te̱e súkuáꞌa re̱ꞌ ráa kútáꞌán ráa jín re̱ꞌ.

Hechos 13:32

’Jee ránuꞌuꞌ stékútu̱ꞌún ráníꞌ nu̱u̱nꞌ ránoꞌó tu̱ꞌun váꞌa, ya̱ nchi̱sóyuꞌú Ndiosíꞌ nu̱u̱nꞌ rá jííꞌ‑ó yanaꞌán.

Romanos 10:15

Jee, ¿na̱sa kuvi kachitu̱ꞌún ráa jie̱ꞌe̱ꞌ re̱ꞌ, retánꞌ ntu íyó ñɨvɨ ya̱ chuichí rává ráa kɨ̱ꞌɨ̱nꞌ ráa kachitu̱ꞌún ráa jie̱ꞌe̱ꞌ re̱ꞌ résa? Sukuán káchíꞌ tu̱ꞌun níso nu̱u̱nꞌ Tutuꞌ Ííꞌ: “¡Na̱ ka̱ꞌ viiꞌ ka̱ꞌ kúvi ya̱ jíka ñɨvɨ káchítu̱ꞌún ráa tu̱ꞌun váꞌa Ndiosíꞌ!”

Efesios 3:8

Sú núun ka̱ꞌ kúñáꞌnú ni̱ꞌ nu̱u̱nꞌ nɨꞌɨ rá ñɨvɨ núun ka̱ꞌ kúñáꞌnú ráa ya̱ nsa̱ꞌá sɨ́ɨ́n Ndiosíꞌ ráa sáva kuvi ráa ñɨvɨ re̱ꞌ. Soo nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ ya̱ kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ ya̱ ntu kúvi ñɨvɨ Israel. Tu̱ꞌun vá ví ya̱ ntántúníꞌ yɨ́yáꞌvi nasɨ́kuitɨꞌ ka̱ꞌ ví Cristo jín rá táji re̱ꞌ nu̱u̱nꞌ‑ó. Jee ni nsáꞌ kenta ki̱ku̱ꞌun iniꞌ‑ó nɨꞌɨ tu̱ꞌun vá.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.