Lucas 16:24 - Mixteco del suroeste de Tlaxiaco Oaxaca

²⁴ Saájee nka̱najíín re̱ꞌ, jee nkachiꞌ re̱ꞌ: “Tátáꞌ Abraham, kunáꞌví iniꞌ nú nuꞌuꞌ, jee chuichí nú Lázaro sáva chu̱náji re̱ꞌ xi̱ni̱ꞌ xi̱ntíín re̱ꞌ nu̱u̱nꞌ nute, jee xiníkó re̱ꞌ yáá ni̱ꞌ, chi nóꞌo nasɨ́kuitɨꞌ ni̱ꞌ nu̱u̱nꞌ ñuꞌúnꞌ xéénꞌ yaꞌá”, nkachiꞌ re̱ꞌ.

Lucas 16:24 ပူးပေါင်းရင်းမြစ်များ

Mateo 25:41

’Saájee kachiꞌ ni̱ꞌ nu̱u̱nꞌ rá ñɨvɨ íñɨ́ ichi sátín ni̱ꞌ: “¡Kuiyo rán nu̱u̱nꞌ ni̱ꞌ! Chísónínu Tátáꞌ ni̱ꞌ ránoꞌó. Kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ ya̱ káyúꞌ nɨ́ɨ́nkání, nu̱u̱nꞌ ya̱ íyó stákoo nu̱u̱nꞌ kɨ̱ꞌɨ̱nꞌ kui̱ꞌna̱ꞌ kúñáꞌnú jín rá ta̱chi̱ꞌ kíni‑i ya̱ kúvi najiáꞌáꞌ‑a.

Mateo 3:9

Jee saáva koto káchíꞌ rán iniꞌ ánímaꞌ rán: “[Ka̱ku ráníꞌ] chi jííꞌ yanaꞌán ránꞌ ví Abraham.” Chi káchíꞌ ni̱ꞌ nu̱u̱nꞌ rán ya̱ Ndiosíꞌ kuvi saꞌá re̱ꞌ ya̱ nuvi ne̱ rá yu̱u̱ꞌ yaꞌá sáva kuvi ráa tataꞌ se̱ꞌya Abraham.

Mateo 5:22

Soo nuꞌuꞌ káchíꞌ ni̱ꞌ nu̱u̱nꞌ ránú ya̱ néni ɨɨn ñɨvɨ ya̱ kítɨ́ꞌ iniꞌ‑i néꞌyá‑a ñanitáꞌán‑a, koo si̱kɨ̱ꞌ‑ɨ kɨ̱ꞌɨ̱nꞌ‑ɨ xi̱ntíín nu̱u̱nꞌ keꞌneꞌ kua̱chi. Jee néni ɨɨn ñɨvɨ tenu̱u̱nꞌ ñanitáꞌán‑a jee kachiꞌ nu̱u̱nꞌ ñanitáꞌán‑a ya̱ ntu̱náꞌ tiñu, jee kɨ̱ꞌɨ̱nꞌ‑ɨ ichinúúnꞌ rá te̱e nísotíñú ñáꞌnú ka̱ꞌ keꞌneꞌ ráa kua̱chi. Jee néni ɨɨn ñɨvɨ ya̱ kachiꞌ‑i: “Ñɨvɨ naanꞌ”, nu̱u̱nꞌ ñanitáꞌán‑a koo si̱kɨ̱ꞌ‑ɨ kɨ̱ꞌɨ̱nꞌ‑ɨ nu̱u̱nꞌ ñúꞌúnꞌ xéénꞌ.

Lucas 16:30

’Soo nkachiꞌ te̱e kúká vá: “¡Ntu̱ví!, tátáꞌ Abraham. Soo réáꞌ kene ɨɨn ni̱yɨ nteñu rá ni̱yɨ kɨ̱ꞌɨ̱nꞌ‑ɨ nu̱u̱nꞌ ráa, saájee nakani iniꞌ ráa sáá jiáꞌnu ráa”, nkachiꞌ‑i.

Lucas 19:9

Jee nkachiꞌ Jesús nu̱u̱nꞌ re̱ꞌ: ―Vitan nkenta natavaꞌ Ndiosíꞌ ɨɨn ñɨvɨ veꞌi yaꞌá nu̱u̱nꞌ kua̱chi‑i nsi̱káku re̱ꞌ maa, chi kúvi nijia‑a se̱ꞌya tataꞌ ichiyúkúnꞌ nkene nu̱u̱nꞌ Abraham.

