Lucas 18:23 - Mixteco del suroeste de Tlaxiaco Oaxaca

²³ Jee sáá nteso̱ꞌo te̱e vá jie̱ꞌe̱ꞌ rá yaꞌá ya̱ nkachiꞌ Jesús, jee nnu̱kuéká víꞌí iniꞌ‑i, chi kúká víꞌí‑i.

Lucas 18:23 ပူးပေါင်းရင်းမြစ်များ

Mateo 19:22

Soo sáá nteso̱ꞌo te̱e súchí vá rá tu̱ꞌun yaꞌá, jee kua̱ꞌa̱nꞌ re̱ꞌ nnu̱kuéká iniꞌ re̱ꞌ, chi jie̱ꞌe̱ꞌ kue̱ꞌe̱ꞌ víꞌí nantíñú re̱ꞌ íyó.

Marcos 10:22

Soo nnu̱kuíꞌyáꞌ iniꞌ te̱e vá, ya̱ nkachiꞌ Jesús tu̱ꞌun yukuán. Nnu̱kuéká iniꞌ re̱ꞌ jee kua̱ꞌa̱nꞌ re̱ꞌ, chi jie̱ꞌe̱ꞌ kue̱ꞌe̱ꞌ víꞌí nantíñú re̱ꞌ íyó.

Lucas 12:15

Jee suni nkachiꞌ re̱ꞌ nu̱u̱nꞌ rá ñɨvɨ: ―Nito koo rán jee kumí noo rán maárán ya̱ koto nééꞌ u̱ꞌvi̱ꞌ iniꞌ rán, chi rá nantíñú kue̱ꞌe̱ꞌ kúmí ɨɨn ñɨvɨ ntu sáꞌá‑a ya̱ kutekuꞌ ñɨvɨ vá ―nkachiꞌ Jesús.

Lucas 18:22

Jee sáá nteso̱ꞌo Jesús ya̱ nkachiꞌ‑i, jee nkachiꞌ re̱ꞌ nu̱u̱nꞌ‑u: ―Kúmániꞌ ɨɨn ka̱ꞌ tiñu íyó saꞌá nú. Xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá ñɨvɨ láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ ―nkachiꞌ Jesús.

Lucas 18:24

Jee sáá niniꞌ Jesús ya̱ nnu̱kuéká víꞌí iniꞌ‑i jee nkachiꞌ re̱ꞌ: ―¡Na̱ ka̱ꞌ víjí víꞌí ka̱ꞌ vá ki̱vɨ rá ñɨvɨ kúká xi̱ntíín Ndiosíꞌ nu̱u̱nꞌ tatúníꞌ re̱ꞌ nu̱u̱nꞌ‑u!

Lucas 19:8

Saájee nnakui̱ñɨ̱ꞌ nichiꞌ Zaqueo, jee nkachiꞌ‑i nu̱u̱nꞌ I̱toꞌoꞌ‑ó: ―Kune̱ꞌyá nú I̱toꞌoꞌ ni̱ꞌ, chi ku̱ꞌva ni̱ꞌ sava rá nantíñú kúmí ni̱ꞌ nu̱u̱nꞌ rá ñɨvɨ láꞌví, jee retú si̱kɨ̱ꞌ ka̱ꞌ nsi̱káa ni̱ꞌ nka̱neeꞌ ni̱ꞌ xu̱ꞌún néni ɨɨn rá ñɨvɨ, jee ku̱mi̱ꞌ íchí ka̱ꞌ naku̱ꞌva ni̱ꞌ maa nu̱u̱nꞌ ráa ―nkachiꞌ‑i.

Lucas 21:34

’Saáva kumí rán maárán ya̱ koto túví rán maárán nu̱u̱nꞌ ñujiínꞌ ya̱ stívɨ́ rán maárán, jín nu̱u̱nꞌ ya̱ ku̱ka̱ꞌva rán nu̱u̱nꞌ nixiꞌ, jín nu̱u̱nꞌ ya̱ nívini naniꞌvɨꞌ iniꞌ rán na̱ni jie̱ꞌe̱ꞌ ya̱ íyó ni tékúꞌ rán iniꞌ ñɨ̱vɨ́ yaꞌá, sáva ntu kininkava sa̱naanꞌ kuitɨꞌ ki̱vɨ̱ꞌ vá ya̱ta̱ꞌ rán,

