Lucas 17:20 - Mixteco del suroeste de Tlaxiaco Oaxaca

²⁰ Jee ni̱ka̱tu̱ꞌún rá fariseo Jesús na̱ma kenta tatúníꞌ Ndiosíꞌ ñɨ̱vɨ́, jee nna̱xiníkó Jesús jee nkachiꞌ re̱ꞌ: ―Tiñu na̱ja tatúníꞌ Ndiosíꞌ, jee nsú tiñu kiji nu̱nijínꞌ kuniꞌ rán ví‑i.

Lucas 17:20 ပူးပေါင်းရင်းမြစ်များ

Lucas 10:11

“Ne̱ tíka̱cha̱a̱ꞌ ñuunꞌ rán yaꞌá, ya̱ ntɨ́ɨn jie̱ꞌe̱ꞌ ráníꞌ, jee kísɨ ránꞌ maa sáva nastúvi ránꞌ ya̱ íyó si̱kɨ̱ꞌ ránú.” Soo íyó kukáꞌnú iniꞌ ránú yaꞌá, ya̱ ya nku̱yatin ya̱ kuvi ki̱vɨ ñɨvɨ xi̱ntíín Ndiosíꞌ nu̱u̱nꞌ tátúníꞌ re̱ꞌ nu̱u̱nꞌ ráa.

Lucas 14:1

Nkuvi suꞌva ɨɨn ki̱vɨ̱ꞌ nájiáví, sáá kua̱ꞌa̱nꞌ Jesús kua̱kajiꞌ re̱ꞌ neyu veꞌi ɨɨn te̱e fariseo ya̱ kúñáꞌnú, jee rá te̱e yukuán kúmí yuꞌuꞌ ráa Jesús.

Lucas 16:16

’Tu̱ꞌun ley njia̱ꞌa Ndiosíꞌ nu̱u̱nꞌ Moisés yanaꞌán jín suni rá tu̱ꞌun ya̱ nna̱kani rá te̱e ya̱ njiáꞌa re̱ꞌ maa nu̱u̱nꞌ ráa, jee nte̱ku̱tu̱ꞌún tu̱ꞌun ráa ne̱ sáá nkenta Juan te̱e ya̱ nsi̱kuánuté. Saájee ne̱ sáá nkenta Juan vá, jee nte̱ku̱tu̱ꞌún tu̱ꞌun váꞌa Ndiosíꞌ jie̱ꞌe̱ꞌ na̱ja nátatúníꞌ re̱ꞌ nu̱u̱nꞌ rá ñɨvɨ ki̱vɨ xi̱ntíín re̱ꞌ, jee ntáká ráa núnasɨ́ víꞌí ráa ki̱vɨ ráa xi̱ntíín re̱ꞌ.

Lucas 19:11

Jee sáá tésóꞌo rá ñɨvɨ ya̱ káchíꞌ Jesús, jee nkachiꞌ re̱ꞌ nu̱u̱nꞌ ráa ɨɨn tu̱ꞌun ya̱ kúnkunuún káꞌánꞌ‑a. Nkachiꞌ re̱ꞌ sukuán, chi ya̱ nku̱yatin re̱ꞌ ñuunꞌ Jerusalén jee jiáni iniꞌ rá ñɨvɨ ya̱ kuíntañúꞌún kenta stúvi nijinꞌ Ndiosíꞌ tiñu tatúníꞌ re̱ꞌ nu̱u̱nꞌ ñɨ̱vɨ́.

Juan 18:36

Saájee Jesús nna̱xiníkó‑o: ―Tiñu níso ni̱ꞌ ya̱ tátúníꞌ ni̱ꞌ jee ntu kéne‑e nu̱u̱nꞌ ñɨ̱vɨ́ yaꞌá. Chi retánꞌ nu̱u̱nꞌ ñɨ̱vɨ́ yaꞌá kéne tiñu níso ni̱ꞌ tátúníꞌ ni̱ꞌ, saájee rá ñɨvɨ yɨ́ꞌɨ́ xi̱ntíín ni̱ꞌ kantáꞌán ráa jee nama ráa nuꞌuꞌ sáva nkúꞌva ráa nuꞌuꞌ xi̱ntíín rá te̱e kúñáꞌnú nu̱u̱nꞌ Israel. Soo tiñu níso ni̱ꞌ tátúníꞌ ni̱ꞌ nsáꞌ kéne nu̱u̱nꞌ ñɨ̱vɨ́ yaꞌá ―nkachiꞌ Jesús.