Lucas 13:24 - Mixteco del suroeste de Tlaxiaco Oaxaca

²⁴ ―Nunasɨ́ ki̱vɨ yuvéꞌí tíkuíñɨ́ ya̱ ki̱vɨ rán xi̱ntíín Ndiosíꞌ nu̱u̱nꞌ tátúníꞌ re̱ꞌ. Chi káchíꞌ ni̱ꞌ nu̱u̱nꞌ rán ya̱ kue̱ꞌe̱ꞌ víꞌí rá ñɨvɨ nukú ráa ki̱vɨ ráa maa, soo ni nkúvi ki̱vɨ ráa.

Lucas 13:24 ပူးပေါင်းရင်းမြစ်များ

Mateo 11:12

Jee Juan, te̱e síkuánuté, chi ne̱ ki̱vɨ̱ꞌ nka̱jiéꞌé stékútu̱ꞌún re̱ꞌ Tu̱ꞌun Ndiosíꞌ, jín ne̱ vitan, jee núnasɨ́ víꞌí rá ñɨvɨ ki̱vɨ ráa xi̱ntíín Ndiosíꞌ ya̱ nééꞌ re̱ꞌ antivɨ́ súkún tatúníꞌ re̱ꞌ nu̱u̱nꞌ ráa, jee jiásɨ́ꞌ rá te̱e xe̱e̱nꞌ nu̱u̱nꞌ ráa.

Lucas 13:23

Jee ɨɨn rá ñɨvɨ ni̱ka̱tu̱ꞌún‑u re̱ꞌ: ―I̱toꞌoꞌ, ¿á yakuꞌ ni ñɨvɨ xinánitáꞌvíꞌ Ndiosíꞌ ráa? ―nkachiꞌ‑i. Jee nkachiꞌ Jesús nu̱u̱nꞌ‑u:

Lucas 21:36

Saáva nito koo rán, ka̱ka̱nꞌ táꞌvíꞌ rán nu̱u̱nꞌ Ndiosíꞌ ntáká tiempúꞌ, sáva kuneí rán ka̱ku rán nu̱u̱nꞌ nta̱ká rá tu̱nóꞌó yaꞌá kiji, jee sáva kuneí rán kenta rán kuiñɨ rán ichinúúnꞌ nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ―nkachiꞌ Jesús.

Juan 13:33

’Ránoꞌó, ya̱ kúvi kuéntáꞌ se̱ꞌya ni̱ꞌ, vitan jee yakuꞌ ni tiempúꞌ ka̱ꞌ íyó kuneeꞌ ni̱ꞌ jín ránoꞌó. Jee kuíre nanukú rán nuꞌuꞌ, soo kuéntáꞌ ya̱ nkachiꞌ ni̱ꞌ nu̱u̱nꞌ rá te̱e kúñáꞌnú nu̱u̱nꞌ ñɨvɨ Israel, jee suni sukuán káchíꞌ ni̱ꞌ nu̱u̱nꞌ rán vitan ya̱: Nu̱u̱nꞌ kɨ̱ꞌɨ̱nꞌ ni̱ꞌ, jee nkúvi kɨ̱ꞌɨ̱nꞌ rán.

Juan 5:4

Chi íyó sava íchí jee kíji nkuun ɨɨn najiáꞌáꞌ ííꞌ Ndiosíꞌ nu̱u̱nꞌ pila nute vá, jee síkántáꞌ‑a nute vá. Jee ñɨvɨ xíꞌnañúꞌún ka̱ꞌ ki̱vɨ̱ꞌ nu̱u̱nꞌ nute vá retú kántáꞌ‑a, jee nuvi ñɨvɨ vá nu̱u̱nꞌ na̱ni kue̱ꞌi̱ꞌ nóꞌo‑o.]