Lucas 8:14

Jee rá nikɨn ya̱ ñéteꞌ nteñu rá yu̱ku̱ꞌ iñu kúvi ráa rá ñɨvɨ ya̱ tésóꞌo ráa Tu̱ꞌun Ndiosíꞌ, soo nániꞌvɨꞌ iniꞌ ráa jie̱ꞌe̱ꞌ kue̱ꞌe̱ꞌ tiñu, jee kuíni ráa kukúká ráa, jee yɨ́tíñú ráa nu̱u̱nꞌ ya̱ sɨ́ɨ́ꞌ iniꞌ íyó iniꞌ ñɨ̱vɨ́ yaꞌá ni tékúꞌ ráa, jee sátéꞌéꞌ‑e ráa jee ntu jiáꞌnu ráa ntu jíjia iniꞌ ráa nu̱u̱nꞌ Tu̱ꞌun Ndiosíꞌ, kuéntáꞌ ntu kénta ku̱ꞌva nikɨn tataꞌ.

Efesios 5:5

Chi ya̱ jíníꞌ rán ya̱ ɨɨn ñɨvɨ sáꞌá téní‑i, áxí sáꞌá‑a tiñu ya̱ ntu̱ví íyó ninuꞌun, áxí sáꞌá uꞌvi iniꞌ‑i (jee ñɨvɨ vá nuún kúvi‑i jín ɨɨn ñɨvɨ ya̱ néñu̱ꞌun‑u ɨɨn nantíñú ya̱ ntu kúvi Ndiosíꞌ), jee ya jíníꞌ rán ya̱ ni ɨɨn ráa ni nsáꞌ ni̱ꞌi̱nꞌ‑i ya̱ ki̱vɨ‑ɨ naꞌá Cristo jín Ndiosíꞌ nu̱u̱nꞌ tátúníꞌ ráa.

Filipenses 3:8

Jee víꞌí ka̱ꞌ nsú káꞌ yaꞌá, tɨ́ɨn ni̱ꞌ kuéntáꞌ, ya̱ nɨꞌɨ nantíñú ntu̱náꞌ yɨ́yáꞌvi nu̱u̱nꞌ ni̱ꞌ, chi yɨ́yáꞌvi ka̱ꞌ nu̱u̱nꞌ nɨꞌɨ ví ya̱ íyó mániꞌ Cristo Jesús jín ni̱ꞌ ya̱ kúvi re̱ꞌ I̱toꞌoꞌ ni̱ꞌ. Jie̱ꞌe̱ꞌ re̱ꞌ nsu̱kuíta ni̱ꞌ nɨꞌɨ rá tiñu vá, jee tɨ́ɨn kuéntáꞌ ni̱ꞌ, ya̱ nɨꞌɨ vá kúvi ya̱ká ni, sáva ni̱ꞌi̱nꞌ ni̱ꞌ ya̱ yɨ́yáꞌvi ka̱ꞌ ya̱ koo Cristo jín ni̱ꞌ.

Colosenses 3:5

Saáva xinóo rán ya̱ níyo iniꞌ rá ñɨvɨ ñɨ̱vɨ́ yaꞌá sáꞌá ráa, ya̱ ntu yɨ́ꞌɨ́ ráa xi̱ntíín Ndiosíꞌ, kuéntáꞌ ñaꞌniꞌ rán ya̱ níyo néꞌén iniꞌ rán, ya̱ íyó suꞌva: koto kúsíkɨ́ iniꞌ rán, koto sáꞌá néꞌí rán, koto ñúꞌún téní iniꞌ rán, koto níyo néꞌén iniꞌ rán, koto sáꞌá úꞌvi iniꞌ rán, ya̱ nuún kúvi‑i jín ya̱ néñu̱ꞌun rán nantíñú ya̱ nsú Ndiosíꞌ ví‑i.

1 Juan 2:15

Jee koto ñúnúunꞌ rán rá tiñu níyo iniꞌ ñɨvɨ ñɨ̱vɨ́ yaꞌá, ya̱ ntu yɨ́ꞌɨ́ ráa nu̱u̱nꞌ Ndiosíꞌ, ni rá nantíñú íyó iniꞌ ñɨ̱vɨ́. Jee retú néni ɨɨn ñɨvɨ ñúnúunꞌ ichi jíka rá ñɨvɨ ñɨ̱vɨ́ yaꞌá, jee ntu̱ví ñúnúunꞌ ñɨvɨ vá Tátáꞌ‑ó Ndiosíꞌ.