Lucas 19:9 - Mixteco del suroeste de Tlaxiaco Oaxaca

⁹ Jee nkachiꞌ Jesús nu̱u̱nꞌ re̱ꞌ: ―Vitan nkenta natavaꞌ Ndiosíꞌ ɨɨn ñɨvɨ veꞌi yaꞌá nu̱u̱nꞌ kua̱chi‑i nsi̱káku re̱ꞌ maa, chi kúvi nijia‑a se̱ꞌya tataꞌ ichiyúkúnꞌ nkene nu̱u̱nꞌ Abraham.

Lucas 19:9 ပူးပေါင်းရင်းမြစ်များ

Lucas 13:16

Soo ñaꞌan yaꞌá, ya̱ kúvi ña se̱ꞌya tataꞌ ichiyúkúnꞌ‑ó Abraham, ya̱ núꞌníꞌ ña nu̱u̱nꞌ kue̱ꞌi̱ꞌ xa̱ꞌu̱nꞌ u̱ni̱ꞌ (18) kui̱ya̱ꞌ nsa̱ꞌá Satanás, jee, ¿á ntu íyó nakui̱ñɨ̱ꞌ núne ña ki̱vɨ̱ꞌ nájiáví ya̱ núꞌníꞌ ña nu̱u̱nꞌ kue̱ꞌi̱ꞌ yaꞌá rúja? ―nkachiꞌ Jesús.

Lucas 13:30

Jee rá ñɨvɨ ya̱ vitan kúvi ráa ne̱ nu̱u̱nꞌ nɨ́ꞌɨ ka̱ꞌ, jee suviráa vá xíꞌna ka̱ꞌ kuñáꞌnú ka̱ꞌ, jee rá ñɨvɨ ya̱ kúvi ráa ya̱ kúñáꞌnú ka̱ꞌ vitan, jee suviráa vá kuvi ne̱ nu̱u̱nꞌ nɨ́ꞌɨ ―nkachiꞌ Jesús.

Lucas 16:24

Saájee nka̱najíín re̱ꞌ, jee nkachiꞌ re̱ꞌ: “Tátáꞌ Abraham, kunáꞌví iniꞌ nú nuꞌuꞌ, jee chuichí nú Lázaro sáva chu̱náji re̱ꞌ xi̱ni̱ꞌ xi̱ntíín re̱ꞌ nu̱u̱nꞌ nute, jee xiníkó re̱ꞌ yáá ni̱ꞌ, chi nóꞌo nasɨ́kuitɨꞌ ni̱ꞌ nu̱u̱nꞌ ñuꞌúnꞌ xéénꞌ yaꞌá”, nkachiꞌ re̱ꞌ.

Lucas 16:30

’Soo nkachiꞌ te̱e kúká vá: “¡Ntu̱ví!, tátáꞌ Abraham. Soo réáꞌ kene ɨɨn ni̱yɨ nteñu rá ni̱yɨ kɨ̱ꞌɨ̱nꞌ‑ɨ nu̱u̱nꞌ ráa, saájee nakani iniꞌ ráa sáá jiáꞌnu ráa”, nkachiꞌ‑i.

Lucas 2:30

Chi nne̱ꞌyá jínúunꞌ ni̱ꞌ maáréꞌ ya̱ nchu̱ichí nú ya̱ sikáku re̱ꞌ rá ñɨvɨ nú jie̱ꞌe̱ꞌ kua̱chi ránuꞌuꞌ,

Lucas 3:8

Jee saáva íyó saꞌá rán tiñu na̱a̱ꞌ váꞌa, ya̱ stúvi nijia rán ya̱ nna̱kani nijia iniꞌ rán nxi̱nóo rán tiñu niváꞌa. Jee suꞌva kuvi rán kuéntáꞌ yutun kúun ya̱ vixíꞌ váꞌa. Jee saáva koto káchíꞌ rán iniꞌ maárán: “[Ka̱ku ráníꞌ] chi jííꞌ yanaꞌán ránꞌ ví Abraham.” Chi káchíꞌ ni̱ꞌ nu̱u̱nꞌ rán ya̱ Ndiosíꞌ kuvi saꞌá re̱ꞌ ya̱ nuvi ne̱ rá yu̱u̱ꞌ yaꞌá sáva kuvi ráa tataꞌ se̱ꞌya Abraham, ya̱ kaníjiá ráa re̱ꞌ.