Juan 6:27

Koto nániꞌvɨꞌ iniꞌ rán jie̱ꞌe̱ꞌ ya̱ yájíꞌ ya̱ tívɨ́. Chisaꞌ naniꞌvɨꞌ iniꞌ rán ni̱ꞌi̱nꞌ rán kuéntáꞌ ɨɨn ya̱ yájíꞌ ya̱ íyó nɨ́ɨ́nkání ya̱ sáꞌá‑a ya̱ kutekuꞌ rán nɨ́ɨ́nkání jín Ndiosíꞌ. Yaꞌá vá taji ni̱ꞌ nu̱u̱nꞌ ránoꞌó, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, chi Tátáꞌ ni̱ꞌ Ndiosíꞌ nstúvi re̱ꞌ nu̱u̱nꞌ ñɨvɨ ya̱ ñani re̱ꞌ nuꞌuꞌ kuniso ni̱ꞌ tiñu vá sáva nakuniꞌ ñɨvɨ níso ni̱ꞌ tiñu vá.

Juan 7:34

Jee nanukú rán nuꞌuꞌ, soo ni nsáꞌ naniꞌinꞌ rán nuꞌuꞌ, chi nu̱u̱nꞌ kɨ̱ꞌɨ̱nꞌ ni̱ꞌ kuneeꞌ ni̱ꞌ, jee nkúvi kɨ̱ꞌɨ̱nꞌ rán kuneeꞌ rán yukuán ―nkachiꞌ Jesús nu̱u̱nꞌ ráa.

Juan 8:21

Saájee tukuni nkachiꞌ Jesús nu̱u̱nꞌ ráa: ―Nuꞌuꞌ chi kɨ̱ꞌɨ̱nꞌ ni̱ꞌ, jee nanukú rán nuꞌuꞌ, soo nsáꞌ naniꞌinꞌ rán nuꞌuꞌ, chi kuniso i̱i̱ꞌ rán kua̱chi sáá kuviꞌ rán. Saáva nsáꞌ kuvi kɨ̱ꞌɨ̱nꞌ rán nu̱u̱nꞌ kɨ̱ꞌɨ̱nꞌ ni̱ꞌ kuneeꞌ ni̱ꞌ ―nkachiꞌ Jesús.

Romanos 10:3

Chi ntu tɨ́ɨn kuéntáꞌ ráa ya̱ Ndiosíꞌ ví ya̱ sáꞌá re̱ꞌ ya̱ kino̱o na̱a̱ꞌ ñɨvɨ nu̱u̱nꞌ re̱ꞌ. Chisaꞌ núkú ráa saꞌá maáráa ya̱ kino̱o na̱a̱ꞌ ráa nu̱u̱nꞌ re̱ꞌ, jee ntu chíꞌi ráa maáráa nu̱u̱nꞌ ya̱ sáꞌá re̱ꞌ ya̱ kino̱o na̱a̱ꞌ ráa nu̱u̱nꞌ re̱ꞌ.

Colosenses 1:29

Jee saáva núnasɨ́ ni̱ꞌ saꞌá ni̱ꞌ fesáꞌ saꞌá ni̱ꞌin ni̱ꞌ tiñu yaꞌá, jie̱ꞌe̱ꞌ ya̱ sátíñú ni̱ꞌin Cristo iniꞌ nuꞌuꞌ, jín fuersáꞌ níso re̱ꞌ.

Hebreos 4:11

Saáva íyó nunasɨ́‑ó ki̱vɨ‑ó nu̱u̱nꞌ najia̱ví‑ó sáni nna̱jia̱ví re̱ꞌ, sáva ni ɨɨn‑ó ntu kininkava‑a saꞌá‑a kua̱ꞌ nsa̱ꞌá rá ñɨvɨ vá ya̱ ntu nka̱níjiá ráa.

2 Pedro 1:10

Saáva, ránoꞌó ñanitáꞌán, nikó néí rán kueꞌnu rán sánikua̱ꞌ kuíni re̱ꞌ sáva tu̱vi niji ya̱ nkana Ndiosíꞌ ránoꞌó jín ya̱ nkáji re̱ꞌ ránoꞌó kuvi rán ñɨvɨ re̱ꞌ. Jee retú saꞌá nijia rán ntáká rá tiñu yaꞌá jee ni nsáꞌ kininkava rán ntu íyó nanikó ya̱ta̱ꞌ iniꞌ rán ichi Cristo.