Lucas 12:45 - Mixteco del suroeste de Tlaxiaco Oaxaca

⁴⁵ Soo retú jiáni iniꞌ musúꞌ vá iniꞌ ánímaꞌ re̱ꞌ: “Kúkuéé i̱toꞌoꞌ ni̱ꞌ nenta re̱ꞌ”, jee kajiéꞌé ku̱ꞌva re̱ꞌ rá te̱e jín rá ñaꞌan kúvi musúꞌ yɨ́ꞌɨ́ xi̱ntíín re̱ꞌ jee kajiꞌ re̱ꞌ koꞌo re̱ꞌ jee ku̱ni re̱ꞌ,

Lucas 12:45 ပူးပေါင်းရင်းမြစ်များ

Mateo 22:6

Jee rá inka ka̱ꞌ ntɨɨn ráa rá musúꞌ te̱e tátúníꞌ vá, jee nsa̱ꞌá kini ráa rává, jee ñaꞌniꞌ ráa rává.

Lucas 12:44

Jee máá naáꞌ vá káchíꞌ ni̱ꞌ nu̱u̱nꞌ rán ya̱ i̱toꞌoꞌ musúꞌ vá kani re̱ꞌ maa kuneen kuéntáꞌ‑a kua̱íyó rá nantíñú kúmí re̱ꞌ.

Lucas 12:46

saájee nenta i̱toꞌoꞌ musúꞌ vá máá ki̱vɨ ya̱ ntu ñúꞌún iniꞌ‑i nenta re̱ꞌ jín máá hora ya̱ ntu jíníꞌ‑i, jee xe̱e̱nꞌ xinóꞌo re̱ꞌ maa jee naskánitáꞌán re̱ꞌ maa kɨ̱ꞌɨ̱nꞌ‑ɨ nu̱u̱nꞌ kunoꞌo‑o jín rá ñɨvɨ ya̱ ntu síkúnkuvi na̱a̱ꞌ ráa nu̱u̱nꞌ re̱ꞌ.

Lucas 21:34

’Saáva kumí rán maárán ya̱ koto túví rán maárán nu̱u̱nꞌ ñujiínꞌ ya̱ stívɨ́ rán maárán, jín nu̱u̱nꞌ ya̱ ku̱ka̱ꞌva rán nu̱u̱nꞌ nixiꞌ, jín nu̱u̱nꞌ ya̱ nívini naniꞌvɨꞌ iniꞌ rán na̱ni jie̱ꞌe̱ꞌ ya̱ íyó ni tékúꞌ rán iniꞌ ñɨ̱vɨ́ yaꞌá, sáva ntu kininkava sa̱naanꞌ kuitɨꞌ ki̱vɨ̱ꞌ vá ya̱ta̱ꞌ rán,

Juan 2:10

Jee nkachiꞌ re̱ꞌ nu̱u̱nꞌ‑u: ―Nta̱ká ñɨvɨ jee xíꞌna ka̱ꞌ jiáꞌa ráa maá nixiꞌ nu̱xi uva váꞌa ka̱ꞌ. Jee sáá ya̱ jíjin rá ñɨvɨ jee jiáꞌa ráa nixiꞌ nu̱xi uva láꞌví ka̱ꞌ. Soo noꞌó chi nte̱va̱ꞌa nú ya̱ váꞌa ka̱ꞌ ne̱ ntañúꞌún.

Hechos 2:18

Jee rá ki̱vɨ̱ꞌ vá, chisó ni̱ꞌ Ta̱chi̱ꞌ Ííꞌ ni̱ꞌ nu̱u̱nꞌ rá te̱e jín rá ñaꞌan, ya̱ kúvi rá musúꞌ ni̱ꞌ rá kuatíñú ni̱ꞌ. Jee nakani ráa tu̱ꞌun kene yuꞌú ni̱ꞌ.

Romanos 16:18

Chi rá ñɨvɨ sáꞌá sukuán jee ntu yɨ́tíñú ráa nu̱u̱nꞌ I̱toꞌoꞌ‑ó Cristo, chisaꞌ chíñúꞌún ráa chi̱ji maáráa. Jee ne̱ jiákɨ́nꞌ ráa tu̱ꞌun káꞌánꞌ ráa jín tu̱ꞌun yɨ́ñúꞌún káꞌánꞌ ráa, jee sukuán xínáꞌví ráa ánímaꞌ rá ñɨvɨ ya̱ ntiáꞌan kujia iniꞌ rává Tu̱ꞌun Ndiosíꞌ.

