Lucas 14:18 - Mixteco del suroeste de Tlaxiaco Oaxaca

¹⁸ Jee ntáká ráa ni ɨɨn ni ɨɨn ráa nka̱jiéꞌé ráa ntee ráa si̱kɨ̱ꞌ ya̱ kunekáꞌnú iniꞌ re̱ꞌ kune̱ꞌyá re̱ꞌ ráa chi nkúvi kɨ̱ꞌɨ̱nꞌ ráa. Jee ɨɨn ráa ya̱ xíꞌnañúꞌún nkachiꞌ‑i: “Nkeꞌen ni̱ꞌ ɨɨn pedasúꞌ ñuꞌun, jee íyó kɨ̱ne̱ꞌyá ni̱ꞌ maa, jee jíkánꞌ táꞌvíꞌ ni̱ꞌ ya̱ kunekáꞌnú iniꞌ nú kune̱ꞌyá nú nuꞌuꞌ ya̱ nkɨ̱ꞌɨ́nꞌ ni̱ꞌ”, nkachiꞌ‑i.

Lucas 14:18 ပူးပေါင်းရင်းမြစ်များ

Lucas 14:17

Jee sáá nkenta máá hora kuxíní jee nchu̱ichí re̱ꞌ musúꞌ re̱ꞌ kɨ̱kachiꞌ‑i nu̱u̱nꞌ rá ñɨvɨ ya̱ nkana re̱ꞌ, jee nkachiꞌ‑i: “Neꞌenꞌ rán, chi ya̱ íyó túꞌva xíní.”

Lucas 14:19

Jee inka ka̱ꞌ nkachiꞌ‑i: “Nkeꞌen ni̱ꞌ u̱ꞌu̱nꞌ yuntá xi̱ni̱kɨ̱ꞌ jee íyó kɨ̱ꞌɨ̱nꞌ ni̱ꞌ kototúníꞌ ni̱ꞌ rátíꞌ, jee jíkánꞌ táꞌvíꞌ ni̱ꞌ ya̱ kunekáꞌnú iniꞌ nú kune̱ꞌyá nú nuꞌuꞌ ya̱ nkɨ̱ꞌɨ́nꞌ ni̱ꞌ”, nkachiꞌ‑i.

Lucas 18:24

Jee sáá niniꞌ Jesús ya̱ nnu̱kuéká víꞌí iniꞌ‑i jee nkachiꞌ re̱ꞌ: ―¡Na̱ ka̱ꞌ víjí víꞌí ka̱ꞌ vá ki̱vɨ rá ñɨvɨ kúká xi̱ntíín Ndiosíꞌ nu̱u̱nꞌ tatúníꞌ re̱ꞌ nu̱u̱nꞌ‑u!

Lucas 8:14

Jee rá nikɨn ya̱ ñéteꞌ nteñu rá yu̱ku̱ꞌ iñu kúvi ráa rá ñɨvɨ ya̱ tésóꞌo ráa Tu̱ꞌun Ndiosíꞌ, soo nániꞌvɨꞌ iniꞌ ráa jie̱ꞌe̱ꞌ kue̱ꞌe̱ꞌ tiñu, jee kuíni ráa kukúká ráa, jee yɨ́tíñú ráa nu̱u̱nꞌ ya̱ sɨ́ɨ́ꞌ iniꞌ íyó iniꞌ ñɨ̱vɨ́ yaꞌá ni tékúꞌ ráa, jee sátéꞌéꞌ‑e ráa jee ntu jiáꞌnu ráa ntu jíjia iniꞌ ráa nu̱u̱nꞌ Tu̱ꞌun Ndiosíꞌ, kuéntáꞌ ntu kénta ku̱ꞌva nikɨn tataꞌ.

Juan 1:11

Jee nkiji re̱ꞌ nu̱u̱nꞌ ñuunꞌ maáréꞌ Israel jee rá ñɨvɨ re̱ꞌ ntu nnákuatáꞌví ráa re̱ꞌ.

Juan 5:40

’Jee ránoꞌó chi ntu kuíni rán natuꞌva rán nuꞌuꞌ sáva ni̱ꞌi̱nꞌ rán kutekuꞌ rán nɨ́ɨ́nkání jín Ndiosíꞌ.

Filipenses 3:4

Sú ntu íyó suꞌva, soo nuꞌuꞌ kuvi kuneí iniꞌ ni̱ꞌ jie̱ꞌe̱ꞌ tiñu nsa̱ꞌá ni̱ꞌ nékúvi. Retú néni ɨɨn ñɨvɨ jiáni iniꞌ ya̱ kuvi kuneí iniꞌ‑i ya̱ sáꞌá‑a, jee maáníꞌ saꞌ víꞌí káꞌ kuvi kuneí iniꞌ ni̱ꞌ jie̱ꞌe̱ꞌ ya̱ nsa̱ꞌá ni̱ꞌ nékúvi, chi:

2 Timoteo 4:10

Chi Demas nxi̱nóo nuꞌuꞌ, chi ñúnúunꞌ re̱ꞌ ka̱ꞌ rá íyó ñɨ̱vɨ́ yaꞌá, jee kua̱ꞌa̱nꞌ re̱ꞌ ne̱ ñuunꞌ Tesalónica. Jee Crescente kua̱ꞌa̱nꞌ ñuunꞌ Galacia. Jee Tito kua̱ꞌa̱nꞌ ñuunꞌ Dalmacia.

2 Timoteo 4:4

Jee nateeyátá ráa so̱ꞌo ráa nu̱u̱nꞌ tu̱ꞌun káꞌánꞌ na̱a̱ꞌ Ndiosíꞌ, jee nusɨ́ɨ́n ráa nu̱u̱nꞌ‑u sáva tɨɨn ráa kuentúꞌ yanaꞌán ya̱ kúvi kuentúꞌ ni.

Hebreos 12:16

Jín suni sáva ni nkóo ni ɨɨn ñɨvɨ nteñu rán ya̱ kúsíkɨ́‑ɨ maáa, ni ñɨvɨ ya̱ kuniichiꞌ‑i ya̱ váꞌa jiáꞌa Ndiosíꞌ, kuéntáꞌ nsa̱ꞌá Esaú. Chi nu̱u̱nꞌ kua̱chi ɨɨn ko̱ꞌo̱ꞌ neyu, nsama re̱ꞌ ta̱ꞌvi̱ꞌ re̱ꞌ ya̱ íyó ni̱ꞌi̱nꞌ re̱ꞌ jie̱ꞌe̱ꞌ nkaku re̱ꞌ xíꞌnañúꞌún jee suꞌva nxi̱kó re̱ꞌ maa.