Lucas 13:13 - Mixteco del suroeste de Tlaxiaco Oaxaca

¹³ Jee nchi̱só re̱ꞌ rá naꞌá re̱ꞌ ña, jee kuíntañúꞌún kuitɨꞌ nnu̱na̱a̱ꞌ ya̱ta̱ꞌ ña, jee nákuetúꞌún víꞌí ña jie̱ꞌe̱ꞌ Ndiosíꞌ.

Lucas 13:13 ပူးပေါင်းရင်းမြစ်များ

Mateo 9:8

Jee sáá niniꞌ rá ñɨvɨ ya̱ nsa̱ꞌá Jesús, jee nti̱vɨ́ xá xi̱ni̱ꞌ ráa. Jee nna̱kuetúꞌún víꞌí ráa Ndiosíꞌ, ya̱ suꞌva njiáꞌa Ndiosíꞌ fuersáꞌ ííꞌ níꞌin níso re̱ꞌ nu̱u̱nꞌ ñɨvɨ.

Marcos 16:18

Jee tɨɨn ráa ko̱o̱ꞌ xe̱e̱nꞌ, jee ré koꞌo ráa nute kútáꞌán jín ñuꞌun xéénꞌ, jee ntu̱náꞌ kunoꞌo ráa. Jee suni chisó ráa naꞌá ráa nu̱u̱nꞌ rá kúꞌvíꞌ jee nuvi rává ―nkachiꞌ Jesús.

Marcos 5:23

jee ni̱ka̱nꞌ táꞌvíꞌ ñáꞌnú re̱ꞌ nu̱u̱nꞌ Jesús, jee nkachiꞌ re̱ꞌ: ―Se̱ꞌya sɨ́ꞌɨ́ ni̱ꞌ sa̱néꞌ íyó kuviꞌ‑i. Kɨ̱ꞌɨ̱nꞌ nú xá chisó nú rá naꞌá nú ña, sáva nuvi ña jee kutekuꞌ ña ―nkachiꞌ re̱ꞌ.

Marcos 6:5

Jee ntu nkúvi saꞌá Jesús kue̱ꞌe̱ꞌ a̱nasɨ́, soo kua̱chi ntee re̱ꞌ naꞌá re̱ꞌ nu̱u̱nꞌ yakuꞌ rá ñɨvɨ kúꞌvíꞌ jee nxi̱núvi re̱ꞌ ráa.

Marcos 8:25

Saájee ntee tuku Jesús naꞌá‑a nu̱u̱nꞌ rá nchinúún te̱e kuáá vá jee nxi̱núvi re̱ꞌ maa. Jee va̱ꞌa nne̱ꞌyá‑a, saájee kájíkuitɨꞌ nna̱kune̱ꞌyá‑a nɨꞌɨ.

Lucas 13:12

Jee sáá niniꞌ Jesús ña, nkana re̱ꞌ ña, jee nkachiꞌ re̱ꞌ nu̱u̱nꞌ ña: ―Noꞌó ñaꞌan, nákuíñɨꞌ núne nú nu̱u̱nꞌ kue̱ꞌi̱ꞌ nú ―nkachiꞌ re̱ꞌ.

Lucas 18:43

Jee kuísá ntañúꞌún kuitɨꞌ nnu̱nijinꞌ nchinúún‑u, jee nna̱kune̱ꞌyá‑a, jee nchi̱nikɨnꞌ‑ɨ Jesús, jee nákuetúꞌún‑u Ndiosíꞌ. Jee ntáká rá ñɨvɨ ya̱ niniꞌ ráa ya̱ nkuvi, suni nákuetúꞌún ráa Ndiosíꞌ jie̱ꞌe̱ꞌ vá.

Lucas 4:40

Jee sáá ntaꞌanꞌ nka̱niiꞌ, jee ntáká rá ñɨvɨ kúꞌvíꞌ ya̱ nóꞌo ráa sɨ́ɨ́n sɨ́ɨ́n nu̱u̱nꞌ kue̱ꞌi̱ꞌ ña̱siáꞌa rá táꞌánꞌ veꞌi ráa maáráa nu̱u̱nꞌ Jesús, jee ntee re̱ꞌ naꞌá re̱ꞌ ta nu̱u̱nꞌ ɨɨn ɨɨn ráa, jee nxi̱núvi re̱ꞌ ráa.

Hechos 9:17

Saájee ña̱ꞌa̱nꞌ Ananías jee nki̱vɨ re̱ꞌ veꞌi nu̱u̱nꞌ nééꞌ Saulo. Jee nchi̱só re̱ꞌ naꞌá re̱ꞌ nu̱u̱nꞌ‑u, jee nkachiꞌ re̱ꞌ: ―Ñaniꞌ, Saulo. I̱toꞌoꞌ‑ó, Jesús, ntu̱vi re̱ꞌ nu̱u̱nꞌ nú iniꞌ ichi váji nú. Jee maáréꞌ nta̱jí re̱ꞌ nuꞌuꞌ, sáva kuvi nu̱nijínꞌ nchinúún nú, jee sáva chitú Ta̱chi̱ꞌ Ííꞌ satíñú‑u iniꞌ noꞌó ―nkachiꞌ Ananías.