Lucas 17:19 - Mixteco del suroeste de Tlaxiaco Oaxaca

¹⁹ Jee nkachiꞌ re̱ꞌ nu̱u̱nꞌ te̱e vá: ―Nakuiñɨꞌ, jee kuáꞌán, chi jie̱ꞌe̱ꞌ ya̱ kúneí iniꞌ nú nuꞌuꞌ jee nxi̱núvi ni̱ꞌ noꞌó jee kínóo na̱a̱ꞌ nú nu̱u̱nꞌ Ndiosíꞌ ―nkachiꞌ Jesús.

Lucas 17:19 ပူးပေါင်းရင်းမြစ်များ

Mateo 9:22

Soo nna̱koto yátá Jesús, jee niniꞌ re̱ꞌ ña, jee nkachiꞌ re̱ꞌ: ―Nasaꞌá neí iniꞌ nú, se̱ꞌya sɨ́ꞌɨ́, chi jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ jee nxi̱núvi ni̱ꞌ noꞌó ―nkachiꞌ re̱ꞌ, jee kuísá máá hora yukuán nnuvi ña.

Marcos 10:52

Jee nkachiꞌ Jesús nu̱u̱nꞌ re̱ꞌ: ―Kuáꞌán. Chi jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ, jee nxi̱núvi‑i nó. Ntañúꞌún kuitɨꞌ nnu̱nijinꞌ nchinúún re̱ꞌ, jee nna̱kune̱ꞌyá re̱ꞌ, jee nchi̱nikɨnꞌ re̱ꞌ Jesús ichi vá.

Marcos 5:34

Jee nkachiꞌ Jesús nu̱u̱nꞌ ña: ―Se̱ꞌya sɨ́ꞌɨ́, nxi̱núvi ni̱ꞌ noꞌó jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ. Kuáꞌán váꞌa. Nuvi nú jie̱ꞌe̱ꞌ kue̱ꞌi̱ꞌ nú.

Lucas 18:42

Jee nkachiꞌ Jesús nu̱u̱nꞌ‑u: ―Nunijinꞌ nchinúún nú natu̱vi nakune̱ꞌyá nú. Chi jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ, jee nxi̱núvi‑i nó ―nkachiꞌ Jesús.

Lucas 7:50

Soo nkachiꞌ Jesús nu̱u̱nꞌ ñaꞌan vá: ―Jie̱ꞌe̱ꞌ ya̱ kúneí iniꞌ nú nuꞌuꞌ, saáva ya̱ nna̱tavaꞌ ni̱ꞌ noꞌó nu̱u̱nꞌ kua̱chi nú nsi̱káku ni̱ꞌ noꞌó. Kuáꞌán va̱ꞌa ne̱ va̱ꞌa kuvi iniꞌ ánímaꞌ nú ―nkachiꞌ Jesús.

Lucas 8:48

Saájee nkachiꞌ Jesús nu̱u̱nꞌ ña: ―Se̱ꞌya sɨ́ꞌɨ́, jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ, jee nxi̱núvi ni̱ꞌ noꞌó. Kuáꞌán va̱ꞌa ne̱ va̱ꞌa kuvi iniꞌ ánímaꞌ nú.