Lucas 15:29 - Mixteco del suroeste de Tlaxiaco Oaxaca

²⁹ Jee nna̱xiníkó‑o nkachiꞌ‑i nu̱u̱nꞌ tátáꞌ‑a: “Kune̱ꞌyá, tantúꞌ kui̱ya̱ꞌ sátíñú ni̱ꞌ nu̱u̱nꞌ nú, jee ni nsáꞌ kújiááꞌ kuitɨꞌ iniꞌ ni̱ꞌ nu̱u̱nꞌ ya̱ nta̱túníꞌ nú, jee ni nsáꞌ nta̱jí nú ni sú ɨɨn lítú lúlí nu̱u̱nꞌ ni̱ꞌ sáva saꞌá ni̱ꞌ viko nusɨ̱ɨ̱ꞌ iniꞌ ni̱ꞌ jín rá ñɨvɨ ma̱ni̱ꞌ jín ni̱ꞌ.

Lucas 15:29 ပူးပေါင်းရင်းမြစ်များ

Mateo 20:12

“Rá musúꞌ ya̱ nki̱vɨ satíñú ne̱ nu̱u̱nꞌ nɨ́ꞌɨ, jee kua̱chi métúꞌún hora nsa̱tíñú ráa, jee nuún ni nchu̱náán nú nu̱u̱nꞌ ráníꞌ jín ráa, jee ránuꞌuꞌ chi ñeꞌneꞌ iniꞌ ránꞌ nsa̱tíñú yɨ́ɨ́ ránꞌ núnuví nu̱u̱nꞌ sááꞌ víꞌí”, nkachiꞌ ráa.

Lucas 15:28

’Saájee nki̱tɨ̱ꞌ iniꞌ‑i, jee ni ntu nkuíni‑i ni̱vɨ‑ɨ iniꞌ veꞌi‑i. Soo tátáꞌ‑a nkene re̱ꞌ ni̱ka̱nꞌ táꞌvíꞌ re̱ꞌ nu̱u̱nꞌ‑u ya̱ ni̱vɨ‑ɨ.

Lucas 15:30

Soo sáá nnenta se̱ꞌya yɨ́ɨ́ nú yaꞌá, ya̱ nxi̱nɨ́ꞌɨ re̱ꞌ ña̱xi̱nꞌ síkɨ́ sɨ̱ɨ̱ꞌ re̱ꞌ xu̱ꞌún nú jín rá ñaꞌan sɨ̱ɨ̱ꞌ iniꞌ ya̱ xíkó maáa, jee nta̱jí nú ya̱ ñaꞌniꞌ ráa ɨɨn chelu nnañu jie̱ꞌe̱ꞌ re̱ꞌ”, nkachiꞌ‑i.

Lucas 15:7

Chi máá naáꞌ vá káchíꞌ ni̱ꞌ nu̱u̱nꞌ rán ya̱ suni sukuán saꞌ víꞌí káꞌ íyó tu̱ꞌun kúsɨ́ɨꞌ iniꞌ ne̱ antivɨ́ nu̱u̱nꞌ íyó Ndiosíꞌ, jie̱ꞌe̱ꞌ ɨɨn ñɨvɨ íyó kua̱chi retú nna̱kani iniꞌ‑i jie̱ꞌe̱ꞌ kua̱chi sáꞌá‑a jee kunikɨnꞌ‑ɨ Ndiosíꞌ, nsú káꞌ ya̱ kúmíxiko xa̱ꞌu̱nꞌ ku̱mi̱ꞌ (99) rá ñɨvɨ na̱a̱ꞌ ya̱ ntu jíniñúꞌún nakani iniꞌ‑i.

Lucas 17:10

Jee suni sukuán ránoꞌó, sáá nɨꞌɨ rán saꞌá rán ntáká ya̱ nta̱túníꞌ Ndiosíꞌ nu̱u̱nꞌ rán, jee kachiꞌ rán: “Musúꞌ saɨn ni kúvi‑ó, chi sáꞌá‑ó kua̱chi sáni rá tiñu nte̱tuvi re̱ꞌ yó ya̱ íyó saꞌá‑ó”, kachiꞌ rán ―nkachiꞌ Jesús.