Lucas 3:8

Jee saáva íyó saꞌá rán tiñu na̱a̱ꞌ váꞌa, ya̱ stúvi nijia rán ya̱ nna̱kani nijia iniꞌ rán nxi̱nóo rán tiñu niváꞌa. Jee suꞌva kuvi rán kuéntáꞌ yutun kúun ya̱ vixíꞌ váꞌa. Jee saáva koto káchíꞌ rán iniꞌ maárán: “[Ka̱ku ráníꞌ] chi jííꞌ yanaꞌán ránꞌ ví Abraham.” Chi káchíꞌ ni̱ꞌ nu̱u̱nꞌ rán ya̱ Ndiosíꞌ kuvi saꞌá re̱ꞌ ya̱ nuvi ne̱ rá yu̱u̱ꞌ yaꞌá sáva kuvi ráa tataꞌ se̱ꞌya Abraham, ya̱ kaníjiá ráa re̱ꞌ.

Juan 4:10

Jee nna̱xiníkó Jesús nu̱u̱nꞌ ña, jee nkachiꞌ re̱ꞌ: ―Retánꞌ jíníꞌ nú ta̱ꞌvi̱ꞌ ya̱ jiáꞌa Ndiosíꞌ nu̱u̱nꞌ ñɨvɨ, jín retánꞌ jíníꞌ nú né ɨɨn kúvi ni̱ꞌ ya̱ káchíꞌ ni̱ꞌ nu̱u̱nꞌ nú ya̱: taji nú xá ntíꞌ nute koꞌo ni̱ꞌ, jee maánú ka̱ka̱nꞌ táꞌvíꞌ nú nu̱u̱nꞌ ni̱ꞌ, jee taji ni̱ꞌ nute nu̱u̱nꞌ nú ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín Ndiosíꞌ ―nkachiꞌ Jesús.

Juan 4:14

Soo ñɨvɨ ya̱ koꞌo nute ya̱ ku̱ꞌva ni̱ꞌ nu̱u̱nꞌ‑u, jee ni nsáꞌ kujichiꞌ ka̱ꞌ. Chisaꞌ nute ya̱ ku̱ꞌva ni̱ꞌ koꞌo‑o, jee kene vá iniꞌ‑i kuéntáꞌ kene nokoꞌ nute nu̱u̱nꞌ ñu̱ꞌún, jee saꞌá‑a ya̱ ni̱ꞌi̱nꞌ ñɨvɨ ya̱ kutekuꞌ‑u nɨ́ɨ́nkání jín Ndiosíꞌ ―nkachiꞌ Jesús.

Juan 7:37

Ki̱vɨ̱ꞌ nu̱u̱nꞌ nɨ́ꞌɨ viko vá ya̱ kúvi ki̱vɨ̱ꞌ ñáꞌnú ka̱ꞌ, jee nnakui̱ñɨ̱ꞌ nichiꞌ Jesús jee nkachiꞌ re̱ꞌ: ―Retú né ni̱ꞌ ɨɨn rán kuéntáꞌ jíchíꞌ iniꞌ ánímaꞌ‑a nute, jee natuꞌva nu̱u̱nꞌ ni̱ꞌ jee koꞌo [ya̱ taji ni̱ꞌ nu̱u̱nꞌ nú].

Romanos 4:12

Jee suni Abraham kúvi re̱ꞌ tátáꞌ nu̱u̱nꞌ rá ñɨvɨ Israel ya̱ níso ráa seña circuncisión. Soo nsú tátáꞌ ráa kúvi re̱ꞌ jie̱ꞌe̱ꞌ ya̱ kua̱chi kuitɨꞌ níso ráa seña vá, chisaꞌ suni jíka ráa ichi njiáꞌa tátáꞌ ránꞌ Abraham ya̱ nku̱neí iniꞌ re̱ꞌ Ndiosíꞌ. Jee nku̱neí iniꞌ re̱ꞌ sukuán ne̱ sáá ntiáꞌan saꞌá circuncidar re̱ꞌ maáréꞌ, nékúvi.

