Lucas 13:21 - Mixteco del suroeste de Tlaxiaco Oaxaca

²¹ Kúvi‑i kuéntáꞌ íyó levadura, ya̱ ntɨɨn ɨɨn ñaꞌan nsakaꞌ ña maa jín o̱ko̱ꞌ xa̱ꞌu̱nꞌ ku̱mi̱ꞌ (39) litro yuchi trigúꞌ, jee nxi̱náa‑a kua̱íyó chi̱ji ñujien vá ―nkachiꞌ Jesús.

Lucas 13:21 ပူးပေါင်းရင်းမြစ်များ

Mateo 13:33

Jee inka tuku ka̱ꞌ tu̱ꞌun kúnkunuún nkachiꞌ Jesús nu̱u̱nꞌ ráa: ―Suꞌva tátúníꞌ Ndiosíꞌ nééꞌ antivɨ́ nu̱u̱nꞌ rá ñɨvɨ yɨ́ꞌɨ́ xi̱ntíín re̱ꞌ, kúvi‑i kuéntáꞌ íyó levadura ya̱ ntɨɨn ɨɨn ñaꞌan, jee nsakaꞌ ña maa jín o̱ko̱ꞌ xa̱ꞌu̱nꞌ ku̱mi̱ꞌ (39) litro yuchi trigúꞌ, nekuaꞌ nxi̱náa‑a kua̱íyó chi̱ji ñujien vá ―nkachiꞌ Jesús.

Lucas 13:20

Jee suni nkachiꞌ tuku Jesús: ―¿Ná kúvi ya̱ saꞌá nuún ni̱ꞌ jín na̱ja sátíñú Ndiosíꞌ iniꞌ rá ñɨvɨ yɨ́ꞌɨ́ xi̱ntíín re̱ꞌ?

Juan 15:2

Jee ntáká ñɨvɨ ni̱ꞌ ya̱ ntu jiáꞌnu sáni kuíni Ndiosíꞌ kúvi kuéntáꞌ naꞌá yokúꞌúꞌ ni̱ꞌ ya̱ ntu̱ví kúun uva, jee sííyo Tátáꞌ ni̱ꞌ maa, kuéntáꞌ sííyo ñɨvɨ naꞌá yokúꞌúꞌ. Jee ntáká rá ñɨvɨ ya̱ jiáꞌnu ichi Ndiosíꞌ kúvi ráa kuéntáꞌ naꞌá yokúꞌúꞌ ni̱ꞌ ya̱ kúun uva, jee sáꞌá re̱ꞌ jín ráa kuéntáꞌ nu̱u̱nꞌ sáꞌá noo re̱ꞌ rá yokúꞌúꞌ uva, sáva kuun ka̱ꞌ uva maa, jee suni sukuán sáꞌá re̱ꞌ jín ráa.

Juan 4:14

Soo ñɨvɨ ya̱ koꞌo nute ya̱ ku̱ꞌva ni̱ꞌ nu̱u̱nꞌ‑u, jee ni nsáꞌ kujichiꞌ ka̱ꞌ. Chisaꞌ nute ya̱ ku̱ꞌva ni̱ꞌ koꞌo‑o, jee kene vá iniꞌ‑i kuéntáꞌ kene nokoꞌ nute nu̱u̱nꞌ ñu̱ꞌún, jee saꞌá‑a ya̱ ni̱ꞌi̱nꞌ ñɨvɨ ya̱ kutekuꞌ‑u nɨ́ɨ́nkání jín Ndiosíꞌ ―nkachiꞌ Jesús.

1 Corintios 5:6

Ntu̱ví íyó va̱ꞌa ya̱ káꞌánꞌ téyɨ́ɨ́ rán, chi, ¿á ntu jíníꞌ rán ya̱ “sú máá lúlí ni levadura chíꞌi‑ó ñujien, jee náa nɨꞌɨ ñujien vá sáꞌá‑a” résa?

Filipenses 1:6

Suni jiáꞌa ni̱ꞌ ya̱ kútaꞌviꞌ jie̱ꞌe̱ꞌ rán, chi ne̱ yuchí kúkáꞌnú nijia iniꞌ ni̱ꞌ ya̱ Ndiosíꞌ ya̱ nka̱jiéꞌé nsa̱ꞌá re̱ꞌ tiñu váꞌa iniꞌ rán, jee chuchítú re̱ꞌ íchí kunikɨnꞌ re̱ꞌ sikúnkuvi re̱ꞌ tiñu váꞌa vá ne̱ ki̱vɨ̱ꞌ niji Cristo Jesús.

Santiago 1:21

Saáva íyó siyo rán nta̱ká tiñu ntu̱ví íyó ninuꞌun jín rá niváꞌa ya̱ kúkueꞌeꞌ, jee koo vi̱ta iniꞌ rán jee tɨɨn rán Tu̱ꞌun Ndiosíꞌ nchuꞌun re̱ꞌ iniꞌ ánímaꞌ rán, chi tu̱ꞌun vá ya̱ íyó fuersáꞌ ííꞌ níꞌin sáva natavaꞌ‑a ránoꞌó nu̱u̱nꞌ kua̱chi rán sikáku‑u ránoꞌó.