Lucas 18:9

Jee suni nkachiꞌ re̱ꞌ tu̱ꞌun kúnkunuún suꞌva nu̱u̱nꞌ rá ñɨvɨ ya̱ jiáni iniꞌ ráa ya̱ kúvi ráa ñɨvɨ na̱a̱ꞌ, jee kúníichiꞌ iniꞌ ráa rá inka ka̱ꞌ rá ñɨvɨ, jee nkachiꞌ re̱ꞌ:

Lucas 19:21

chi yu̱ꞌví ni̱ꞌ noꞌó, chi kúvi nú ɨɨn te̱e xichiꞌ yɨ́ɨ́ víꞌí, chi nákeꞌen nú ya̱ ntu ntéváꞌa nú, jee nákeꞌen nú tataꞌ sáꞌá ya̱ ntu ntaji nú”, nkachiꞌ‑i.

Romanos 10:3

Chi ntu tɨ́ɨn kuéntáꞌ ráa ya̱ Ndiosíꞌ ví ya̱ sáꞌá re̱ꞌ ya̱ kino̱o na̱a̱ꞌ ñɨvɨ nu̱u̱nꞌ re̱ꞌ. Chisaꞌ núkú ráa saꞌá maáráa ya̱ kino̱o na̱a̱ꞌ ráa nu̱u̱nꞌ re̱ꞌ, jee ntu chíꞌi ráa maáráa nu̱u̱nꞌ ya̱ sáꞌá re̱ꞌ ya̱ kino̱o na̱a̱ꞌ ráa nu̱u̱nꞌ re̱ꞌ.

Romanos 3:20

Chi ni ɨɨn ñɨvɨ ntu kínóo na̱a̱ꞌ ráa nu̱u̱nꞌ Ndiosíꞌ jie̱ꞌe̱ꞌ ya̱ nánukú ráa sikúnkuvi ráa ya̱ tátúníꞌ ley re̱ꞌ. Chisaꞌ sáꞌá ley vá ya̱ kukáꞌnú iniꞌ‑ó ya̱ níso‑ó kua̱chi.

Romanos 3:27

Resa̱a jee, ¿né núꞌ íyó ya̱ káꞌánꞌ téyɨ́ɨ́‑ó jie̱ꞌe̱ꞌ maáó, résa? ¡Ntu kúvi kuitɨꞌ! ¿Na̱chi ntu kúvi kaꞌanꞌ téyɨ́ɨ́‑ó jie̱ꞌe̱ꞌ maáó? ¿Á ntu kúvi kaꞌanꞌ téyɨ́ɨ́‑ó jie̱ꞌe̱ꞌ ya̱ sáꞌá‑ó tiñu váꞌa? ¡Ntu̱ví kuitɨꞌ!, chisaꞌ tátúníꞌ Ndiosíꞌ ya̱ íyó kuneí iniꞌ‑ó Cristo.

Romanos 7:9

Jee ni̱yo ɨɨn tiempúꞌ ya̱ ñaꞌnu ni̱ꞌ, sáá ntiáꞌan kuniꞌ ni̱ꞌ ná tátúníꞌ ley Moisés, nékúvi. Soo sáá nkenta nku̱káꞌnú iniꞌ ni̱ꞌ ná káchíꞌ tu̱ꞌun tátúníꞌ Ndiosíꞌ, jee kuéntáꞌ nna̱tekuꞌ kua̱chi ni̱ꞌ sáva kuneí‑i jín ni̱ꞌ, jee kuéntáꞌ naanꞌ ni̱ꞌ.

Apoclipsis 2:17

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ kajiꞌ‑i maná ya̱ íyó yuꞌuꞌ. Jee suni ku̱ꞌva ni̱ꞌ ɨɨn yu̱u̱ꞌ kuíjín nu̱u̱nꞌ ñɨvɨ vá, jee nu̱u̱nꞌ yu̱u̱ꞌ yukuán nééꞌ ɨɨn súví jiáá, ya̱ ni ɨɨn ñɨvɨ ntu jíníꞌ maa, chi sáni maá ni ñɨvɨ ya̱ ni̱ꞌi̱nꞌ yu̱u̱ꞌ vá ví ya̱ kukáꞌnú iniꞌ maa.”

Apoclipsis 3:17

’Chi ránoꞌó, jee káchíꞌ rán ya̱ kúká rán jín ya̱ nku̱kúká rán jín ya̱ ntu̱náꞌ jíniñúꞌún rán, soo ni ntu jíníꞌ rán ya̱ na̱ ka̱ꞌ náꞌví rán, jín ya̱ kuéntáꞌ nóꞌo láꞌví rán, jín ya̱ kuéntáꞌ kuáá rán, jín ya̱ kuéntáꞌ íyó ñɨɨn rán nu̱u̱nꞌ nuꞌuꞌ.