Lucas 13:22 - Mixteco del suroeste de Tlaxiaco Oaxaca

²² Jee kua̱jia̱ꞌa Jesús nu̱u̱nꞌ rá ñuunꞌ jín kuaríáꞌ xínéꞌénꞌ re̱ꞌ Tu̱ꞌun Ndiosíꞌ nu̱u̱nꞌ rá ñɨvɨ yukuán jee kua̱ꞌa̱nꞌ re̱ꞌ ichi nu̱u̱nꞌ ñuunꞌ Jerusalén.

Lucas 13:22 ပူးပေါင်းရင်းမြစ်များ

Mateo 9:35

Nni̱kónúun Jesús ntáká rá ñuunꞌ jín rá kuaríáꞌ, xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel, jee stékútu̱ꞌún re̱ꞌ tu̱ꞌun váꞌa jie̱ꞌe̱ꞌ kuvi ki̱vɨ ñɨvɨ naꞌá Ndiosíꞌ tátúníꞌ‑i nu̱u̱nꞌ ráa, jee suni xínúvi re̱ꞌ rá ñɨvɨ kúꞌvíꞌ nu̱u̱nꞌ ntáká rá kue̱ꞌi̱ꞌ jín rá ñɨvɨ ya̱ táyáꞌ ñunéꞌyúꞌ ráa.

Marcos 6:6

Jee nti̱vɨ́ xíniꞌ re̱ꞌ, chi ntu kúneí iniꞌ ráa re̱ꞌ. Jee ni̱kónúun re̱ꞌ rá ñuunꞌ yatin yukuán, jee xínéꞌénꞌ re̱ꞌ Tu̱ꞌun Ndiosíꞌ.

Lucas 13:23

Jee ɨɨn rá ñɨvɨ ni̱ka̱tu̱ꞌún‑u re̱ꞌ: ―I̱toꞌoꞌ, ¿á yakuꞌ ni ñɨvɨ xinánitáꞌvíꞌ Ndiosíꞌ ráa? ―nkachiꞌ‑i. Jee nkachiꞌ Jesús nu̱u̱nꞌ‑u:

Lucas 9:51

Jee sáá nku̱yatin tiempúꞌ ya̱ kɨ̱noꞌonꞌ Jesús kɨ̱naa re̱ꞌ antivɨ́ súkún, jee ɨɨn ni ñúꞌún iniꞌ re̱ꞌ ya̱ kɨ̱ꞌɨ̱nꞌ re̱ꞌ ñuunꞌ Jerusalén.

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.