2 Corintios 11:20

Chi yɨ́netuꞌ rán jiéꞌnéꞌ iniꞌ rán nu̱u̱nꞌ ráa retú néni ɨɨn ñɨvɨ chíꞌi‑i ránoꞌó xi̱ntíín‑i kuéntáꞌ musúꞌ saɨn kéꞌen ñɨvɨ, retú néni ɨɨn ñɨvɨ xínɨ́ꞌɨ‑ɨ ránoꞌó jín nantíñú rán, retú néni ɨɨn ñɨvɨ nééꞌ nu̱u̱nꞌ‑u ránoꞌó jie̱ꞌe̱ꞌ rá nantíñú rán, retú néni ɨɨn ñɨvɨ sáꞌá ñáꞌnú‑u maáa, retú néni ɨɨn ñɨvɨ kátúꞌ‑u nu̱u̱nꞌ rán.

1 Tesalonicenses 5:7

Chi kíxíꞌ rá ñɨvɨ yakuááꞌ. Jee rá te̱e jíni jíꞌi ráa yakuááꞌ.

2 Pedro 2:13

Jee sánikua̱ꞌ nxi̱nóꞌo ráa rá inka ñɨvɨ, jee suni sukuán ni̱ꞌi̱nꞌ ráa nakunoꞌo ráa nachunáán ráa maa. Chi ne̱ kúsɨ́ɨꞌ iniꞌ ráa tiñu sɨ̱ɨ̱ꞌ iniꞌ ráa asúnika̱ꞌ nuví. Jee máá ñɨvɨ kini sátéꞌén kúvi ráa jie̱ꞌe̱ꞌ na̱sa jiáꞌnu ráa, jín jiáꞌa ráa tu̱nkánuun, jee kúsɨ́ɨꞌ iniꞌ ráa xínáꞌví ráa ránoꞌó sáá yájíꞌ ráa jín rán.

2 Pedro 2:19

Chísóyuꞌú ráa ya̱ kuiñɨ núne rá ñɨvɨ ya̱ kuvi saꞌá rá ñɨvɨ vá néni ɨɨn tiñu ya̱ kúvi iniꞌ maá rá ñɨvɨ vá, soo maáráa chi kúvi ráa musúꞌ ya̱ yɨ́ꞌɨ́ ráa xi̱ntíín ya̱ níyo néꞌí iniꞌ ráa. Chi kúvi ñɨvɨ musúꞌ ya̱ yɨ́ꞌɨ́‑ɨ xi̱ntíín ne̱ ni ɨɨn ya̱ kúneí vá jín‑i.

Apoclipsis 16:6

Chi ñaꞌniꞌ ráa rá ñɨvɨ nsa̱ꞌá sɨ́ɨ́n nú kɨꞌɨ rává nu̱u̱nꞌ nú, jín rá ñɨvɨ ya̱ nna̱kani ráa tu̱ꞌun nkene yuꞌú nú, jee ñatɨ ni̱ñɨ̱ꞌ rává. Saájee nna̱ku̱ꞌva nú ni̱ñɨ̱ꞌ koꞌo ráa, ya̱ íyó níꞌínꞌ ráa tu̱nóꞌó vá, nkachiꞌ‑i.

Apoclipsis 18:24

Chi níso rá ñɨvɨ ñuunꞌ nú kua̱chi ni̱yɨ si̱kɨ̱ꞌ ráa, jie̱ꞌe̱ꞌ ñaꞌniꞌ ráa rá ñɨvɨ ya̱ nna̱kani ráa tu̱ꞌun nkene yuꞌú Ndiosíꞌ, jín rá ñɨvɨ ya̱ nsa̱ꞌá sɨ́ɨ́n re̱ꞌ kɨꞌɨ ráa nu̱u̱nꞌ re̱ꞌ, jín ntáká ka̱ꞌ rá ñɨvɨ ya̱ ñaꞌniꞌ ráa né ni ví nkuvi iniꞌ ñɨ̱vɨ́, nkachiꞌ najiáꞌáꞌ ííꞌ vá.