Romanos 4:16

Saáva ni̱ꞌi̱nꞌ ñɨvɨ ta̱ꞌvi̱ꞌ ya̱ nchi̱sóyuꞌú Ndiosíꞌ jie̱ꞌe̱ꞌ ya̱ kúneí iniꞌ ráa re̱ꞌ, sáva kúvi ta̱ꞌvi̱ꞌ vá ya̱ síkútaꞌviꞌ re̱ꞌ nu̱u̱nꞌ‑ó sú ntu íyó ni̱ꞌi̱nꞌ‑ó maa. Síkútaꞌviꞌ re̱ꞌ maa sáva kino̱o kutú ya̱ nchi̱sóyuꞌú re̱ꞌ nu̱u̱nꞌ nta̱ká rá ñɨvɨ ya̱ kúvi ichiyúkúnꞌ Abraham. Soo síkútaꞌviꞌ re̱ꞌ maa nsú kua̱chi kuitɨꞌ nu̱u̱nꞌ rá ñɨvɨ Israel ya̱ yɨ́ꞌɨ́ ráa nu̱u̱nꞌ ley, chisaꞌ suni nu̱u̱nꞌ nta̱ká rá ñɨvɨ ya̱ kúneí iniꞌ ráa Ndiosíꞌ kuéntáꞌ kua̱ꞌ Abraham. Sukuán suvire̱ꞌ kúvi tátáꞌ ntáká‑órán ichinúúnꞌ Ndiosíꞌ.

Gálatas 3:14

Saáva nchu̱náán nkáꞌnú Cristo Jesús suꞌva, sáva saꞌá Ndiosíꞌ ya̱ netuꞌ kuvi ñɨvɨ nta̱ká nación ya̱ yɨ́ꞌɨ́ nu̱u̱nꞌ Cristo Jesús, ya̱ nchi̱sóyuꞌú Ndiosíꞌ nu̱u̱nꞌ Abraham ya̱ saꞌá re̱ꞌ ya̱ netuꞌ kuvi ráa. Jee sáva ni̱ꞌi̱nꞌ‑ó Ta̱chi̱ꞌ Ííꞌ ya̱ nchi̱sóyuꞌú re̱ꞌ ya̱ taji re̱ꞌ nu̱u̱nꞌ‑ó jie̱ꞌe̱ꞌ kúneí iniꞌ‑ó re̱ꞌ.

Gálatas 3:29

Chi retú yɨ́ꞌɨ́ rán nu̱u̱nꞌ Cristo, ña̱re se̱ꞌya ichiyúkúnꞌ Abraham kúvi rán. Jee ni̱ꞌi̱nꞌ rán ta̱ꞌvi̱ꞌ táji Ndiosíꞌ sáni nchi̱sóyuꞌú re̱ꞌ.

Gálatas 3:7

Suꞌva íyó kuniꞌ rán ya̱ rá ñɨvɨ kúneí iniꞌ ráa Jesús, suviráa kúvi rá se̱ꞌya Abraham ichinúúnꞌ Ndiosíꞌ.

1 Pedro 2:10

Chi nékúvi jee ránoꞌó ni ntu kúvi rán ñɨvɨ re̱ꞌ, soo vitan jee kúvi rán ñɨvɨ re̱ꞌ, chi nékúvi jee ránoꞌó ni ntu nníꞌínꞌ rán kúnáꞌví iniꞌ re̱ꞌ ránoꞌó, soo vitan jee nni̱ꞌi̱nꞌ rán kúnáꞌví iniꞌ re̱ꞌ ránoꞌó.