Lucas 18:13 - Mixteco del suroeste de Tlaxiaco Oaxaca

¹³ Soo te̱e vá ya̱ nástútú xu̱ꞌún náneeꞌ ñuunꞌ Roma, íñɨ́ íká‑a ntíꞌ, jee ni ntu kíji iniꞌ‑i nna̱nenu̱u̱nꞌ‑u súkún, chisaꞌ kúun‑u naꞌá‑a ni̱ka‑a, jee káchíꞌ‑i: “Ndiosíꞌ, kunáꞌví iniꞌ nú kune̱ꞌyá nú nuꞌuꞌ ya̱ ñɨvɨ kua̱chi kúvi ni̱ꞌ”, nkachiꞌ‑i.

Lucas 18:13 ပူးပေါင်းရင်းမြစ်များ

Mateo 10:3

jee súví ka̱ꞌ rá apóstol ví Felipe, jín Bartolomé, jín Tomás, jín Mateo, ya̱ kúvi‑i ɨɨn rá te̱e tɨ́ɨn xu̱ꞌún nu̱u̱nꞌ rá ñɨvɨ chúnáán xu̱ꞌún ya̱ náneeꞌ Roma, jín Jacobo ya̱ kúvi se̱ꞌya yɨ́ɨ́ Alfeo, jee Lebeo, ya̱ suni káꞌánꞌ ráa maa Tadeo,

Mateo 6:5

’Jee sáá káꞌánꞌ rán jín Ndiosíꞌ, jee koto íyó rán kuéntáꞌ sáꞌá rá ñɨvɨ sansuꞌva, chi táꞌánꞌ iniꞌ ráa kuiñɨ nichiꞌ ráa iniꞌ rá veꞌi sinagoga nu̱u̱nꞌ kútútú rá ñɨvɨ Israel, jín rá nu̱u̱nꞌ náketáꞌán rá ichi, jee káꞌánꞌ ráa jín Ndiosíꞌ, sáva kune̱ꞌyá rá ñɨvɨ ráa. Soo máá naáꞌ vá káchíꞌ ni̱ꞌ nu̱u̱nꞌ rán ya̱ nɨꞌɨ ta̱ꞌvi̱ꞌ ya̱ ni̱ꞌi̱nꞌ ráa ví kua̱chi nákuetúꞌún ñɨvɨ ráa, jee nsú ta̱ꞌvi̱ꞌ jiáꞌa Ndiosíꞌ.

Mateo 9:13

Kuáꞌán rán, jee kutu̱ꞌva rán ná kúníꞌ káchíꞌ tu̱ꞌun yaꞌá ya̱ níso nu̱u̱nꞌ Tutuꞌ Ííꞌ ya̱ káchíꞌ Ndiosíꞌ suꞌva: “Kuíni ni̱ꞌ ya̱ kunáꞌví iniꞌ rán ñanitáꞌán rán, jee nsú ya̱ so̱ko̱ꞌ rán rá sa̱na̱ꞌ nu̱u̱nꞌ ni̱ꞌ.” Chisaꞌ nsáꞌ váji ni̱ꞌ kana ni̱ꞌ rá ñɨvɨ na̱a̱ꞌ sáva ki̱vɨ ráa nu̱u̱nꞌ Ndiosíꞌ, chisaꞌ va̱ji ni̱ꞌ kana ni̱ꞌ rá ñɨvɨ íyó kua̱chi sáva nakani iniꞌ ráa jee ki̱vɨ ráa naꞌá Ndiosíꞌ ―nkachiꞌ Jesús.

Marcos 11:25

Jee sáá káꞌánꞌ rán jín Ndiosíꞌ, jee kunekáꞌnú iniꞌ rán jie̱ꞌe̱ꞌ néni ɨɨn kua̱chi ya̱ nsa̱ꞌá ñɨvɨ si̱kɨ̱ꞌ ránoꞌó. Saꞌá rán suꞌva, sáva suni Tátáꞌ rán, ya̱ nééꞌ re̱ꞌ antivɨ́, kunekáꞌnú iniꞌ re̱ꞌ jie̱ꞌe̱ꞌ kua̱chi rán ya̱ njia̱ꞌa nsa̱ꞌá rán nu̱u̱nꞌ tu̱ꞌun re̱ꞌ.

Lucas 17:12

Jee sáá kua̱kenta re̱ꞌ ki̱vɨ re̱ꞌ ɨɨn kuaríáꞌ, jee yukuán nna̱ketáꞌán re̱ꞌ u̱ji̱ꞌ rá te̱e ya̱ nóꞌo ráa ni̱ꞌyɨ stéꞌyúꞌ ñɨɨn naní lepra. Jee ña̱kui̱ñɨ̱ꞌ íká ráa.

Lucas 22:41

Saájee nku̱sɨ́ɨ́n re̱ꞌ ntíꞌ, ɨɨn kuꞌvaꞌ kua̱ꞌ síkéne‑ó ɨɨn yu̱u̱ꞌ, jee ña̱kui̱ñɨ̱ꞌ ítɨ́ re̱ꞌ, jee ni̱ka̱nꞌ táꞌvíꞌ re̱ꞌ

Lucas 23:48

Jee nta̱ká ñɨvɨ kue̱ꞌe̱ꞌ ya̱ nku̱tútú ráa íñɨ́ ráa yukuán néꞌyá ráa ya̱ nkuvi sukuán, jee kúun ráa naꞌá ráa ni̱ka ráa núkuíꞌyáꞌ iniꞌ ráa kua̱noꞌonꞌ ráa.

