Lucas 16:13 - Mixteco del suroeste de Tlaxiaco Oaxaca

¹³ ’Ni ɨɨn musúꞌ jee ntu kúvi kɨtíñú‑u nu̱u̱nꞌ u̱vi̱ꞌ i̱toꞌoꞌ xí tiñu, chi taꞌvi iniꞌ‑i kune̱ꞌyá‑a ɨɨn jee kunu̱u̱nꞌ‑u inka, áxí kuneenu̱u̱nꞌ‑u ɨɨn jee kuniichiꞌ iniꞌ‑i inka. Jee saáva ntu kúvi kɨtíñú rán nu̱u̱nꞌ Ndiosíꞌ, jín suni nu̱u̱nꞌ xu̱ꞌún ―nkachiꞌ Jesús.

Lucas 16:13 ပူးပေါင်းရင်းမြစ်များ

Mateo 4:10

Saájee nkachiꞌ Jesús nu̱u̱nꞌ‑u: ―Kuiyo nu̱u̱nꞌ ni̱ꞌ, Satanás, chi káchíꞌ tu̱ꞌun níso nu̱u̱nꞌ Tutuꞌ Ííꞌ ya̱: “Íyó kuneñu̱ꞌun nú I̱toꞌoꞌ nú ya̱ kúvi Ndiosíꞌ nú, jee nu̱u̱nꞌ métúꞌún maáréꞌ ni íyó kɨtíñú nú” ―nkachiꞌ Jesús.

Mateo 6:24

’Ni ɨɨn ñɨvɨ ntu kúvi kɨtíñú‑u nu̱u̱nꞌ u̱vi̱ꞌ i̱toꞌoꞌ xí tiñu, chi taꞌvi iniꞌ‑i kune̱ꞌyá‑a ɨɨn, jee kunu̱u̱nꞌ‑u inka, áxí, kɨtíñú‑u nu̱u̱nꞌ ɨɨn, jee kuniichiꞌ‑i inka. Jee saáva ntu kúvi kɨtíñú rán nu̱u̱nꞌ Ndiosíꞌ jín suni nu̱u̱nꞌ xu̱ꞌún.

Lucas 11:23

’Jee ñɨvɨ ya̱ ntu íñɨ́‑ɨ jín nuꞌuꞌ, jee kénta‑a si̱kɨ̱ꞌ ni̱ꞌ, jee ñɨvɨ ya̱ ntu̱ví nákeꞌen tútú‑u jín nuꞌuꞌ rá ñɨvɨ sáva kuiñɨ ráa jín nuꞌuꞌ, jee síkúténuun‑u rá ñɨvɨ sáva ntu nátuꞌva ráa nu̱u̱nꞌ nuꞌuꞌ.

Lucas 14:26

―Retú néni ɨɨn ñɨvɨ natuꞌva‑a nuꞌuꞌ jee sú ñúnúunꞌ‑u tátáꞌ‑a, jín nánáꞌ‑a, jín ñasɨ́ꞌɨ́‑ɨ áxí yɨɨ́‑ɨ, jín rá kuáchí‑i, jín rá ñaniꞌ‑i, jín rá ku̱ꞌva‑a, jín rá ku̱ꞌvi̱ꞌ‑i, jín ne̱ maáa, soo íyó kunu̱u̱nꞌ‑u nuꞌuꞌ ka̱ꞌ nsú káꞌ kua̱ꞌ ñúnúunꞌ‑u ráa ya̱ kúvi kuéntáꞌ táꞌvi iniꞌ‑i kune̱ꞌyá‑a ráa jee retú ntu ñúnúunꞌ ñɨvɨ vá nuꞌuꞌ ka̱ꞌ sukuán nsáꞌ kuvi kunikɨnꞌ‑ɨ nuꞌuꞌ sukuáꞌa ni̱ꞌ maa.

Lucas 16:12

Jee retú ntu síkúnkuvi na̱a̱ꞌ rán jín nantíñú inka ñɨvɨ, ¿né ɨɨn taji nu̱u̱nꞌ ránoꞌó nantíñú sáva kuvi nantíñú maáránú rúja?

Lucas 16:9

Soo sú rá ñɨvɨ ntu náaꞌ núkú ráa rá nantíñú kumí ráa, soo nuꞌuꞌ káchíꞌ ni̱ꞌ nu̱u̱nꞌ ránoꞌó ya̱ kuatíñú rán rá kúmí rán iniꞌ ñɨ̱vɨ́ yaꞌá sáva saꞌá va̱ꞌa rán jín ñɨvɨ sáva ni̱ꞌi̱nꞌ rán ya̱ tɨɨn ráa Tu̱ꞌun Ndiosíꞌ jee suꞌva saꞌá mániꞌ táꞌán rán, jee sáá nɨꞌɨ rá kúmí rán iniꞌ ñɨ̱vɨ́ yaꞌá, jee nakuatáꞌví ráa ránoꞌó sáá kenta rán nu̱u̱nꞌ nééꞌ Ndiosíꞌ nu̱u̱nꞌ kuneeꞌ rán nɨ́ɨ́nkání.

Lucas 9:50

Soo nkachiꞌ Jesús: ―Koto jíníi̱yo rán maa nu̱u̱nꞌ re̱ꞌ, chi ɨɨn ñɨvɨ ya̱ ntu kénta si̱kɨ̱ꞌ‑ó, íñɨ́‑ɨ jín‑ó ―nkachiꞌ Jesús.

Santiago 4:4

¡Ñɨvɨ ya̱ ntu jiáꞌnu na̱a̱ꞌ nu̱u̱nꞌ Ndiosíꞌ! Retú íyó mániꞌ táꞌán rán jín ya̱ níyo iniꞌ rá ñɨvɨ ñɨ̱vɨ́ yaꞌá, ¿á ntu jíníꞌ rán, ya̱ suvivá kúvi ya̱ túfíꞌ ta̱ꞌán rán néꞌyá rán Ndiosíꞌ? Saáva néni ɨɨn ñɨvɨ ya̱ nkuna̱a̱ꞌ iniꞌ‑i koo mániꞌ táꞌán‑a jín ya̱ níyo iniꞌ rá ñɨvɨ ñɨ̱vɨ́ yaꞌá, jee nkenta‑a kúvi‑i ñɨvɨ ya̱ túfíꞌ ta̱ꞌán‑a néꞌyá‑a Ndiosíꞌ.