Lucas 12:37 - Mixteco del suroeste de Tlaxiaco Oaxaca

³⁷ Jee na̱ ka̱ꞌ netuꞌ ka̱ꞌ ví rá musúꞌ vá sáá nenta i̱toꞌoꞌ xí tiñu ráa jee naniꞌinꞌ re̱ꞌ ráa ya̱ íyó nito ráa. Jee máá naáꞌ nijia vá káchíꞌ ni̱ꞌ nu̱u̱nꞌ rán ya̱ suni ne̱ maá i̱toꞌoꞌ ráa nasatúꞌva re̱ꞌ maáréꞌ, jee sikúneeꞌ re̱ꞌ ráa yumesáꞌ, jee chisó re̱ꞌ nu̱u̱nꞌ ráa ya̱ kajiꞌ ráa.

Lucas 12:37 ပူးပေါင်းရင်းမြစ်များ

Mateo 24:42

Saáva nito koo rán, chi ntu jíníꞌ rán na̱ ki̱vɨ̱ꞌ niji I̱toꞌoꞌ rán.

Lucas 12:36

Íyó saꞌá rán kuéntáꞌ rá musúꞌ nétu ráa nenta I̱toꞌoꞌ ráa ya̱ kuáꞌán‑a ɨɨn viko tánáꞌá, jee sáva sáá nikó‑o jee sikájián‑a yuvéꞌí jee ntañúꞌún kuitɨꞌ sine ráa maa.

Lucas 12:43

Na̱ ka̱ꞌ netuꞌ ka̱ꞌ ví musúꞌ yukuán ya̱ sáá nenta i̱toꞌoꞌ‑o, jee naniꞌinꞌ re̱ꞌ maa síkúnkuvi na̱a̱ꞌ‑a sukuán.

Lucas 17:8

¡Ntu̱ví kuitɨꞌ! Chisaꞌ, ¿á nsáꞌ kachiꞌ nú nu̱u̱nꞌ‑u: “Saꞌá stákoo ya̱ kuxíní ni̱ꞌ, jee nasatúꞌva nú maánú sáva chisó nú ya̱ kajiꞌ ni̱ꞌ ne̱kua̱ꞌ ré nkuvi nyajiꞌ ni̱ꞌ niꞌi ni̱ꞌ, saájee kuíre kajiꞌ nú koꞌo nú”, káchíꞌ nú rúja?

Lucas 21:36

Saáva nito koo rán, ka̱ka̱nꞌ táꞌvíꞌ rán nu̱u̱nꞌ Ndiosíꞌ ntáká tiempúꞌ, sáva kuneí rán ka̱ku rán nu̱u̱nꞌ nta̱ká rá tu̱nóꞌó yaꞌá kiji, jee sáva kuneí rán kenta rán kuiñɨ rán ichinúúnꞌ nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ―nkachiꞌ Jesús.

Lucas 22:27

Chi, ¿né ɨɨn kúvi ya̱ kúñáꞌnú ka̱ꞌ, á ya̱ nééꞌ yuꞌú mesa yájíꞌ‑i, áxí ya̱ chísó ko̱ꞌo̱ꞌ nu̱u̱nꞌ mesa rúja? ¿Á ntu su kúñáꞌnú ka̱ꞌ kúvi ya̱ nééꞌ yuꞌú mesa rúja? Soo nuꞌuꞌ, jee nééꞌ ni̱ꞌ nteñu rán kuéntáꞌ kua̱ꞌ ɨɨn musúꞌ, ya̱ yɨ́tíñú ni̱ꞌ nu̱u̱nꞌ rán.

Juan 12:26

Jee retú íyó ne̱ ni ɨɨn sátíñú‑u nu̱u̱nꞌ nuꞌuꞌ, jee íyó‑o kunikɨnꞌ‑ɨ nuꞌuꞌ. Chi ñɨvɨ ya̱ sátíñú nu̱u̱nꞌ nuꞌuꞌ, jee nu̱u̱nꞌ kuneeꞌ ni̱ꞌ jee suni yukuán kuneeꞌ musúꞌ ni̱ꞌ. Jee retú íyó ɨɨn ñɨvɨ sátíñú nu̱u̱nꞌ nuꞌuꞌ, jee saꞌá Tátáꞌ ni̱ꞌ ya̱ kúñáꞌnú ráa.

1 Corintios 2:9

Chi suꞌva nsi̱kúnkuvi Ndiosíꞌ sánikua̱ꞌ káꞌánꞌ tu̱ꞌun nééꞌ nu̱u̱nꞌ Tutuꞌ níso Tu̱ꞌun re̱ꞌ ya̱ káchíꞌ: Ya̱ váꞌa nsa̱ꞌá stákoo Ndiosíꞌ ya̱ kuvi ñɨvɨ ñúnúunꞌ ráa re̱ꞌ, jee yukuán ni ɨɨn ñɨvɨ ntu̱ví néꞌyá jínúunꞌ maa, jee ni ntu̱ví tésóꞌo ráa jín so̱ꞌo jie̱ꞌe̱ꞌ‑e, ni ntu̱ví jiáni iniꞌ ánímaꞌ ráa ya̱ sukuán koo káchíꞌ nu̱u̱nꞌ Tutuꞌ.

Filipenses 1:21

Chi nu̱u̱nꞌ nuꞌuꞌ, retú tékúꞌ ni̱ꞌ jee kúvi ya̱ jiátíñú Cristo nuꞌuꞌ, jee retú kuviꞌ ni̱ꞌ jee kúvi ya̱ si̱kɨ̱ꞌ ka̱ꞌ ni̱ꞌi̱nꞌ ni̱ꞌ.

