Lucas 13:33 - Mixteco del suroeste de Tlaxiaco Oaxaca

³³ Soo íyó kɨ̱ꞌɨ̱nꞌ ni̱ꞌ vitan jín teenꞌ jín isáꞌ sáva kenta ni̱ꞌ Jerusalén nu̱u̱nꞌ íyó kɨ̱ꞌɨ̱nꞌ ni̱ꞌ. Chi rá te̱e ya̱ nákani ráa tu̱ꞌun jiáꞌa Ndiosíꞌ nu̱u̱nꞌ ráa, jee ntu íyó kuviꞌ iyo ráa inka ñuunꞌ.

Lucas 13:33 ပူးပေါင်းရင်းမြစ်များ

Mateo 20:18

―Ya jíníꞌ rán ya̱ vitan jee ya̱ kua̱nkaa‑ó ñuunꞌ káꞌnú Jerusalén, jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee naku̱ꞌva ɨɨn te̱e nuꞌuꞌ nu̱u̱nꞌ rá su̱tu̱ꞌ kúñáꞌnú jín nu̱u̱nꞌ rá te̱e xínéꞌénꞌ tu̱ꞌun tátúníꞌ Ndiosíꞌ yanaꞌán, jee sanáaꞌ ráa ya̱ kaꞌniꞌ ráa nuꞌuꞌ.

Mateo 21:11

Jee nkachiꞌ rá ñɨvɨ kuáꞌánꞌ jín Jesús: ―Yaꞌá kúvi Jesús ya̱ nákani re̱ꞌ tu̱ꞌun kéne yuꞌú máá maá Ndiosíꞌ. Kúvi re̱ꞌ te̱e ñuunꞌ Nazaret ya̱ tɨ́ɨn ñuꞌun Galilea ―nkachiꞌ ráa.

Lucas 9:53

Soo ntu njiáꞌa rá ñɨvɨ ñuunꞌ vá kino̱o re̱ꞌ yukuán, chi niniꞌ ráa ya̱ ñúꞌún iniꞌ re̱ꞌ kɨ̱ꞌɨ̱nꞌ re̱ꞌ Jerusalén.

Juan 11:54

Saáva ntu ka̱ꞌ nikanuun nijinꞌ Jesús nteñu rá ñɨvɨ ñuunꞌ Israel, chisaꞌ nkene iyo re̱ꞌ nu̱u̱nꞌ ñuunꞌ Judea, jee kua̱ꞌa̱nꞌ re̱ꞌ nu̱u̱nꞌ ɨɨn ñuunꞌ naní Efraín, ya̱ káá yatin nu̱u̱nꞌ ñu̱ꞌún saɨn, jee nu̱u̱nꞌ ñuunꞌ yukuán nkino̱o re̱ꞌ nneeꞌ re̱ꞌ jín rá te̱e súkuáꞌa re̱ꞌ ráa.

Juan 11:9

Jee nna̱xiníkó Jesús [ya̱ íyó saꞌá re̱ꞌ tiñu Tátáꞌ re̱ꞌ]: ―¿Á nsú u̱xu̱ꞌ u̱vi̱ꞌ (12) hora ya̱ ɨɨn nuví rúja? Retú néni ɨɨn ñɨvɨ jíka‑a ni kúvi nuví, jee ntu kákɨ́ꞌɨ jie̱ꞌe̱ꞌ‑e, chi néꞌyá‑a ñuꞌunꞌ túúnꞌ nu̱u̱nꞌ ñɨ̱vɨ́ yaꞌá.

Juan 12:35

Saájee nkachiꞌ Jesús nu̱u̱nꞌ ráa: ―Nuꞌuꞌ, ya̱ kúvi ni̱ꞌ ñuꞌunꞌ túúnꞌ iniꞌ ánímaꞌ rán, jee yakuꞌ ni ka̱ꞌ ki̱vɨ̱ꞌ íyó kuneeꞌ ni̱ꞌ jín rán. Saáva kueꞌnu rán nu̱u̱nꞌ ñuꞌunꞌ vá ni túúnꞌ‑u iniꞌ ánímaꞌ rán, sáva nsáꞌ kenta kueꞌnu rán nu̱u̱nꞌ ñu̱neenꞌ ya̱ kúvi ya̱ niva̱ꞌa, chi ñɨvɨ ya̱ jiáꞌnu nu̱u̱nꞌ ñu̱neenꞌ ntu kútúníꞌ né ɨɨn ichi kɨ̱ꞌɨ̱nꞌ ráa.

Juan 4:34

Jee nkachiꞌ Jesús nu̱u̱nꞌ ráa: ―Neyu yájíꞌ ni̱ꞌ ví ya̱ saꞌá ni̱ꞌ sáni kuíni maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ, jín ya̱ sijínu ni̱ꞌ tiñu re̱ꞌ.

Juan 9:4

Maáórán íyó saꞌá‑ó tiñu maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ, ni kúvi kuéntáꞌ nuví, chi kiji tiempúꞌ kuéntáꞌ nu̱u̱nꞌ neenꞌ kuéntáꞌ yakuááꞌ jee ni ɨɨn ñɨvɨ nkúvi satíñú ka̱ꞌ.

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.

Hechos 13:27

Jee rá ñɨvɨ nééꞌ ñuunꞌ Jerusalén jín rá te̱e kúñáꞌnú nu̱u̱nꞌ ráa, ntu nnákuniꞌ ráa ya̱ Jesús ví ya̱ ñani Ndiosíꞌ sáva xinánitáꞌvíꞌ re̱ꞌ yó. Jee ntu ñáku̱ꞌun iniꞌ ráa tu̱ꞌun nkachiꞌ rá te̱e nna̱kani tu̱ꞌun nkene yuꞌú Ndiosíꞌ ya̱ níso nu̱u̱nꞌ Tutuꞌ, sú káꞌvi ráa tu̱ꞌun vá ta rá ki̱vɨ̱ꞌ nájiáví. Sú ntu jíníꞌ ráa ná kúvi ya̱ sáꞌá ráa, nsi̱kúnkuvi ráa ya̱ káchíꞌ tu̱ꞌun vá, sáá nsa̱náaꞌ ráa ya̱ kaꞌniꞌ ráa maa.