2 Tesalonicenses 1:8

Jee kenta re̱ꞌ jín ñuꞌunꞌ itaꞌ, jee nachunáán re̱ꞌ xinóꞌo re̱ꞌ rá ñɨvɨ ntu mániꞌ ráa jín Ndiosíꞌ jee ntu íyó mániꞌ ráa tu̱ꞌun váꞌa jie̱ꞌe̱ꞌ I̱toꞌoꞌ‑ó Jesús.

Santiago 2:13

Chi ki̱vɨ̱ꞌ sanáaꞌ re̱ꞌ kua̱chi, jee nsáꞌ kunáꞌví iniꞌ re̱ꞌ kune̱ꞌyá re̱ꞌ ñɨvɨ ya̱ ntu nkúnáꞌví iniꞌ‑i nne̱ꞌyá‑a ñanitáꞌán‑a. Jee ñɨvɨ ya̱ nku̱náꞌví iniꞌ nne̱ꞌyá‑a ñanitáꞌán‑a jee kusɨ̱ɨ̱ꞌ iniꞌ‑i ya̱ kunáꞌví iniꞌ re̱ꞌ kune̱ꞌyá re̱ꞌ maa ki̱vɨ̱ꞌ sanáaꞌ re̱ꞌ kua̱chi.

Santiago 3:6

Jee ɨɨn ñuꞌunꞌ ví yáá‑ó. Jee yɨ́ꞌɨ́ chitú‑u jín ya̱ niváꞌa kuéntáꞌ yɨ́ꞌɨ́ chitú ɨɨn ñɨ̱vɨ́ jín ya̱ niváꞌa. Jee íyó‑o nu̱u̱nꞌ yɨkɨkúñu‑ó ya̱ stívɨ́‑ɨ nu̱u̱nꞌ nɨꞌɨ yɨkɨkúñu‑ó. Jee téñuꞌunꞌ yáá‑ó maáó nɨꞌɨ ichi jiáꞌnu‑ó, chi ñuꞌunꞌ xéénꞌ tée yáá‑ó.

Apoclipsis 19:20

Soo maáréꞌ jín rá soldado ííꞌ re̱ꞌ ntɨɨn ráa kitɨ xéénꞌ kákini vá jín suni inka ka̱ꞌ kitɨ xéénꞌ kákini ya̱ kúvi te̱e ya̱ nkachitu̱ꞌún tu̱ꞌun túꞌún ya̱ nkene yuꞌú kitɨ xe̱e̱nꞌ xíꞌnañúꞌún, jín suni nsa̱ꞌá‑a rá seña a̱nasɨ́ ichinúúnꞌ kitɨ xéénꞌ kákini xíꞌnañúꞌún. Jee jín rá seña a̱nasɨ́ nsa̱ꞌá‑a nxi̱náꞌví‑i rá ñɨvɨ ya̱ nni̱ꞌi̱nꞌ ráa seña kitɨ xéénꞌ kákini xíꞌnañúꞌún kuniso ráa jee kúvi ráa ya̱ nneñu̱ꞌun ráa santúꞌ ñunéꞌyúꞌ maátíꞌ. Jee ni núvíꞌ ráa kitɨ xéénꞌ kákini vá, ni tékúꞌ rátíꞌ jee nsi̱kéne maáréꞌ ya̱ yósóꞌ kitɨ kuíjín vá rátíꞌ nu̱u̱nꞌ ñúꞌúnꞌ xéénꞌ kuéntáꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ sufríꞌ.

Apoclipsis 20:15

Jee nu̱u̱nꞌ ñúꞌún xéénꞌ iniꞌ nteñúꞌún yukuán nu̱u̱nꞌ káyúꞌ núꞌvéꞌ ñuꞌunꞌ nchuꞌun re̱ꞌ ntáká rá ñɨvɨ ya̱ ntu níso rá súví ráa nu̱u̱nꞌ tutuꞌ níso rá súví rá ñɨvɨ ya̱ kutekuꞌ ráa nɨ́ɨ́nkání jín Ndiosíꞌ.

Apoclipsis 22:1

Saájee najiáꞌáꞌ ííꞌ vá nxi̱néꞌénꞌ re̱ꞌ nuꞌuꞌ máá maá ntekáꞌnú jín nute ya̱ sáꞌá‑a ya̱ kutekuꞌ rá ñɨvɨ nɨ́ɨ́nkání. Jee máá nute kuíí xúꞌún nijia ví‑i kuéntáꞌ cristal kéne‑e teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ jín maáréꞌ ya̱ kúvi re̱ꞌ Lanchi Lúlí.