Lucas 15:27 - Mixteco del suroeste de Tlaxiaco Oaxaca

²⁷ Jee nkachiꞌ musúꞌ vá nu̱u̱nꞌ‑u: “Ñaniꞌ nú nnenta jee nta̱jí tátáꞌ nú ya̱ ñaꞌniꞌ ɨɨn chelu máá nnañu chi íyó váꞌa ñaniꞌ nú nenta‑a nu̱u̱nꞌ re̱ꞌ”, nkachiꞌ musúꞌ vá.

Lucas 15:27 ပူးပေါင်းရင်းမြစ်များ

Mateo 22:4

’Jee tukuni nta̱jí re̱ꞌ inka ka̱ꞌ rá musúꞌ re̱ꞌ, jee nkachiꞌ re̱ꞌ nu̱u̱nꞌ ráa: “Kachiꞌ rán nu̱u̱nꞌ rá ñɨvɨ ya̱ nkana ni̱ꞌ kiji, ya̱: Ya nsa̱ꞌá stákoo ni̱ꞌ neyu, chi ya nta̱jí ni̱ꞌ ñaꞌniꞌ ráa rá toro ni̱ꞌ jín rá chelu ya̱ nxi̱náñu ni̱ꞌ, jee ya íyó tu̱ꞌva nɨꞌɨ, kiji rán viko tána̱ꞌá, kachiꞌ ránú nu̱u̱nꞌ ráa”, nkachiꞌ te̱e tátúníꞌ vá.

Lucas 15:26

Jee nkana‑a ɨɨn rá musúꞌ, jee ni̱ka̱tu̱ꞌún‑u na̱kuá kúvi rá yukuán.

Lucas 15:28

’Saájee nki̱tɨ̱ꞌ iniꞌ‑i, jee ni ntu nkuíni‑i ni̱vɨ‑ɨ iniꞌ veꞌi‑i. Soo tátáꞌ‑a nkene re̱ꞌ ni̱ka̱nꞌ táꞌvíꞌ re̱ꞌ nu̱u̱nꞌ‑u ya̱ ni̱vɨ‑ɨ.

Lucas 15:30

Soo sáá nnenta se̱ꞌya yɨ́ɨ́ nú yaꞌá, ya̱ nxi̱nɨ́ꞌɨ re̱ꞌ ña̱xi̱nꞌ síkɨ́ sɨ̱ɨ̱ꞌ re̱ꞌ xu̱ꞌún nú jín rá ñaꞌan sɨ̱ɨ̱ꞌ iniꞌ ya̱ xíkó maáa, jee nta̱jí nú ya̱ ñaꞌniꞌ ráa ɨɨn chelu nnañu jie̱ꞌe̱ꞌ re̱ꞌ”, nkachiꞌ‑i.

Hechos 22:13

Jee nkenta re̱ꞌ ña̱kui̱ñɨ̱ꞌ re̱ꞌ xiín ni̱ꞌ, jee nkachiꞌ re̱ꞌ nu̱u̱nꞌ ni̱ꞌ: “Ñaniꞌ Saulo. Nakune̱ꞌyá.” Jee máá hora kuitɨꞌ nna̱kune̱ꞌyá ni̱ꞌ jee niniꞌ ni̱ꞌ re̱ꞌ.

Hechos 9:17

Saájee ña̱ꞌa̱nꞌ Ananías jee nki̱vɨ re̱ꞌ veꞌi nu̱u̱nꞌ nééꞌ Saulo. Jee nchi̱só re̱ꞌ naꞌá re̱ꞌ nu̱u̱nꞌ‑u, jee nkachiꞌ re̱ꞌ: ―Ñaniꞌ, Saulo. I̱toꞌoꞌ‑ó, Jesús, ntu̱vi re̱ꞌ nu̱u̱nꞌ nú iniꞌ ichi váji nú. Jee maáréꞌ nta̱jí re̱ꞌ nuꞌuꞌ, sáva kuvi nu̱nijínꞌ nchinúún nú, jee sáva chitú Ta̱chi̱ꞌ Ííꞌ satíñú‑u iniꞌ noꞌó ―nkachiꞌ Ananías.

Filemón 1:16

Jee kuneeꞌ re̱ꞌ jín noꞌó, soo nsú kua̱chi kuéntáꞌ ɨɨn musúꞌ kéꞌen ñɨvɨ, chisaꞌ si̱kɨ̱ꞌ ka̱ꞌ kúvi re̱ꞌ ka̱ꞌ nsú káꞌ ɨɨn musúꞌ kéꞌen ñɨvɨ, chi kúvi re̱ꞌ ñaniꞌ‑ó ya̱ ñúnúunꞌ‑ó, jee ñúnúunꞌ víꞌí ni̱ꞌ maa, soo saꞌ víꞌí káꞌ kunu̱u̱nꞌ nú maa, jie̱ꞌe̱ꞌ kúvi re̱ꞌ ɨɨn ñɨvɨ jín jie̱ꞌe̱ꞌ yɨ́ꞌɨ́ re̱ꞌ nu̱u̱nꞌ I̱toꞌoꞌ‑ó.