Lucas 18:22 - Mixteco del suroeste de Tlaxiaco Oaxaca

²² Jee sáá nteso̱ꞌo Jesús ya̱ nkachiꞌ‑i, jee nkachiꞌ re̱ꞌ nu̱u̱nꞌ‑u: ―Kúmániꞌ ɨɨn ka̱ꞌ tiñu íyó saꞌá nú. Xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá ñɨvɨ láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ ―nkachiꞌ Jesús.

Lucas 18:22 ပူးပေါင်းရင်းမြစ်များ

Mateo 19:21

Jee nkachiꞌ Jesús nu̱u̱nꞌ‑u: ―Retú kuíni nú kuvi nú ɨɨn te̱e na̱a̱ꞌ ya̱ síkúnkuvi nɨꞌɨ, kuáꞌán, jee xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá ñɨvɨ láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ ―nkachiꞌ Jesús.

Lucas 10:42

Soo íyó métúꞌún ɨɨn jie̱ꞌe̱ꞌ jíniñúꞌún ñɨvɨ, chi María jee nka̱ji ña máá tiñu váꞌa ka̱ꞌ máá ñáꞌnú ka̱ꞌ, jee ntu̱náꞌ yó kaneeꞌ maa nu̱u̱nꞌ ña ―nkachiꞌ Jesús.

Lucas 12:33

Xi̱kó rán nantíñú rán, jee ku̱ꞌva rán xu̱ꞌún nu̱u̱nꞌ rá ñɨvɨ láꞌví. Jee sukuán chuva̱ꞌa rán ta̱ꞌvi̱ꞌ yɨ́yáꞌvi maárán ya̱ ntu nɨ́ꞌɨ‑ɨ iniꞌ antivɨ́ súkún, jee suꞌva kuéntáꞌ yukuán saꞌá rán ñɨɨn xu̱ꞌún maárán ya̱ ntu kutúꞌú‑u. Jee yukuán ntu kénta rá kui̱ꞌná, ni ntu stívɨ́ ti̱kixinꞌ maa.

Lucas 16:9

Soo sú rá ñɨvɨ ntu náaꞌ núkú ráa rá nantíñú kumí ráa, soo nuꞌuꞌ káchíꞌ ni̱ꞌ nu̱u̱nꞌ ránoꞌó ya̱ kuatíñú rán rá kúmí rán iniꞌ ñɨ̱vɨ́ yaꞌá sáva saꞌá va̱ꞌa rán jín ñɨvɨ sáva ni̱ꞌi̱nꞌ rán ya̱ tɨɨn ráa Tu̱ꞌun Ndiosíꞌ jee suꞌva saꞌá mániꞌ táꞌán rán, jee sáá nɨꞌɨ rá kúmí rán iniꞌ ñɨ̱vɨ́ yaꞌá, jee nakuatáꞌví ráa ránoꞌó sáá kenta rán nu̱u̱nꞌ nééꞌ Ndiosíꞌ nu̱u̱nꞌ kuneeꞌ rán nɨ́ɨ́nkání.

Lucas 18:21

Jee nkachiꞌ te̱e vá: ―Nɨꞌɨ tiñu yaꞌá va̱ji síkúnkuvi ni̱ꞌ maa ne̱ lúlí ni̱ꞌ ―nkachiꞌ‑i.

Lucas 18:23

Jee sáá nteso̱ꞌo te̱e vá jie̱ꞌe̱ꞌ rá yaꞌá ya̱ nkachiꞌ Jesús, jee nnu̱kuéká víꞌí iniꞌ‑i, chi kúká víꞌí‑i.

Lucas 9:23

Saájee nkachiꞌ re̱ꞌ nu̱u̱nꞌ ntáká rá ñɨvɨ: ―Retú néni ɨɨn ñɨvɨ kuíni‑i kunikɨnꞌ‑ɨ nuꞌuꞌ jee xináánꞌ‑a iniꞌ‑i rá níyo iniꞌ maáa, jee ta ki̱vɨ̱ꞌ ɨɨn ni koo iniꞌ‑i kunoꞌo‑o jie̱ꞌe̱ꞌ nuꞌuꞌ kuéntáꞌ ɨɨn ya̱ níso‑o kurúsiꞌ sáva kuviꞌ‑i nu̱u̱nꞌ vá, jee kunikɨnꞌ‑ɨ nuꞌuꞌ.

Filipenses 3:13

Ránoꞌó ñaniꞌ jín ku̱ꞌva, maáníꞌ tɨ́ɨn kuéntáꞌ ni̱ꞌ, ya̱ ntiáꞌan kuneí ni̱ꞌ ni̱ꞌi̱nꞌ ni̱ꞌ rá tiñu vá. Soo ɨɨn tiñu sáꞌá ni̱ꞌ, ya̱ xínáán ni̱ꞌ iniꞌ ni̱ꞌ rá tiñu kúvi ya̱ta̱ꞌ, jee sáꞌá ni̱ꞌ fesáꞌ kɨ̱ꞌɨ̱nꞌ ni̱ꞌ ichinúúnꞌ.

2 Pedro 3:8

Soo ránoꞌó ñanitáꞌán ya̱ ñúnúunꞌ ni̱ꞌ, koto náánꞌ iniꞌ rán tu̱ꞌun yaꞌá: ya̱ nu̱u̱nꞌ I̱toꞌoꞌ‑ó jee ɨɨn ki̱vɨ̱ꞌ kúvi kuéntáꞌ ɨɨn mil kui̱ya̱ꞌ, jee ɨɨn mil (1000) kui̱ya̱ꞌ kúvi kuéntáꞌ ɨɨn ki̱vɨ̱ꞌ ni.