Lucas 16:25 - Mixteco del suroeste de Tlaxiaco Oaxaca

²⁵ ’Soo nkachiꞌ Abraham nu̱u̱nꞌ re̱ꞌ: “Se̱ꞌya, naku̱ꞌun iniꞌ nú ya̱ nni̱ꞌi̱nꞌ nú rá váꞌa nú sáá ntekuꞌ nú iniꞌ ñɨ̱vɨ́, soo Lázaro chi nni̱ꞌi̱nꞌ re̱ꞌ rá niváꞌa. Soo vitan jee nániꞌinꞌ neí iniꞌ re̱ꞌ yaꞌá, jee noꞌó chi nóꞌo nú.

Lucas 16:25 ပူးပေါင်းရင်းမြစ်များ

Mateo 27:63

jee nkachiꞌ ráa: ―I̱toꞌoꞌ, nákúꞌun iniꞌ ráníꞌ ya̱ sáá ntekuꞌ te̱e xínáꞌví vá, jee nkachiꞌ re̱ꞌ: “Ki̱vɨ̱ꞌ uníꞌ jee natekuꞌ ni̱ꞌ kene ni̱ꞌ nteñu rá ni̱yɨ.”

Marcos 9:45

’Jee retú sóꞌó jie̱ꞌe̱ꞌ nú kininkava nú nu̱u̱nꞌ kua̱chi, va̱ꞌa ka̱ꞌ keꞌneꞌ nú maa. Chi va̱ꞌa ka̱ꞌ ví nú ya̱ kúꞌlúꞌ nú jee ki̱vɨ nú nu̱u̱nꞌ kutekuꞌ nú nɨ́ɨ́nkání jín Ndiosíꞌ. Chi va̱ꞌa ka̱ꞌ sukuán nsú káꞌ ya̱ koo ni núvíꞌ jie̱ꞌe̱ꞌ nú, jee sukuíkó noꞌó nu̱u̱nꞌ ñuꞌúnꞌ xéénꞌ.

Lucas 16:20

Jee ni̱yo ɨɨn máá te̱e láꞌví xéénꞌ naní re̱ꞌ Lázaro, jee ña̱na̱ka ráa maa yuvéꞌí te̱e kúká vá, jee ne̱ nchi̱tú ni̱ꞌyɨ xki̱yɨ́ kua̱íyó re̱ꞌ.

Lucas 16:23

Jee kua̱ꞌa̱nꞌ ánímaꞌ re̱ꞌ nu̱u̱nꞌ ñúꞌúnꞌ xéénꞌ nu̱u̱nꞌ íyó ánímaꞌ rá ni̱yɨ, yukuán nóꞌo nasɨ́kuitɨꞌ re̱ꞌ jee nna̱nenu̱u̱nꞌ re̱ꞌ, jee niniꞌ íká re̱ꞌ Abraham jín suni Lázaro nééꞌ‑e xiín Abraham.

Lucas 16:26

Soo suni íyó ɨɨn numaꞌ ya̱ ntu jínu nu̱u̱nꞌ kúnú‑u ya̱ chúmáꞌñu‑u yó, saáva rá ñɨvɨ ya̱ íyó yaꞌá súka̱ꞌ kuíni ráa kua̱jiaaꞌ ráa nu̱u̱nꞌ ránoꞌó i̱ña̱ꞌ, soo ntu kúvi. Sunisaá ntu kúvi kene rá ñɨvɨ i̱ña̱ꞌ kiji ráa nu̱u̱nꞌ ránuꞌuꞌ yaꞌá ranika̱ꞌ”, nkachiꞌ Abraham.

Lucas 6:24

’Chisaꞌ, ¡na̱ ka̱ꞌ náꞌví ka̱ꞌ ránoꞌó ñɨvɨ kúká ya̱ kunoꞌo rán!, chi ya̱ nni̱ꞌi̱nꞌ rán nɨꞌɨ ya̱ kusɨ̱ɨ̱ꞌ iniꞌ rán ni tékúꞌ rán jee ntu̱náꞌ ni̱ꞌi̱nꞌ rán ka̱ꞌ ichinúúnꞌ ka̱ꞌ.