Filipenses 1:23

Chi várésukuán jee tasáva ví ni̱ꞌ jee saꞌá ni̱ꞌ ni nuvi tiñu. Chi nóꞌónꞌ iniꞌ ni̱ꞌ ya̱ kuviꞌ ni̱ꞌ, jee kuneeꞌ ni̱ꞌ jín Cristo, nu̱u̱nꞌ ñuunꞌ íyó súkún, chi va̱ꞌa víꞌí ka̱ꞌ ví yaꞌá nu̱u̱nꞌ ni̱ꞌ.

2 Pedro 1:11

Chi retú sukuán nijia, saájee taji Ndiosíꞌ nu̱u̱nꞌ rán ya̱ núne va̱ꞌa ichi nu̱u̱nꞌ ki̱vɨ rán nu̱u̱nꞌ tátúníꞌ máá I̱toꞌoꞌ‑ó Jesús ya̱ kúvi Cristo nɨ́ɨ́nkání ya̱ maáréꞌ ví ya̱ nsa̱ꞌá‑a ya̱ nanitáꞌvíꞌ‑ó.

2 Pedro 3:14

Saáva ránoꞌó ya̱ ñúnúunꞌ ni̱ꞌ, jee ni nétu rán ya̱ kiji ntáká rá tiñu yaꞌá, jee kuniꞌvɨꞌ iniꞌ rán nikó néí rán ya̱ kino̱o noo ánímaꞌ rán jee ntu̱náꞌ kua̱chi kuniso ka̱ꞌ ánímaꞌ rán, jee kuniꞌ re̱ꞌ ya̱ ne̱ va̱ꞌa koo ntáká rán jín re̱ꞌ, sáá nenta re̱ꞌ.

Apoclipsis 14:13

Jee nteso̱ꞌo ni̱ꞌ ɨɨn ta̱chi̱yuꞌú ne̱ súkún, jee káchíꞌ‑i: ―Tee tu̱ꞌun ya̱ kachiꞌ ni̱ꞌ nu̱u̱nꞌ nú: “Na̱ ka̱ꞌ netuꞌ ka̱ꞌ kuvi rá ñɨvɨ níꞌiꞌ ya̱ yɨ́ꞌɨ́ ráa nu̱u̱nꞌ I̱toꞌoꞌ‑ó, ya̱ jíꞌíꞌ ráa ne̱ vitan jín ntáká tiempúꞌ ichinúúnꞌ.” ―Va̱tu̱ꞌ nijia ―káchíꞌ Ta̱chi̱ꞌ Ííꞌ Ndiosíꞌ― chi najia̱ví ráa ya̱ níkó néí ráa nsa̱tíñú ráa nu̱u̱nꞌ re̱ꞌ. Jee rá tiñu váꞌa ya̱ nsa̱ꞌá ráa, chi íyó ráa jín‑i jee sáꞌá‑a ya̱ kuvi ya̱ váꞌa ráa nɨ́ɨ́nkání ―káchíꞌ‑i.

Apoclipsis 16:15

Jee nkachiꞌ Jesús: ―Tɨɨn kuéntáꞌ va̱ꞌa rán, sa̱naanꞌ ni nenta ni̱ꞌ kuéntáꞌ kua̱ꞌ kénta sa̱naanꞌ ɨɨn te̱e kuíꞌná. Saáva na̱ ka̱ꞌ netuꞌ ka̱ꞌ kuvi ñɨvɨ ya̱ ñúꞌún nito iniꞌ‑i, kuéntáꞌ kua̱ꞌ ɨɨn ñɨvɨ ya̱ íyó listo saꞌma sáva ntu jíka ñɨɨn léꞌlé‑e jee nkóo‑o tu̱ꞌun kánuun sáá kune̱ꞌyá ñɨvɨ nu̱u̱nꞌ‑u.

Apoclipsis 3:21

’Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ ya̱ kuneeꞌ ñɨvɨ vá jín nuꞌuꞌ nu̱u̱nꞌ teyuꞌ ni̱ꞌ nu̱u̱nꞌ tátúníꞌ ni̱ꞌ, kuéntáꞌ kua̱ꞌ nku̱neí ni̱ꞌ si̱kɨ̱ꞌ tiñu níváꞌa jee nééꞌ ni̱ꞌ jín Tááꞌ ni̱ꞌ nu̱u̱nꞌ teyuꞌ re̱ꞌ nu̱u̱nꞌ tátúníꞌ re̱ꞌ.

Apoclipsis 7:17

Chi maáréꞌ ya̱ kúvi re̱ꞌ Lanchi Lúlí Ndiosíꞌ ya̱ íñɨ́ ma̱ꞌñú teyuꞌ nu̱u̱nꞌ nééꞌ Ndiosíꞌ tátúníꞌ‑i jee kúmí re̱ꞌ ráa kuéntáꞌ lanchi re̱ꞌ kúvi ráa. Jee kunaka re̱ꞌ ráa kɨ̱ꞌɨ̱nꞌ re̱ꞌ jín ráa nu̱u̱nꞌ kéne nute ya̱ sáꞌá ya̱ kutekuꞌ ráa jín re̱ꞌ. Jee sijíchíꞌ Ndiosíꞌ nɨꞌɨ ntenúúnꞌ nchinúún ráa.