Lucas 19:17 - Mixteco del suroeste de Tlaxiaco Oaxaca

¹⁷ Jee nkachiꞌ re̱ꞌ nu̱u̱nꞌ‑u: “Íyó váꞌa, máá musúꞌ va̱ꞌa kúvi nú. Chi síkúnkuvi na̱a̱ꞌ nú sú ɨɨn tiñu lúlí, saáva taji ni̱ꞌ tiñu kunisotíñú nú tatúníꞌ nú nu̱u̱nꞌ u̱ji̱ꞌ rá ñuunꞌ”, nkachiꞌ re̱ꞌ.

Lucas 19:17 ပူးပေါင်းရင်းမြစ်များ

Génesis 39:4

Jee nku̱neí José ni̱ꞌi̱nꞌ re̱ꞌ ya̱ ma̱ni̱ꞌ iniꞌ i̱toꞌoꞌ re̱ꞌ, Potifar, nne̱ꞌyá‑a re̱ꞌ, jee nsa̱tíñú re̱ꞌ nu̱u̱nꞌ i̱toꞌoꞌ re̱ꞌ jee ñani i̱toꞌoꞌ re̱ꞌ maáréꞌ ya̱ kuneen kuéntáꞌ re̱ꞌ veꞌi i̱toꞌoꞌ re̱ꞌ, jee nxi̱nóo i̱toꞌoꞌ re̱ꞌ nɨꞌɨ ya̱ kúmí‑i xi̱ntíín re̱ꞌ.

Mateo 25:21

Jee nkachiꞌ i̱toꞌoꞌ re̱ꞌ nu̱u̱nꞌ re̱ꞌ: “Va̱ꞌa nsa̱ꞌá nú, chi musúꞌ va̱ꞌa síkínkuvi na̱a̱ꞌ kúvi nú. Chi síkúnkuvi na̱a̱ꞌ nú jín yakuꞌ tiñu lúlí, saájee kani ni̱ꞌ noꞌó nu̱u̱nꞌ kue̱ꞌe̱ꞌ tiñu ñáꞌnú ka̱ꞌ. Ki̱vɨ nu̱u̱nꞌ nasaꞌá sɨ́ɨꞌ ni̱ꞌ iniꞌ nú jín nuꞌuꞌ, ya̱ kúvi I̱toꞌoꞌ nú”, nkachiꞌ i̱toꞌoꞌ musúꞌ vá.

Lucas 16:10

’Ɨɨn ñɨvɨ ya̱ na̱a̱ꞌ síkúnkuvi‑i ɨɨn tiñu lúlí jee suni na̱a̱ꞌ síkúnkuvi‑i kue̱ꞌe̱ꞌ tiñu. Jee ɨɨn ñɨvɨ ya̱ ntu náaꞌ‑a jín yakuꞌ tiñu jee suni ni nsáꞌ na̱a̱ꞌ‑a jín kue̱ꞌe̱ꞌ tiñu.

Lucas 19:16

Jee musúꞌ nkenta xíꞌnañúꞌún nu̱u̱nꞌ re̱ꞌ nkachiꞌ‑i: “I̱toꞌoꞌ ni̱ꞌ, ɨɨn xu̱ꞌún ntaji nú nu̱u̱nꞌ ni̱ꞌ ñaꞌnu si̱kɨ̱ꞌ‑ɨ jee nnenta u̱ji̱ꞌ‑i”, nkachiꞌ‑i.

Lucas 19:18

’Jee nkenta tuku ya̱ uvíꞌ musúꞌ, jee nkachiꞌ‑i: “I̱toꞌoꞌ ni̱ꞌ, ɨɨn xu̱ꞌún ntaji nú nu̱u̱nꞌ ni̱ꞌ ñaꞌnu si̱kɨ̱ꞌ‑ɨ jee nnenta u̱ꞌu̱nꞌ‑u”, nkachiꞌ‑i.