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

Romanos 8:7

Chi rá ñɨvɨ túví ráa antúníꞌ ráa sáni kuíni ráa, ya̱ ntu yɨ́tíñú ráa nu̱u̱nꞌ Ndiosíꞌ, jee jíníꞌ u̱ꞌvi̱ꞌ ráa Ndiosíꞌ. Jee ntu chíꞌi ráa maáráa xi̱ntíín tu̱ꞌun tátúníꞌ Ndiosíꞌ, jee ni ntu kúvi chiꞌi ráa maáráa xi̱ntíín tu̱ꞌun tátúníꞌ re̱ꞌ.

Filipenses 3:19

Sáá va̱ji ráa ya̱ kunoꞌo ráa nu̱u̱nꞌ ñúꞌúnꞌ xe̱e̱nꞌ. Jee kua̱chi ndiosíꞌ ráa ví chi̱ji ráa chi chíñúꞌún ráa maa. Kúsɨ́ɨꞌ téyɨ́ɨ́ iniꞌ ráa sáꞌá ráa tiñu néꞌén, sú tu̱ꞌun kánuun ví‑i. Chi ñúꞌún iniꞌ ráa rá tiñu ñɨ̱vɨ́ yaꞌá ya̱ íyó sɨ́ɨ́n nu̱u̱nꞌ Ndiosíꞌ.

1 Tesalonicenses 3:3

Sáva ntu̱ví nániꞌvɨꞌ iniꞌ ránú jie̱ꞌe̱ꞌ tu̱nóꞌó nóꞌo ránú. Chi ránoꞌó jíníꞌ ya̱ sukuán níní kunoꞌo yó.

Hebreos 11:25

Chisaꞌ nka̱ji re̱ꞌ ya̱ kuiñɨ re̱ꞌ jín rá ñɨvɨ re̱ꞌ Israel, ya̱ kúvi ñɨvɨ Ndiosíꞌ, jee kunoꞌo re̱ꞌ jín ráa ya̱ nito u̱ꞌvi̱ꞌ ñɨvɨ Egipto ráa, nsú káꞌ kusɨ̱ɨ̱ꞌ iniꞌ re̱ꞌ saꞌá re̱ꞌ kua̱chi yakuꞌ tiempúꞌ.

1 Juan 2:15

Jee koto ñúnúunꞌ rán rá tiñu níyo iniꞌ ñɨvɨ ñɨ̱vɨ́ yaꞌá, ya̱ ntu yɨ́ꞌɨ́ ráa nu̱u̱nꞌ Ndiosíꞌ, ni rá nantíñú íyó iniꞌ ñɨ̱vɨ́. Jee retú néni ɨɨn ñɨvɨ ñúnúunꞌ ichi jíka rá ñɨvɨ ñɨ̱vɨ́ yaꞌá, jee ntu̱ví ñúnúunꞌ ñɨvɨ vá Tátáꞌ‑ó Ndiosíꞌ.

Apoclipsis 7:14

Jee nkachiꞌ ni̱ꞌ nu̱u̱nꞌ‑u: ―Tátáꞌ ni̱ꞌ, noꞌó jíníꞌ ―nkachiꞌ ni̱ꞌ. Jee nkachiꞌ‑i nu̱u̱nꞌ ni̱ꞌ: Rá ñɨvɨ yaꞌá ví rá nku̱neí ráa njia̱ꞌa ráa nu̱u̱nꞌ máá maá tu̱nóꞌó xéénꞌ nnoꞌo ráa. Jee nno̱noo ánímaꞌ ráa jie̱ꞌe̱ꞌ ni̱ꞌi̱ꞌ maáréꞌ ya̱ kúvi re̱ꞌ Lanchi Lúlí vá, kuéntáꞌ nna̱kete ráa saꞌma ráa jee nnu̱kuíjín‑i sáꞌá re̱ꞌ jín ni̱ñɨ̱ꞌ maáréꞌ.