Lucas 5:8

Jee sáá niniꞌ Simón Pedro ya̱ nkuvi sukuán, jee nna̱kui̱ñɨ̱ꞌ ítɨ́ re̱ꞌ nu̱u̱nꞌ Jesús jee nkachiꞌ re̱ꞌ: ―Siíyo nú maánú nu̱u̱nꞌ nuꞌuꞌ, I̱toꞌoꞌ ni̱ꞌ, chi te̱e kua̱chi kúvi ni̱ꞌ ―nkachiꞌ re̱ꞌ.

Hechos 2:37

Sáá nteso̱ꞌo ráa tu̱ꞌun vá, nnu̱kuíꞌyáꞌ nasɨ́kuitɨꞌ iniꞌ ráa ne̱ ntu̱fi̱ꞌ ánímaꞌ ráa, jee nkachiꞌ ráa nu̱u̱nꞌ Pedro jín nu̱u̱nꞌ rá inka ka̱ꞌ te̱e níso rává tiñu apóstol: ―¿Ná íyó saꞌá ránꞌ, résa? Ránoꞌó ñaniꞌ.

Romanos 5:8

Soo stúvi Ndiosíꞌ ya̱ ñúnúunꞌ re̱ꞌ yó, chi ni̱ꞌi̱ꞌ Cristo jie̱ꞌe̱ꞌ‑órán ne̱ sáá kúvi i̱i̱ꞌ‑ó ñɨvɨ kua̱chi.

2 Corintios 7:11

Chi tu̱nkuéká ni̱yo iniꞌ rán sáni kuíni Ndiosíꞌ, jee tɨɨn kuéntáꞌ ránú ná kúvi ya̱ nsa̱ꞌá‑a iniꞌ ánímaꞌ rán: ¡Na̱ ka̱ꞌ ntɨɨn ñáꞌnú rán tiñu yaꞌá! ¡Na̱ ka̱ꞌ nnakui̱ñɨ̱ꞌ rán jín ránuꞌuꞌ! ¡Na̱ ka̱ꞌ nki̱tɨ̱ꞌ iniꞌ maárán jie̱ꞌe̱ꞌ ya̱ nsa̱ꞌá rán! ¡Na̱ ka̱ꞌ nñu̱yúꞌví iniꞌ rán Ndiosíꞌ! ¡Na̱ ka̱ꞌ nñu̱ꞌun káñá iniꞌ rán kune̱ꞌyá tuku rán ránuꞌuꞌ! ¡Na̱ ka̱ꞌ nániꞌvɨꞌ iniꞌ rán jie̱ꞌe̱ꞌ ránuꞌuꞌ! ¡Na̱ ka̱ꞌ viiꞌ nsa̱náaꞌ rán si̱kɨ̱ꞌ ñɨvɨ vá ya̱ nsa̱ꞌá‑a kua̱chi yaꞌá! Jee ntáká nu̱u̱nꞌ nstúvi rán ya̱ íyó noo ninuꞌun rán jie̱ꞌe̱ꞌ tiñu níváꞌa yaꞌá.

1 Timoteo 1:15

Tu̱ꞌun na̱a̱ꞌ ví yaꞌá. Jee íyó tɨɨn nɨꞌɨ ñɨvɨ tu̱ꞌun yaꞌá, ya̱ káchíꞌ, ya̱ Cristo Jesús ya̱ nkiji nu̱u̱nꞌ ñɨ̱vɨ́, sáva natavaꞌ re̱ꞌ rá ñɨvɨ kua̱chi nu̱u̱nꞌ kua̱chi ráa sikáku re̱ꞌ ráa. Jee nuꞌuꞌ, ña̱ko̱so̱ꞌ ni̱ꞌ ka̱ꞌ nu̱u̱nꞌ ya̱ nsa̱ꞌá ni̱ꞌ kua̱chi mánasɨ́ nijia.

Hebreos 4:16

Saáva ne̱ yuchí kukáꞌnú iniꞌ‑ó natuꞌva‑ó nu̱u̱nꞌ teyuꞌ Ndiosíꞌ nu̱u̱nꞌ tátúníꞌ re̱ꞌ jee kaꞌanꞌ‑ó jín re̱ꞌ ya̱ íyó mániꞌ iniꞌ re̱ꞌ néꞌyá re̱ꞌ yó, sáva ni̱ꞌi̱nꞌ‑ó ya̱ kunáꞌví iniꞌ re̱ꞌ yó jín ya̱ íyó mániꞌ iniꞌ re̱ꞌ chineí re̱ꞌ yó sáá jíniñúꞌún‑ó maa.

Hebreos 8:12

Chi kunekáꞌnú iniꞌ ni̱ꞌ jie̱ꞌe̱ꞌ rá tiñu niváꞌa nsa̱ꞌá ráa. Jee ni nsáꞌ naku̱ꞌun iniꞌ ni̱ꞌ ka̱ꞌ jie̱ꞌe̱ꞌ rá kua̱chi nsa̱ꞌá ráa.”