Lucas 22:30

sáva kajiꞌ rán koꞌo rán jín nuꞌuꞌ kuneeꞌ rán yuꞌú mesa ni̱ꞌ nu̱u̱nꞌ tátúníꞌ ni̱ꞌ nu̱u̱nꞌ nɨꞌɨ. Jee suni yukuán kuneeꞌ rán rá teyuꞌ ñáꞌnú sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Romanos 2:29

Chisaꞌ ñɨvɨ Israel nijia jee ne̱ ánímaꞌ‑a kúvi‑i vá. Jee tiñu sáꞌá Ta̱chi̱ꞌ Ííꞌ Ndiosíꞌ iniꞌ ánímaꞌ ñɨvɨ ví circuncisión nijia ya̱ kúvi seña ya̱ stúvi ya̱ kúvi‑i ñɨvɨ Ndiosíꞌ jee nsú jie̱ꞌe̱ꞌ nánukú ráa sikúnkuvi ráa ley ya̱ níso nu̱u̱nꞌ Tutuꞌ Ííꞌ. Jee ñɨvɨ sukuán, nsú rá ñɨvɨ nákuetúꞌún maa, chisaꞌ ne̱ nu̱u̱nꞌ Ndiosíꞌ va̱ji ya̱ nákuetúꞌún re̱ꞌ maa.

1 Corintios 4:5

Saáva, koto sáꞌá náaꞌ rán si̱kɨ̱ꞌ táꞌán rán nekuaꞌ niji maá I̱toꞌoꞌ‑ó. Maáréꞌ nastúvi nijinꞌ re̱ꞌ rá tiñu nsa̱ꞌá yuꞌuꞌ‑ó nu̱u̱nꞌ neenꞌ, jee nastúvi re̱ꞌ ya̱ ñúꞌún iniꞌ ánímaꞌ‑ó. Saájee nakuetúꞌún Ndiosíꞌ ta ɨɨn ɨɨn ñɨvɨ sánikua̱ꞌ íyó ni̱ꞌi̱nꞌ maa.

2 Timoteo 2:10

Saáva jiéꞌnéꞌ iniꞌ ni̱ꞌ nɨꞌɨ tu̱nóꞌó yaꞌá jie̱ꞌe̱ꞌ rá ñɨvɨ nkáji Ndiosíꞌ, sáva ni̱ꞌi̱nꞌ ráa ya̱ nanitáꞌvíꞌ ráa jie̱ꞌe̱ꞌ yɨ́ꞌɨ́ ráa nu̱u̱nꞌ Cristo Jesús, jee viiꞌ nasɨ́kuitɨꞌ kuneeꞌ ráa nɨ́ɨ́nkání jín re̱ꞌ.

1 Pedro 1:7

Sáva kototúníꞌ tu̱nóꞌó ránoꞌó sáva stúvi maá nááꞌ nijia íñɨ́ ni̱ꞌi̱nꞌ rán kúneí iniꞌ rán Cristo, kuéntáꞌ kua̱ꞌ jítotúníꞌ ñɨvɨ ka̱a kuáán oro sáá náteñuꞌunꞌ ráa maa jín ñuꞌunꞌ, sáá jítotúníꞌ ráa oro retú ya̱ váꞌa ví‑i áxí ntu̱ví, soo ya̱ kúneí iniꞌ rán Cristo yɨ́yáꞌvi víꞌí‑i ka̱ꞌ nsú káꞌ oro, ya̱ kúvi‑i nantíñú náánꞌ. Jee retú nkene na̱a̱ꞌ va̱ꞌa ya̱ kúneí iniꞌ rán, jee ni̱ꞌi̱nꞌ rán nakuetúꞌún Ndiosíꞌ ránoꞌó, jee saꞌá yɨ́ñúꞌún jín rán, jee saꞌá ñáꞌnú re̱ꞌ ránoꞌó, ki̱vɨ̱ꞌ nenta nijinꞌ tuku Cristo.

1 Pedro 5:4

Saájee sáá nenta nijinꞌ maáréꞌ ya̱ néen kuéntáꞌ re̱ꞌ yó ya̱ kúñáꞌnú re̱ꞌ nu̱u̱nꞌ nɨꞌɨ rá te̱e néen kuéntáꞌ ráa rá ñɨvɨ Ndiosíꞌ, jee ni̱ꞌi̱nꞌ rán ta̱ꞌvi̱ꞌ taji re̱ꞌ nu̱u̱nꞌ rán ya̱ viiꞌ nasɨ́kuitɨꞌ kúñáꞌnú rán ya̱ ntu náánꞌ‑a.