Lucas 15:30 - Mixteco del suroeste de Tlaxiaco Oaxaca

³⁰ Soo sáá nnenta se̱ꞌya yɨ́ɨ́ nú yaꞌá, ya̱ nxi̱nɨ́ꞌɨ re̱ꞌ ña̱xi̱nꞌ síkɨ́ sɨ̱ɨ̱ꞌ re̱ꞌ xu̱ꞌún nú jín rá ñaꞌan sɨ̱ɨ̱ꞌ iniꞌ ya̱ xíkó maáa, jee nta̱jí nú ya̱ ñaꞌniꞌ ráa ɨɨn chelu nnañu jie̱ꞌe̱ꞌ re̱ꞌ”, nkachiꞌ‑i.

Lucas 15:30 ပူးပေါင်းရင်းမြစ်များ

Marcos 12:44

Chi nɨꞌɨ ráa jiáꞌa na̱kua̱ꞌ nkino̱o néen ráa. Soo ñaꞌan yaꞌá, ya̱ nóꞌo láꞌví ña, njia̱ꞌa nɨꞌɨ ña xu̱ꞌún néen ña kutekuꞌ ña ―nkachiꞌ Jesús.

Lucas 15:29

Jee nna̱xiníkó‑o nkachiꞌ‑i nu̱u̱nꞌ tátáꞌ‑a: “Kune̱ꞌyá, tantúꞌ kui̱ya̱ꞌ sátíñú ni̱ꞌ nu̱u̱nꞌ nú, jee ni nsáꞌ kújiááꞌ kuitɨꞌ iniꞌ ni̱ꞌ nu̱u̱nꞌ ya̱ nta̱túníꞌ nú, jee ni nsáꞌ nta̱jí nú ni sú ɨɨn lítú lúlí nu̱u̱nꞌ ni̱ꞌ sáva saꞌá ni̱ꞌ viko nusɨ̱ɨ̱ꞌ iniꞌ ni̱ꞌ jín rá ñɨvɨ ma̱ni̱ꞌ jín ni̱ꞌ.

Lucas 15:31

’Jee nkachiꞌ tátáꞌ‑a nu̱u̱nꞌ‑u: “Se̱ꞌya yɨ́ɨ́ ni̱ꞌ, noꞌó jee sukuáni íyó nú jín nuꞌuꞌ, jee nɨꞌɨ ya̱ kúmí ni̱ꞌ suni nantíñú nú kúvi‑i.

Lucas 15:32

Soo jíniñúꞌún ya̱ saꞌá viko yaꞌá vitan jee nusɨ̱ɨ̱ꞌ iniꞌ‑ó, chi ñaniꞌ nú yaꞌá kuéntáꞌ níꞌiꞌ‑i, jee nna̱tekuꞌ‑u, chi nsu̱kuíta ni̱ꞌ maa, jee vitan nna̱niꞌinꞌ ni̱ꞌ maa”, nkachiꞌ tátáꞌ‑a ―nkachiꞌ Jesús.

Lucas 18:11

Jee te̱e fariseo vá íñɨ́ nichiꞌ‑i, jee káꞌánꞌ‑i jie̱ꞌe̱ꞌ‑e jee káchíꞌ‑i suꞌva: “Ndiosíꞌ, táji ni̱ꞌ ya̱ kútaꞌviꞌ nu̱u̱nꞌ nú ya̱ ntu kúvi ni̱ꞌ kuéntáꞌ kua̱ꞌ kúvi rá inka ka̱ꞌ rá te̱e, ya̱ kúvi te̱e kuíꞌná, te̱e kánéꞌén, te̱e téní kúsíkɨ́ iniꞌ jín kuéntáꞌ súka̱ꞌ kua̱ꞌ íyó te̱e tíꞌñá yaꞌá ya̱ nástútú‑u xu̱ꞌún náneeꞌ ñuunꞌ Roma.